ລົດຄາ ເລັ່ງລົດບືນ ຈົນໄຟໄໝ້ ສວນອ້ອຍ ແລະ ລົດແກ່ອ້ອຍ

ໃນຕອນບ່າຍ ຂອງວັນທີ 18 ພຶດສະພາ 2021 ເວລາ 14:00 ໂມງ ເກີດໄຟໄໝ້ສວນອ້ອຍຢູ່ຂອບເຂດດີນຂອງປະຊາຊົນ ບ້ານ ນ້ຳ ແກ້ວຫຼວງ, ເມືອງສິງ ເຊິງ​ເຫດ​ການ​ດັ່ງ​ກ່າວ​ເຮັດ​ໃຫ້​ໄຟໄໝ້ກ້ຽງ ທັງສວນທັງ ລົດບັນທຸກແກ່ອ້ອຍອີກ ເຮັດໃຫ້ເສຍຫາຍ 170 ກວ່າລ້ານກີບ.

ເຈົ້າຂອງສວນອ້ອຍ ຊື່ທ້າວ ເກືອແມະ ອາຍຸ 30 ປີ ຢູ່ບ້ານ ຫ້ວຍນ້ຳແດງ ເມືອງສິງ ແຂວງ ຫຼວງນ້ຳທາ ແລ້ວຈຶ່ງໄດ້ຮີບຮ້ອນຈັດກຳລັງ ແລະ ລົດດັບເພີງ 2 ຄັນລົງໄປກວດກາສະຖານທີທີ່ເກີດເຫດເຫັນວ່າໄຟໄໝ້ສວນອ້ອຍແທ້.

ທາງເຈົ້າໜ້າທີຂອງພວກເຮົາໄດ້ສົມທົບກັບ ປະຊາຊົນໜ່ວຍງານກັນສະກັດກັ້ນສີດນ້ຳ ເພື່ອບໍ່ໃຫ້ໄຟລຸກລ່າມໄປ ໃສ່ສວນອ້ອຍຂອງປະຊາຊົນ ທີ່ຢູໃກ້ຄຽງເຊີ່ງໃຊ້ເວລາປະມານ 40 ນາທີຈຶ່ງສາມາດສະກັດກັ້ນ ແລະ ຄວບຄຸມໄຟໄວ້ໄດ້ສໍາເລັດ.

ສ່ວນສາເຫດຂອງໄຟໄໝ້ໃນຄັ້ງນີແມ່ນເກີດມາຈາກ ທ້າວ ໄມ່ອຸ່ນຕານ ອາຍຸ 32 ປີ ອາຊີບປະຊາຊົນ ຢູ່ບ້ານ ຫ້ວຍກົດ ເມືອງສິງ ແຂວງ ຫຼວງນໍ້າທາ ເຊິ່ງເປັນເຈົ້າຂອງລົດທີເຂົ້າມາຕ່າງອ້ອຍເວລານັ້ນ ລົດແມ່ນໄດ້ຕ່າງອ້ອຍໜັກ ຫຼາຍໂຕນ ແລ້ວຈຶ່ງເຮັດໃຫ້ລົດອ້ອຍໄດ້ຄາຢູ່ສວນອ້ອຍອອກໄປບໍ່ໄດ້ ຈຶ່ງໄດ້ບືນລົດຫຼາຍຄັ້ງ ຈຶ່ງເຮັດໃຫ້ທໍ່ຄັວນລົດເກີດມີ ຄວາມຮ້ອນແລ້ວເກີດມີແປວໄຟ ແລະ ໄດ້ໄປຕິດໃສ່ໃບອ້ອຍທີຕັດແລ້ວຢູ່ສວນນັ້ນສົມ ທົບ ກັບບອາກາດ ຮ້ອນ ແລະ ມີລົມແຮງ ຈຶ່ງເຮັດໃຫ້ໄຟໄໝ້ໃສ່ສວນອ້ອຍ ແລ້ວໄດ້ລຸກລາມມາໃສ່ລົດທີຈອດ ຢູ່ນັ້ນ ຈຶ່ງເຮັດໃຫ້ໄຟໄໝ້ ເກີດຂຶ້ນ.

ຜົນເສຍຫາຍສວນອ້ອຍທີຖືກໄຟໄໝ້ທັງໝົດປະມານ 2.000 ຕາແມັດ, ມູນຄ່າເສຍຫາຍປະມານ 7.000.000 ກີບ, ລົດຕ່າງ ອ້ອຍ 1 ຄັນ ແລະ ເຄືອງ ທີໄວ້ຢູ່ໃນຫົວລົດມີ ເງິນກີບ 300.000 ກີບ, ເງິນຢວນ 6.200 ຢວນ, ບັດປະຈຳຕົວ 1 ອັນ, ໃບຂັບຂີ່ 1 ອັນ, ໃບບິນນ້ຳມັນລົດ 12.700 ຢວນ ແລະ ເອກະສານລົດ, ມູນຄ່າເສຍຫາຍປະມານ 100 ລ້ານກີບ, ລວມມູນຄ່າ ເສຍຫາຍທັງໝົດ ປະມານ 10.000,000 ກີບ, ໂຊກ​ດີ​ທີ່​ທຸກ​ຄົນ​ປອດ​ໄພ.

ທັງນີ້ກໍ່ຢາກ ຝາກເຖິງພໍ່-ແມ່ປະຊາຊົນ ຢູ່ພາຍໃນເມືອງສິງ ຂອງພວກເຮົາ ໃຫ້ມີສະຕິໃນການ ດັງຟືນໄຟຢູ່ພາຍໃນເຮືອນ, ຈູດຂີ້ເຫຍື້ອ, ຈູດສວນອ້ອຍ ແລະ ຈູດ ສິ່ງອື່ນໆ ໂດຍສະເພາະແມ່ນໃນລະດູເກັບກ່ຽວຜົນຜະ ລິດຕັດອ້ອຍ ເຊິ່ງເປັນຕົ້ນແມ່ນການຈູດ ສວນອ້ອຍໃຫ້ມີສະຕິໃນ ການຈູດ, ປອດໄພ ແລະ ຮັບປະກັນທາງດ້ານຊັບສິນ ຂອງລວມໝູ່ກໍ່ຄືຂອງພໍ່ແມ່ປະຊາຊົນ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ນັກຂ່າວ ປກສ ເມືອງສິງ