ຄໍາວ່າ “ຄ້ອຍ” ການນໍາໃຊ້ ແລະ ຄວາມໝາຍໃນພາສາລາວ
ອະທິບາຍຄໍາວ່າ “ຄ້ອຍ” ມີຄວາມໝາຍແນວໃດ?
ໃນພາສາລາວ ການນໍາໃຊ້, ການສົນທະນາສື່ສານ ລວມທັງການສະກົດຄຳ ແລະ ຕ່າງໆມີຄວາມຫລາກຫລາຍໃນການນຳໃຊ້ບາງສ່ວນກໍນຳໃຊ້ຖືກຫລັກໄວຍາກອນບາງສ່ວຍກໍຍັງຄົງເຫັນວ່າມີການນຳໃຊ້ຜິດພາດຢູ່, ດັ່ງທີ່ຮູ້ກັນດີ ໃນພາສາລາວມີການສະກົດຄຳຕ່າງໆແຕກຕ່າງກັນເລັກນ້ອຍການອອກສຽງທີ່ຄ້າຍຄືກັນ,ຄວາມໝາຍອື່ນໄປໄດ້ ແລະ ໃນບົດນີ້ ເຮົາຈະມາອະທິບາຍກ່ຽວກັບຄຳວ່າ ຄ້ອຍ.
ຄໍາວ່າ “ຄ້ອຍ”
ມີຄວາມໝາຍວ່າ ບ່ອນຕ່ຳ, ບ່ອນທີ່ເປັນເນີນລົງໄປຈາກຈຸດໜຶ່ງຫາຈຸດໜຶ່ງຕ່ຳຫາສູງ, ເນີນລົງໄປຈົນເຖິງຕ່ຳທີ່ສຸດເອີ້ນວ່າ ຄ້ອຍ, ອີກຄວາມໝາຍໜຶ່ງກໍຄື ບ່າຍລົງໄປ, ຫງ່ຽງ, ບໍ່ລືມ.
ນອກຈາກນີ້, “ຄ້ອຍ” ຍັງໝາຍເຖິງຄວາມຮູ້ສືກເຫງົາໆ, ຄວາມຮູ້ສືກທໍ້ຖອຍກັບບາງສິ່ງບາງຢ່າງ ຫລື ຮູ້ສືກທໍ້ຖອຍ ຄ້ອຍໃຈ ກັບການກະທຳບາງສິ່ງບາງຢ່າງ ເຊິ່ງຄວາມໝາຍຂອງແຕ່ລະຢ່າງກໍອີງໃສ່ຕາມກໍລະນີການນຳໃຊ້
ຕົວຢ່າງ:
ລາວຂີ່ລົດລົງຄ້ອຍມາໄວຫລາຍເລີຍເຮັດໃຫ້ລົດລາວເສຍຫລັກປິ້ນຢູ່ນີ້.
ພໍຕາເວັນຄ້ອຍຄ່ຳລົງຮູ້ສືກເຫງົາໆຄິດຮອດບ້ານ.
ຄຶດຄ້ອຍໆມາກໍຮູ້ສືເສຍໃຈກັບສິ່ງທີ່ຜ່ານມາ.
ສະຫຼຸບ.
ຄໍາວ່າ “ຄ້ອຍ” ມີຄວາມໝາຍວ່າ ບ່ອນຕ່ຳ, ບ່ອນທີ່ເປັນເນີນລົງໄປຈາກຈຸດໜຶ່ງຫາຈຸດໜຶ່ງຕ່ຳຫາສູງ, ເນີນລົງໄປຈົນເຖິງຕ່ຳທີ່ສຸດເອີ້ນວ່າ ຄ້ອຍ, ອີກຄວາມໝາຍໜຶ່ງກໍຄື ບ່າຍລົງໄປ, ຫງ່ຽງ, ບໍ່ລືມ, ອີກຄວາມໝາຍໜຶ່ງ “ຄ້ອຍ” ຍັງໝາຍເຖິງຄວາມຮູ້ສືກເຫງົາໆ, ຄວາມຮູ້ສືກທໍ້ຖອຍກັບບາງສິ່ງບາງຢ່າງ ຫລື ຮູ້ສືກທໍ້ຖອຍ ຄ້ອຍໃຈ ກັບການກະທຳບາງສິ່ງບາງຢ່າງ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo