ປະຫວັດຄວາມເປັນມາຂອງວັດນາກໃຫ່ຍໂດຍ ພຣະອາຈານບຸນຍາດ
ອີນໄຊລາວ
ມາຟັງປະຫວັດຂອງວັດນາກໃຫ່ຍ ຈາກການເລົ່າຂອງ ພຣະອາຈານບຸນຍາດ ເຈົ້າອະທິການ ວັດນາກໃຫ່ຍ.
ຖືວ່າກຳລັງເປັນທີ່ຮືຮາກັນໃນຊ່ວງໜຶ່ງໃນກະແສສື່ສັງຄົມອອນລາຍ, ເນື່ອງຈາກຍັງມີຫລາຍໆທ່ານທີ່ຍັງຄົງບໍ່ເຄີຍເຫັນ ແລະ ບໍ່ເຄີຍໄດ້ຮູ້ກ່ຽວກັບວັດນາກໃຫຍ່ເຊິງຫລັງຈາກມີຜູ້ໄດ້ໄປທ່ຽວຊົມ ແລະ ໄດ້ພາບງາມໆມາກໍເຮັດໃຫ້ເປັນທີ່ສົນໃຈຂອງຫລາຍໆທ່ານ ແລະ ພະຍາຍາມຊອກຫາຂໍ້ມູນເພື່ອໄປກາບໄວ້ສັກຂະລະບູຊາໃຫ້ໄດ້.
ເຊິງວັດນາກໃຫ່ຍ ຕັ້ງຢູ່ ບ້ານ ທ່າພະລານໄຊ ເມືອງ ສີສັດຕະນາກ ນະຄອນຫຼວງວຽງຈັນ, ແລະ ວັດນາກໃຫ່ຍ ຍັງເປັນວັດເກົ່າແກ່ ແລະ ເລື່ອງລືມາແຕ່ບູຮານນະການ ເຊິ່ງເປັນປູຊະນີຍະສະຖານ ອັນສັກສິດ. ເພາະນະທີ່ນີ້ ມີຮູພະຍານາກ ຢູ່ໃຈກາງຂອງວັດ. ວັດແຫ່ງນີ້ຖືກສ້າງຂຶ້ນມາແຕ່ສະໄໝໃດແມ່ນບໍ່ມີຂໍ້ມູນທີ່ຊັດເຈນ ຮູ້ພຽງແຕ່ວ່າເປັນວັດທີ່ຕິດພັນກັບປະຫວັດສາດເມືອງວຽງຈັນ ແຕ່ບູຮານ.
ພຣະອາຈານ ບຸນຍາດ ເຈົ້າອະທິການວັດນາກໃຫ່ຍ ໄດ້ເລົ່າໃຫ້ທີມງານອິນໄຊລາວຟັງວ່າ: ມີການບ່ອກເລົ່າກັນມາວ່າ ຢູ່ໃຈກາງຂອງວັດຈະສັງເກດເຫັນໂພນໃຫ່ຍ ທີ່ຄ້າຍຄືກັບອູບມຸງ ທີ່ບັນຈຸສິ່ງສັກສິດອັນໃດອັນໜື່ງໄວ້ທາງໃນນັ້ນ.
ອີງຕາມຕໍາລາອຸລັງຄະທາດ ແລະ ໜັງສືໃບລານ ໄດ້ຂຽນໄວ້ວ່າ: ພະທາດຢູ່ໃຈກາງວັດນັ້ນເປັນຫຼັກຂອງປະເທດລ້ານຊ້າງ, ນອກຈາກນັ້ນຍັງມີເລື່ອງເລົ່າສືບຕໍ່ກັນມາອີກວ່າ: ຍັງມີລຸງຈັນ ໄປໃສ່ໄຊຖືກລູກພະຍານາກ ພໍຕົກຄໍ່າມາ ພໍ່ຂອງພະຍານາກແປງໂຕເປັນຄົນຮົ່ມຂາວ ແລ້ວມາລົມກັບລຸງຈັນວ່າ ເຈົ້າປ່ອຍລູກຂ້ອຍ ຂ້ອຍຈະຊ່ວຍເຈົ້າທຸກຢ່າງ, ລຸງຈັນເຫັນວ່າ ຮົ່ມຜ້າຂາວນັ້ນ ຄົງຈະເປັນຜູ້ມີສິນທໍາ ຈຶ່ງປ່ອຍລູກຂອງພະຍານາກໄປ.
ຫຼາຍປີຕໍ່ມາຝົນບໍ່ຕົກຕາມລະດູການ ລຸງຈັນກໍຕີກອງສັນຍານໃຫ້ນາກຂຶ້ນມາຊ່ວຍ ຫຼື ປີໃດມີນໍ້າຖ້ວມລຸງຈັນກໍຕີກອງສັນຍານຂຶ້ນມາຊ່ວຍເຊັ່ນກັນ. ຈົນບ້ານເມືອງຂອງລຸງຈັນຈະເລີນຮຸ່ງເຮື່ອງ ແຕ່ບັງເອີນມີນາກຈໍານວນໜື່ງຂຶ້ນມາທໍາຮ້າຍຜູ້ຄົນ ລຸງຈັນຈື່ງຮ້ອງຂໍໃຫ້ພະຍານາກຜູ້ປົກຄອງເມືອງ ໃຫ້ອັດຮູຂອງພະຍານາກໄວ້. ຈຶ່ງກາຍເປັນພະທາດຢູ່ກາງວັດນາກໃຫ່ຍ ແລະ ເອີ້ນວ່າພະທາດອັດຮູ ພະຍານາກ ຈົນຮອດປະຈຸບັນນີ້.
ຂອບໃຈແຫລ່ງທີ່ມາ: ອີນໄຊລາວ.
