ຈະໄດ້ມີການບູຣະນະ-ປະຕິສັງຂອນພຣະທາຕຸອຸງໄຫ ມັງກາຣະຄີຣີເຈດີຄືນໃຫມ່
ປັບປຸງສິລະປະອັນເກົ່າແກ່ຂອງລາວເຮົາພຣະທາຕຸອຸງໄຫ ມັງກາຣະຄີຣີເຈດີ ສີລະປະສະໄຫມລ້ານຊ້າງ
ຕາມປະຫວັດ ແລະ ຕາມຫຼັກຖານໃນສີລາຈາລຶກທີ່ລະບຸໃສ່ຢູ່ຝ່າສາລາຂ້າງພະທາດແມ່ນ ໄດ້ສ້າງຂື້ນໃນປີ 1080 ແຕ່ບາງແຫ່ງກ່າວວ່າ ສ້າງຂື້ນທຳອິດປີ ພ.ສ 1343 ເຊິ່ງນຳພາສ້າງໂດຍ ພະຍາເມືອງອູ ໄດ້ພາແຮງງານປະຊາຊົນຊາວເມືອງປັນນາອູ ຜູ້ມີຄວາມເຫຼື້ອມໃສສັດທາ ພັນກວ່າຄົນ ຮ່ວມສ້າງທີ່ຈອມພູແມວປິວດ້ວຍພະລັງແຮງສັດທາເພື່ອໃຫ້ເປັນພຸທະບູຊາພຣະພຸດທະເຈົ້າ ແລະ ເປັນສິລິມົງຄຸນໃຫ້ແກ່ບ້ານເມືອງ.
ສະນັ້ນ, ອີງຕາມປະຫວັດດັ່ງກ່າວແລ້ວ ພຣະທາດອຸງໄຫຖືໄດ້ວ່າເປັນອົງພຣະທາດເຈດີທີ່ມີອາຍຸຫລາຍຮ້ອຍປີ ຫລື ພັນກວ່າປີ ນັບວ່າເກົ່າທີ່ສຸດເປັນທາດເຈດີອົງສຳຄັນທີ່ຊາວເມືອຍອດອູໃຫ້ຄວາມເຄົາລົບນັບຖືບູຊາຫລາຍທີ່ສຸດມາແຕ່ໃດໆແລ້ວ, ເປັນສູນລວມຈິດໃຈ, ຄວາມສາມັກຄີ ຂອງພຸດທະສະນິກະຊົນບັນດາເຜົ່າ ໂດຍສະເພາະແມ່ນຊົນເຜົ່າ ລື້ ຖືວ່າເປັນພຣະທາດອົງສັກສິດຫຼາຍ ເຊິ່ງທຸກປີຊ່ວງເດືອນ 7 ສິນ 15 ຄ່ຳຈະມີການຈັດງານບຸນຂື້ນໄຫວ້ພຣະທາດປະຈຳປີຂອງປະຊາຊົນບໍ່ລິເວນໃກ້ຄຽງຮ່ວມກັນຂື້ນເມືອກິນທານຢູ່ເທິງພຣະທາດເພື່ອສ້າງບຸນກຸສົນແກ່ຕົນເອງ.
ພຣະທາຕຸອຸງໄຫ ມັງກາຣະຄີຣີເຈດີ ສ້າງເມື່ອປີ ຄສ 1343 ປັດຈຸບັນ ມີອາຍຸ 769 ປີແລ້ວ ຈະໄດ້ມີການບູຣະນະ-ປະຕິສັງຂອນຄືນໃຫມ່ຄັ້ງໃຫຍ່
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: ພຈ ດີ ແດນເຫນຶອ ຄຳພີລະປັນໂຍ