ກຽມໄປ! ເທດສະການ “ຫຸ່ນເຟືອງ” ຄັ້ງທຳອິດໃນ ນະຄອນຫຼວງວຽງຈັນ
ກະກຽມງານ ເທດສະການ “ຫຸ່ນເຟືອງ” ຄັ້ງທຳອິດໃນ ນະຄອນຫຼວງ.
ຖືວ່າຈະມີອີກເທສະການໃໜ່ໜຶ່ງໃນນະຄອນຫລວງວຽງຈັນ, ເຊິງເປັນເທສະການທີ່ຍັງບໍ່ເຄີຍມີມາກ່ອນ ແລະ ໜ້າຕືນຕາຕືນໃຈຫລາຍ ແລະ ຊາວນະຄອນຫຼວງ ວຽງຈັນ ກຽມທ່ຽວຊົມງານເທດສະການ “ຫຸ່ນເຟືອງທົ່ງນາແຊງບ້ານນາ” ໄດ້, ເຊີ່ງຈະຈັດຂຶ້ນຄັ້ງທຳອິດຢູ່ບ້ານ ໜອງບົວທອງເໜືອ, ເມືອງ ຈັນທະບູລີ, ນະຄອນຫຼວງ ວຽງຈັນ ໃນລະຫວ່າງວັນທີ 21-29 ມີນາ 2022 ໂດຍຈະມີຫຼາຍກິດຈະກໍາເພື່ອທ່ຽວຊົມ.
ທ່ານ ນາງ ວົງຈັນ ບົວແພງ ຮອງຜູ້ຈັດການ ໂຮງແຮມລາວເທວ, ທັງເປັນຜູ້ຮັບຜິດຊອບການຈັດງານຄັ້ງນີ້ ກ່າວວ່າ: ຈຸດປະສົງຂອງການຈັດງານໃນຄັ້ງນີ້ ເພື່ອເປັນການສົ່ງເສີມການທ່ອງທ່ຽວພາຍໃນນະຄອນຫຼວງ ວຽງຈັນ ຫຼື ລາວທ່ຽວລາວ ໃຫ້ກັບມາມີບັນຍາກາດຄຶກຄື້ນອີກຄັ້ງໜຶ່ງ, ນອກຈາກນີ້ ຍັງເປັນການສົ່ງເສີມທຸລະກິດຊຸມຊົນ ໃຫ້ມີບ່ອນຊື້-ບ່ອນຂາຍ ຂອງປະຊາຊົນພາຍໃນເມືອງ ຈັນທະບູລີ ກໍຄື ນະຄອນຫຼວງ ວຽງຈັນ.
ໂດຍທີ່ພາຍໃນງານ ແມ່ນຈະຈັດໃຫ້ມີຫຼາກຫຼາຍກິດຈະກໍາ ເຊັ່ນ: ການຖ່າຍຮູບກັບຫຸ່ນເຟືອງທີ່ເປັນສັດຫຼາຍປະເພດ ຄື: ຄວາຍ, ຊ້າງ, ສິງ, ເສືອ ແລະ ລິງ ການຂາຍສິນຄ້າຕ່າງໆ ຂອງປະຊາຊົນ, ລວມທັງຜູ້ປະກອບການທີ່ນໍາມາວາງສະແດງຂາຍພາຍໃນງານ.
ເຊິ່ງຫລາຍໆຢ່າງກໍໜ້າສົນໃຈຫລາຍ ນີ້ເປັນພຽງຄັ້ງທຳອິດ ແລະ ຄວາມຄິດສ້າງສັນໃນຂັ້ນຕອນແລກໆເທົ່ານັ້ນ, ແລະ ເຊືອແນວ່າໃນລຳດັບ ແລະ ຄັ້ງຕໍ່ໄປຄົງຈະມີຫລາກຫລາຍກວ່ານີ້ຢ່າງແນນອນ.
ການຈັດງານໃນຄັ້ງນີ້ ຈະປະຕິບັດຄຽງຄູ່ກັບມາດຕະການປ້ອງກັນພະຍາດ ໂຄວິດ-19 ຢ່າງເຂັ້ມງວດ ແລະ ຖືເປັນຄັ້ງທໍາອິດ ທີ່ຈັດງານເທສະການຫຸ່ນເຟືອງທົ່ງນາແຊງບ້ານນາ ຢູ່ ນະຄອນຫຼວງວຽງຈັນ, ຖ້າຫາກໄດ້ຮັບຜົນດີຈະສືບຕໍ່ຈັດຂຶ້ນທຸກໆປີ ເພື່ອເປັນສ່ວນໜຶ່ງໃນການຊຸກຍູ້ສົ່ງເສີມການທ່ອງທ່ຽວພາຍໃນ ເມືອງ ຈັນທະບູລີ ໃຫ້ມີບັນຍາກາດຄຶກຄື້ນມ່ວນຊື່ນ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: ອິນໄຊລາວ.