ມາຮູ້ຈັກ ການເລືອກຄູ່ຄອງໃນສະໄໝບູຮານຂອງ ລາວ
ອິນໄຊລາວ.
ຮູ້ໄວ້ ຖ້າຈະເລືອງຄູ່ຄອງໃຫ້ຖືກ ແລະ ດີຕໍ່ຕົນເອງຂອງລາວ.
ການແຕ່ງງານ ຫລື ການທີ່ຈະເລືອກຄູ່ຄອງເປັນເລືອງສຳຄັນຫລາຍໃນຊິວິດຂອງທຸກຄົນ, ບໍ່ວ່າຈະເປັນຍິງ ຫລື ຊາຍ ທຸກຄົນລ້ວນແຕ່ຕ້ອງການຄູ່ຄອງທີ່ດີ ແລະ ເໝາະສົມກັບຕົນເອງ ແລະ ການທີ່ຈະເລືອກ ແລະ ຮູ້ໄດ້ວ່າຜູ້ໃດເປັນຄູ່ຄອງທີ່ດີເໝາະສົມກັບຕົນເອງນັ້ນມັນກໍຍັງຍາກຢູ່, ໃນສະໄໝບູຮານ ຄົນລາວມີວິທີການເລືອກຢູ່ ແຕ່ຈະໃຫ້ຖືກ ຫລື ບໍ່ນັ້ນກໍຂື້ນຢູ່ກັບຄວາມເຊືອຂອງແຕ່ລະບຸກຄົນ.
ຊາຍຍິງທີ່ສົມສູ່ຢູ່ຮ່ວມກັນ ໂດຍຖານເປັນຜົວເປັນເມຍກັນ ເອີ້ນວ່າ “ຄູ່ຄອງ” ບູຮານແຍກຄູ່ຄອງໄວ້ 2 ປະເພດຄື:
- ພວກທີໜຶ່ງເຄີຍຢູ່ຮ່ວມກັນມາແຕ່ໃນຊາດປາງກ່ອນ
- ພວກທີສອງ ແມ່ນໄດ້ຊ່ວຍເຫຼືອເກື້ອກູນກັນໃນປັດຈຸບັນ.
ແລະໃນການເລືອກຄູ່ຄອງນັ້ນ, ຖ້າໄດ້ຄົນດີ ຈະມີຄວາມສຸກຄວາມຈະເລີນ.
ການເລືອກຄູ່ຄອງ ຕາມທີ່ໜັງສືທຳມະດາສອນໂລກ ໄດ້ບອກໄວ້ມີດັ່ງນີ້:
- ຍິງຊາຍທີ່ພໍ່ແມ່ຍັງມີຊີວິດຢູ່ ຄວນເລືອກເປັນຄູ່ຄອງ ແລ້ວໃຫ້ເຮັດຕາມຮີດຄອງປະເພນີ ແລະຕ້ອງເຄົາລົບຜີ (ດ້ຳ) ເຮືອນ ຖ້າບໍ່ເຮັດມັກເກີດໂທດ, ຖ້າບໍ່ຕາຍກໍຢ່າຮ້າງ ຫາຄວາມສຸກ ຄວາມຈະເລີນບໍ່ໄດ້.
- ຍິງຊາຍ ທີ່ພໍ່ແມ່ຕາຍແລ້ວບໍ່ຄວນເລືອກເປັນຄູ່ຄອງ ຖ້າຈພເປັນໄດ້ເລືອກໃຫ້ປຸກຜາມ (ປະຣຳ) ນອກເຮືອນ ແລະສົມມາເຈົ້າໂຄດວົງສາທີ່ນັ້ນ, ຈັກຢູ່ເຢັນເປັນສຸກ ຖ້າບໍ່ເຮັດດັ່ງທີ່ເວົ້າມາຈະເກີດໂທດ, ບໍ່ໝ້າຍກໍຮ້າງ, ບໍ່ມີຄວາມຈະເລີນຮຸ່ງເຮືອງ.
- ຊາຍ-ຍິງ ທີ່ພໍ່ຕາຍແລ້ວ ບໍ່ຄວນເລືອກເປັນຄູ່ຄອງ ຖ້າເລືອກຈະເກີດໂທດແກ່ຕົນ ແລະຄົນອື່ນ ຫາຄວາມສຸກກາຍສະບາຍໃຈບໍ່ຄ່ອຍໄດ້.
- ຝ່າຍຊາຍພໍ່ຕາຍ ຝ່າຍຍິງແມ່ຕາຍ ບໍ່ຄວນເລືອກເປັນຄູ່ຄອງ ຖ້າເລືອກຈະເກີດໂທດ ບໍ່ຕາຍກໍຢ່າຮ້າງ ຫຼືຈະເປັນອັນຕະລາຍຕໍ່ລູກທີ່ເກີດມາ.
- ຝ່າຍໜຶ່ງທຸກຝ່າຍໜຶ່ງຮັ່ງມີ ຄວນເລືອກເປັນຄູ່ຄອງ ຖ້າທຸກທັງສອງຝ່າຍ ບໍ່ຄວນເລືອກເປັນຄູ່ຄອງເລີຍ ຈະທຸກຍາກລຳບາກຫຼາຍເລີຍ.
- ຍິງຄົນໃຊ້ໃນເຮືອນຫຼືຍິງທີ່ມັກຫຼິ້ນຫອກ, ຫຼິ້ນດາບ, ຫຼາວ, ແຫຼມ ບໍ່ຄວນເລືອກເປັນຄູ່ຄອງ ເພາະວ່າຈະນຳຄວາມເສື່ອມເສຍມາສູ່ຕົນເອງ.
- ເຈົ້ານາຍ ເອົາຄົນໃຊ້ມາເປັນຄູ່ຄອງ ຈະເກີດຄວາມຈິບຫາຍ.
- ເອົາລູກສາວເປັນເມຍ ຈະເຂັດຂວາງ ແລະຈິບຫາຍວາຍວອດ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: ອິນໄຊລາວ.
