ຕິດຕໍ່ຫາດ່ວນ! ພະແນກສາທາລະນະສຸກ ແຂວງຜົ້ງສາລີ ປະກາດຫາ ທ້າວ ວງຽໄຊ ອາຍຸ 20 ປີ.

ຈາກການທີ່ໃຫ້ຂໍ້ມູນສ່ວນຕົວ ຫລື ເບີໂທຕິດຕໍ່ ຊື່ ແລະ ທີ່ຢູ່ບໍ່ຊັດເຈນລະອຽດຂອງຜູ້ເຂົາມາກວດພະຍາດໂຄວິດ-19, ເຮັດໃຫ້ການພົວພັນຕິດຕໍ່ກັບຄືນຫາຜູ້ກ່ຽວຍາກຫລາຍ, ບໍ່ພຽງແຕ່ຕິດຕໍ່ຫາຫຍຸ້ງຍາກເທົ່ານັ້ນ, ຜູ້ນັ້ນຫາກຕິດເຊື້ອອາດຈະໄປແພ່ຂະຫຍາຍອອກໄປເປັນວົງກ້ວາງໂດຍບໍ່ຮູ້ຕົວສະນັ້ນການທີ່ແຕ່ລະຄົນເຂົ້າໄປກວດຄວນຈະໃຫ້ທີ່ຢູ່ ແລະ ເບີໂທທີ່ຊັດເຈນ ແລະ ຖືກຕ້ອງ, ເພື່ອການຕິດຕໍ່ຫາງາຍຂື້ນ ແລະ ວ່ອງໄວ.

ພະແນກສາທາລະນະສຸກແຂວງຜົ້ງສາລີ ອອກໜັງສືແຈ້ງການ ເລກທີ 825/ສທຂ, ຜົ້ງສາລີ, ວັນທີ 30 ເມສາ 2021 ເຖິງຫົວໜ້າຫ້ອງການສາທາລະນະສຸກ 7 ເມືອງເລື່ອງສືບຕໍ່ຕິດຕາມ ແລະ ຊອກຫາ ທ້າວ ວຽງໄຊ ອາຍຸ 20 ປີ ທີ່ຕິດເຊື້ອໂຄວິດ-19
ອີງຕາມຜົນກວດທາງດ້ານວິເຄາະຊອກຫາພະຍາດ ໂຄວິດ-19 ທີ່ແຂວງອຸດົມໄຊ ຄັ້ງວັນທີ 23 ເມສາ 2021.

ຕາມການປຶກສາຫາລື ແລະ ເຫັນດີເປັນເອກະພາບຂອງຄະນະພະແນກສາທາລະນະສຸກ ຄັ້ງວັນທີ 30 ເມສາ2021 ພະແນກສາທາລະນະສຸກແຂວງ ແຈ້ງມາຍັງຫົວໜ້າຫ້ອງການສາທາລະນະສຸກ 7 ເມືອງ ຊາບວ່າ: ປັດຈຸບັນ ທ້າວ ວງຽໄຊ ອາຍຸ 20 ປີ (ບໍ່ຮູ້ນາມສະກຸນ) ຂ່າວເບື້ອງຕົ້ນ ເປັນຄົນຍອດອູ, ເນື່ອງຈາກວ່າຜູ້ກ່ຽວໄດ້ ອອກຈາກ ນະຄອນຫຼວງວຽງຈັນແລ້ວມາເຖີງແຂວງ ອຸດົມໄຊ ວັນທີ 22 ເມສາ 2021 ໄດ້ເກັບຕົວຢ່າງກວດຫາເຊື້ອໂຄວິດ-19, ຫຼັງຈາກນັ້ນ ບໍ່ເຫັນຜູ້ກ່ຽວເລີຍ.

ວັນທີ 23 ເມສາ2021 ຜົນກວດຊອກຫາເຊື້ອໂຄວິດ-19 ມີຜົນ(+). ໄລຍະຜ່ານມາປະສານ ກັບພາກສ່ວນທີ່ກ່ຽວຂ້ອງ ເມືອງ ຍອດອຸແລ້ວ ແຕ່ກໍ່ມີຊື່ ທ້າວ ວຽງໄຊ ທີ່ເດີນທາງມາຈາກນະຄອນຫຼວງວຽງຈັນ. ເມື່ອ ເປັນແນວນັ້ນ ຈື່ງແຈ້ງມາຍັງຫ້ອງການສາທາລະນະສຸກ 7 ເມືອງ ໃຫ້ປະສານສົມທົບກັບພາກສ່ວນທີ່ກ່ຽວຂ້ອງແລ້ວສືບຕໍ່ ຕິດຕາມ ແລະ ຊອກຫາ ຊື່ທ້າວ ວຽງໄຊ ຕາມຂໍ້ມູນຂ້າງເທິງ ເຊິ່ງແມ່ນຄົນເມືອງໃດເມືອງໜື່ງ ຫຼື ບ້ານໃດບ້ານໜຶ່ງຂອງແຂວງຜົ້ງສາລີ, ຖ້າພົບເຫັນຜູ້ກ່ຽວ ຕາມຂໍ້ມູນດັ່ງກ່າວ ໃຫ້ແຈ້ງຫາຄະນະຮັບຜິດຊອບສະເພາະກິດໂດຍດ່ວນ. ທັງນີ້, ກໍ່ເພື່ອເປັນການ ປ້ອງກັນ ແລະ ສະກັດກັ້ນບໍ່ໃຫ້ຜູ້ກ່ຽວນໍາເຊື້ອພະຍາດແຜ່ໄປວົງກວ້າງຕື່ມອີກ.