ມາຮູ້ຈັກເຜົ່າໄຕດຳ ກັບປະຫວັດຄວາມເປັນມາທີ່ໜ້າສົນໃຈ
Luang Namtha Province, laos
ເຜົ່າໄຕດຳ ອີກວົງຄະນະຍາດໜຶ່ງຂອງລາວທີ່ມີປະຫວັດຄວາມເປັນມາອັນຍາວຍຽດ
ດັ່ງທີ່ຮູ້ກັນຊົນເຜົ່າໃນລາວມີຢ່າງຫລວງຫລາຍ ແລະ ຮີດຄອງປະເພນີອັນສວຍງາມ ແລະ ມີເອກະລັກແຕກຕ່າງກັນອອກໄປຕາມແຕ່ລະເຜົ່າແຕ່ລະຂົງເຂດ, ເຜົ່າໄຕ(TAI) ມີປະຫວັດຄວາມເປັນມາຄ້າຍຄືເຜົ່າລາວ ເປັນໜຶ່ງເຜົ່າໃນວົງຄະນະຍາດຂອງລາວ ຄວາມໝາຍຂອງຄຳວ່າໄຕ ຫຼື ໄທ ຄືວ່າຄົນ ຫຼື ມະນຸດ ນັ້ນເອງ ໃນສະໄໝກ່ອນຈະເອີ້ນຊື່ກັນຕາມສີຂອງເສື້ອຜ້າທີ່ມັກໃສ່ ເຊັ່ນ: ໄຕດຳ, ໄຕແດງ, ໄຕຂາວ.
ເຊິ່ງບົດນີ້ຈະສະເໜີໃຫ້ຮູ້ກ່ຽວກັບເຜົ່າໄຕດໍາ ເປັນແຊງໜຶ່ງຂອງເຜົ່າໄຕ ໄຕດໍາໄດ້ຕັ້ງຫຼັກປັກຖານໃນດິນແດນລາວເປັນເວລາຫຼາຍຮ້ອຍປີແລ້ວ ເຊິ່ງມີຖິ່ນຖານເດີມຢູ່ສິບສອງຈຸໄທ ຫຼື ບໍລິເວນລຸ່ມແມ່ນ້ຳດຳ ແລະ ແມ່ນ້ຳແດງໃນຫວຽດນາມຕອນເໜືອ ໂດຍສະເພາະເມືອງແຖງ ເຊິ່ງເປັນຖິ່ນທີ່ຢູ່ຂອງເຜົ່າໄຕດຳ ແລະ ໄຕຂາວ ປັດຈຸບັນສິບສອງຈຸໄທຄືແຂວງດຽນບຽນຟູ ສສ ຫວຽດນາມ ມີຊາຍແດນຕິດຕໍ່ກັບແຂວງຜົ້ງສາລີ
ໄຕດໍາມີສິລະປະທີ່ເປັນເອກະລັກມີບົດການຂັບລໍາເປັນຂອງຕົນເອງ ການເຕັ້ນແຊ ມີເຄື່ອງດົນຕີເຊັ່ນ; ປີ່ປັບ, ປີ່ລໍາບັນ, ຄ້ອງ, ກົ່ງ(ກອງ), ແສ່ງ… ມີການລະຫຼິ້ນເຊັ່ນ: ຕັອດກ໊ອນ, ໝາກແລ້, ໝາກຂ່າງ, ໜ້າເກັກ,…
ລັກສະນະເຮືອນຂອງໄຕດໍາແມ່ນຈະເປັນເຮືອສູງມີເສົາຄ້ໍາແອ້ມດ້ວຍໄມ້ ມຸງດ້ວຍໃບຫວາຍ ຫຼື ຫຍ້າຄາ ການດຳລົງຊີວິດອາໄສ ຢູ່ຕາມພູພຽງ ທົ່ງພຽງ ແລະ ລ້ອງແມ່ນ້ຳ ຍຶດຖືການກະເສດເປັນຫຼັກເຊັ່ນ: ເຮັດນາ, ເຮັດໄຮ່, ເຮັດສວນ, ລ້ຽງສັດ
ແລະ ຍັງມີຫັດຖະກຳສີໄມ້ລາຍມືອັນງົດງາມ ຜູ້ຊາຍເນັ້ນວຽກຈັກສານ ຜູ້ຍິງ ປູກມອນລ້ຽງມ້ອນ ຕ່ຳຫູກທໍໄໝ ເປັນຕົ້ນ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ:
