ຈະສ້າງແຫຼ່ງທ່ອງທ່ຽວ ບໍ່ນໍ້າຮ້ອນ ແລະ ນໍ້າຕົກຕາດບ້ານນໍ້າຟ້າເປັນແຫຼ່ງທ່ອງທ່ຽວຂອງເມືອງຕົ້ນເຜີ້ງ

ຖືວ່າເປັນໂອກາດອັນດີທີ່ຈະສ້າງແຫຼ່ງທ່ອງທ່ຽວແຫ່ງໃໝ່ອີກແຫ່ງໜຶ່ງຂອງດເມືອງຕົ້ນເຜິ້ງ ແຂວງ ບໍ່ແກ້ວ, ເຊິ່ງ ບໍ່ນໍ້າຮ້ອນ ແລະ ນໍ້າຕົກຕາດບ້ານນໍ້າຟ້າເປັນອີກແຫລ່ງທ່ອງທ່ຽວທຳມະຊາດທີ່ມີຄວາມສວຍງາມ ແລະ ຄວນຈະໄດ້ຮັບການປັບປຸງໃຫ້ດີຫລັງຈາກຊ່ວງທີ່ການລະບາດຂອງພະຍາດໂຄວິດ-19 ເລີມຊາລົງ ແລະ ລັດຖະບານໄຟຂຽວອະນຸຍາດໃຫ້ເຂດທ່ອງທ່ຽວສີຂຽວສາມາດດຳເນີນກິນຈະການທ່ອງທ່ຽວຕໍ່ໄປໄດ້.

ປະຈຸບັນໄດ້ຮັບການອະນາໄມ ປັບປຸງ ກຽມເປີດເປັນແຫຼ່ງທ່ອງທ່ຽວຂອງເມືອງ ຕົ້ນເຜິ້ງ ຢ່າງເປັນທາງການຕາມການລາຍງານຂອງສຳນັກຂ່າວແຂວງບໍ່ແກ້ວ ໜັງສືພິມບໍ່ແກ້ວ Bokeo Newspaper ໄດ້ໃຫ້ຮູ້ວ່າ: ໃນວັນທີ 17 ກຸມພາ 2022 ຫ້ອງການ ຖະແຫຼ່ງຂ່າວ ວັດຖະນາທຳ ແລະ ທ່ອງທ່ຽວຂອງ ເມືອງ ຕົ້ນເຜິ້ງ ສົມທົບກັບຄະນະພັກຮາກຖານກຸ່ມບ້ານນາຄໍາ

SA Game — ໜັງສືພິມບໍ່ແກ້ວ Bokeo Newspaper

ລວມທັງພະນັກງານກໍ່ສ້າງຮາກຖານ ແລະ ພໍ່ແມ່ປະຊາຊົນບ້ານນ້ຳຟ້າ ນຳພາໂດຍທ່ານ ຂັນຄຳ ພົງສຸວັນ ເລຂາຄະນະພັກຮາກຖານກຸ່ມບ້ານນາຄຳ ໄດ້ພ້ອມກັນອະນາໄມ ແລະ ປຸກຕູບພັກຢູ່ຂອບເຂດບໍ່ນ້ຳຮ້ອນ ແລະ ນ້ຳຕົກຕາດບ້ານນ້ຳຟ້າ ທັງນີ້ກໍ່ເພື່ອກະກຽມໃຫ້ແກ່ເປີດແຫຼ່ງທຳມະຊາດດັ່ງກ່າວເປັນທ່ອງທ່ຽວແຫ່ງໃຫມ່ຕາມແຜນການ 5 ປີຂອງເມືອງ ຂອງແຂວງ

ທັງເປັນການຮອງຮັບນັກທ່ອງທ່ຽວທັງພາຍໃນ ແລະ ຕ່າງແຂວງທີ່ຈະມາທ່ອງທ່ຽວ ພັກຜ່ອນຢູ່ແຫຼ່ງທຳມະຊາດບໍ່ນ້ຳຮ້ອນ ແລະ ນໍ້າຕົກຕາດດັ່ງກ່າວ ໂດຍສະເພາະເປັນການຕ້ອນຮັບລະດູການທ່ອງທ່ຽວໃນໄລຍະບຸນປີໃໝ່ລາວທີ່ຈະມາເຖິງນີ້ ຕິດພັນກັບການອະນຸລັກແຫຼ່ງຕົ້ນນ້ຳ, ປ່າໄມ້ແບບຍືນຍົງ ແລະ ເປັນການສ້າງວຽກເຮັດງານທຳໃຫ້ແກ່ພໍ່ແມ່ປະຊາຊົນດ້ານການບໍລິການ ເພື່ອສ້າງລາຍເຂົ້າສູ່ຄອບຄົວ ເຮັດໃຫ້ຊີວິດການເປັນຢູ່ນັບມື້ນັບດີຂຶ້ນເທື່ອລະກ້າວ ຕິດພັນກັບແຜນພັດທະນາເສດຖະກິດ – ສັງຄົມ ຂອງແຂວງ ໂດຍສະເພາະແມ່ນເມືອງຕົ້ນເຜິ້ງ ໃຫ້ໄດ້ຮັບການພັດທະນາເປັນກ້າວໆ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບໃຈແຫລ່ງທີ່ມາ: Bokeo Newspaper