ໃຜຍັງບໍ່ເຄີຍເຫັນ! ຮູບຮ່າງໜ້າຕາຂອງ ເງິນຕາສະໄໝອານາຈັກລ້ານຊ້າງ
ມາເບິ່ງເງິນຕາຂອງສະໄໝອານາຈັກລ້ານຊ້າງມີຮູບຮາງໜ້າຕາແນວໃດ?
ເງິນຕາເປັນສິ່ງທີ່ກຳເນີດເກີດຂື້ນຈາກການແລກປ່ຽນລະຫວ່າງສິ່ງຂອງຕ່າງໆນຳກັນ, ເຊິງໃນແຕ່ລະຍຸກແຕ່ລະສະໄໝກໍລ້ວນແລ້ວແຕ່ມີເງິນຕາທີ່ເປັນເອກະລັກຂອງຕົນເອງ ໃນຕອນນີ້ເຮົາຈະມາເບິ່ງເງິນຕາຂອງອານາຈັກລ້ານຊ້າງ ທີ່ນຳໃຊ້ຢູ່ໃນສະໄໝບູຮານ.
ໃນສະໄໝກ່ອນນັ້ນອານາຈັກລ້ານຊ້າງຖືວ່າເປັນອານາຈັກໜຶ່ງທີ່ມີຄວາມຈະເລີນຮຸ່ງເຮືອງທາງດ້ານວັດຖະນາທຳ ແລະ ສິນລະປະກຳ, ແລະ ເງິນຕາຂອງອານາຈັກລາວລ້ານຊ້າງເອງກໍແມ່ນມີໜ້າຕາຮູບລັກທີ່ຫລາກຫລາຍ, ເຊິງວ່າເງິນຕາຂອງອານາຈັກລ້ານຊ້າງ ມີຫຼາຍຊະນິດ ຄື: ເງິນຮ້ອຍ, ເງິນລາດ ແລະເງິນເຮືອ.
1. ເງິນຮ້ອຍ ເຮັດດ້ວຍເນື້ອເງິນປະສົມ ມີຮູບຮ່າງຄ້າຍຄືເຮືອຊະລ່າ ຫຼື ກະສວຍທໍຫູກ ຫົວທ້າຍເລັກນ້ອຍ ດ້ານເທິງມີຕຸ່ມທົ່ວ ໄປ ຄ້າຍຄືໂຕບົ້ງ ມີລາຄາຕ່າງກັນຕາມເນື້ອ ຄຳວ່າ “ຮ້ອຍ” ແມ່ນມາດຕາຊັ່ງປະຊາຊົນຊາວສີສັດຕະນາຄະນະຫຸດ ເຊິ່ງກຳນົດເອີ້ນນ້ຳໜັກສິບບາດ ວ່າ “ຮ້ອຍໜຶ່ງ”.
2. ເງິນລາດ ຫຼືທອງລາດ ມີລັກສະນະຄ້າຍຄືເງິນຮ້ອຍ ແຕ່ລຽວນ້ອຍກວ່າ ຫຼໍ່ດ້ວຍທອງແດງປະສົມທອງເຫຼືອງ ແລະມັກຊຸບດ້ວຍເງິນ ມີຂະໜາດແຕກຕ່າງກັນ ມີຕຣາປະທັບຢ່າງນ້ອຍ 3 ຕຣາ ເຊັ່ນ ຕຣາຊ້າງ, ຫອຍກາບ, ແມງກະເບື້ອ, ເຕົ່າ, ຈັກ, ປາ, ດອກຈັນ ໆລໆ ນອກຈາກນີ້, ຍັງພົບເງິນລາດ ມີລັກສະນະເປັນຮູບກະສວຍ ແລະມີຮ່ອງທາງກາງ ແຕ່ບໍ່ມີກາປະທັບ.
3. ເງິນເຮືອ ມີລັກສະນະຄ້າຍຄືເຮືອ ສ່ວນຫຼາຍເຮັດມາຈາກທອງແດງ, ທອງເຫຼືອງ, ທອງແດງ ມີຫຼາຍຂະໜາດ ໃຊ້ເປັນເງິນປີກໃນສະໄໝລ້ານຊ້າງ ຖືເປັນເງິນທີ່ມີຄ່ານ້ອຍທີ່ສຸດ.
ເງິນເຫລົ່ານີ້ປະຈຸບັນແມ່ນຫາເບິງຢາກແລ້ວ ແລະ ເປັນຂອງລ້ຳຄ່າ ມີມູນລາຄາມະຫາສານ ແລະ ບໍ່ຄອຍມີ ແລະ ບໍ່ໄດ້ໃຊ້ແລ້ວປະຈຸບັນນີ້.
ຂອບໃຈແຫລ່ງທີ່ມາ: ອິນໄຊລາວ.