ປະຫວັດຄວາມເປັນມາຂອງ ພຣະກິວ ແຫ່ງນະຄອນຫຼວງພະບາງ
Anousone Manisouk
ມາເບິ່ງປະຫວັດຄວາມເປັນມາຂອງ ພຣະກິວ ຂອງນະຄອນຫຼວງພະບາງ.
ນະຄອນຫລວງພະບາງຖືວ່າເປັນແຂວງທີ່ຍັງຮັກສາບູລະນະວັດຖຸບູຮານເກົ່າແກ່ ແລະ ວັດຖະນາທຳໄດ້ດີ ແລະ ຍັງເປັນເມືອງມໍລະດົກໂລກ, ມີນັກທ່ອງທ່ຽວຫລາຍໆທ່ານທີ່ເຂົ້າມາທ່ຽວ ທັງຄົນລາວ ແລະ ນັກທ່ອງທ່ຽວຕ່າງຊາດ ເນື່ອງຈາກນະຄອນຫລວງພະບາງຍັງຮັກສາຮີດຄອງປະເພນີໃນແບບຂອງລາວໄວ້ໄດ້ດີ ແລະ ມີບ່ອນທ່ອງທ່ຽວທີ່ເປັນເອກະລັກຫລາຍໆແຫ່ງ.
ຖ້າຈະເວົ້າເຖິງສະຖານທີ່ ແລະ ພຣະພຸດທະຮູບທີ່ສັກສິດ ແລະ ເປັນທີ່ຮູ້ກັນໃນແຂວງຫລວງພະບາງ ລວມທັງມີປະຊາຊົນໃນທົ່ວປະເທດມາກາບໄຫວ້ເພື່ອຂອງພອນກໍຄົງຕ້ອງແມ່ນ ພຣະະກິວ ເຊິງອິງຕາມປະຫວັດການບອກເລົ່າ ແມ່ນໄດ້ມາຈາກ ລຳນ້ຳກິວ ທີ່ແຂວງຫຼວງນ້ຳທາ ເຊິ່ງເລື່ອງລາວມີຢູວ່າ ໃນມື້ໜື່ງດົນນານມາແລ້ວ ໄດ້ມີຊົນເຜົ່າລາວເທິງໄປຂຸດມັນ ຢູ່ ນ້ຳກິວ ຫຼວງນ້ຳທາ ຂະນະດຽວກັນ ສຽມທີ່ຂຸດລົງໄປໄດ້ທັ່ງໃສ່ແທ່ນພຣະ ແລະ ໄດ້ພົບເຫັນພຣະ ຫຼັງຈາກນັ້ນໄດ້ຫາເອົາຜ້າຫໍ່ໄວ້.
ເມື່ອເວລາກັບເຮືອນກໍ່ໄດ້ນຳກັບມາ ໃນລະຫວ່າງທາງ ພໍດີມີພໍ່ຄ້າ ຈາກຫຼວງພະບາງ ໄປທຳການຄ້າ-ຂາຍ ໄປພົບ, ຈຶ່ງໄດ້ທຳການແລກປ່ຽນກັບເຄື່ອງຂອງ. ຫຼັງຈາກນັ້ນພໍ່ຄ້າ ໄດ້ເດີນທາງໄປຄ້າທີ່ ຫຼວງນ້ຳທາ ໄດ້ລ່ອງ-ໄຫຼແພລົງມາ ຮອດເຂດເມືອງຫຼວງພະບາງ.
ປັດຈຸບັນ ອົງພຣະພຸທະຮູບ ປະດິດສະຖານທີ່ວັດແຫ່ງຫນຶ່ງ ໃນແຂວງຫຼວງພະບາງ ເມື່ອຮອບຂວບປີຈະໄດ້ນຳອອກມາຮົດສົງ, ພຣະກິວ ເປັນພຣະທີ່ສັກສິດ ອີກອົງຫນຶ່ງເຊັ່ນກັບພຣະພຸດທະຮູບ ອົງອື່ນໆ ເຊັ່ນ:
ພຣະບາງ, ພຣະມ່ານ, ພຣະເຈົ້າອົງແສນ ແລະ ແນ່ນອນ ກໍ່ແມ່ນພຣະກິວ. ອົງພຣະກິວ ມີພຸທະລັກສະນະທີ່ງົດງາມ ສາມາດ ດົນບັນດານໃຫ້ຜູ້ທີ່ໄດ້ ສັກກະລະບູຊາ ປະສົບຜົນສຳເລັດສະເໝີຕາມຄວາມເຊື່ອດັ່ງເດີມ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: Anousone Manisouk
