ສະຖານທີ່ວັດຮ້າງອັນເກົ່າແກ່ທີ່ກາຍເປັນວັດທີ່ຖືກລືມບໍ່ໄດ້ບູລະນະຮັກສາ
ວັດບ້ານໃໝ່ ວັດຮ້າງທີ່ຖືກລືມເຂດບ້ານສະໂລໃຫຍ່ ເມືອງຊະນະສົມບູນ ແຂວງຈຳປາສັກ.
ຖ້າຈະເວົ້າເຖິງແຂວງຈຳປາສັກ ເປັນດີນແດນເກົ່າແກ່ແຫ່ງອະລິຍະທຳເກົ່າແກ່ຫຼາຍກວ່າ 1000 ປີ ທີ່ເຄີຍຮຸ່ງເຮືອງໃນອາດີດ, ມີທຳມະຊາດທີ່ສວຍງາມ ແລະ ມີຫຼາຍຢ່າງທີ່ໜ້າສົນໃຈ, ແຫຼ່ງທ່ອງທ່ຽວ, ວິຖີຊີວິດ, ວັດທະນະທຳ, ຮີດຄອງປະເພນີ, ຄວາມເຊື່ອງຕ່າງໆ. ຫຼ້າສຸດໄດ້ມີການເຜີຍແຜ່ຮູບພາບຂອງວັດຮ້າງກາງປ່າ ຈາກຜູ້ໃຊ້ເຟສບຸກທ່ານໜື່ງ ແລະ ເຟສບຸກ ລາວ Templeໄດ້ ນຳມາເຜີຍແຜ່ ເຮັດໃຫ້ຫຼາຍທີ່ໄດ້ຊົມພາບມີຄວາມສົນໃຈ ເປັນຈຳນວນຫຼວງຫຼາຍ.
ເຊິງທາງດ້ານ ເວັບໄຊ Laosjourney.com ກໍ່ໄດ້ນຳມາສະເໜີເຜີຍແຜ່ໃຫ້ບັນດາທ່ານໄດ້ເຫັນພາບຂອງວັດດັ່ງກ່າວ ແລະ ໄດ້ຄົ້ນຄວ້າສຶກສາສອບຖາມໄປຍັງ ທ່ານ Max Chanthavisuok ຜູ້ໄປພົບເຫັນຕົວຈິງ ແລະ ຈາກການບອກເລົ່າຂອງພໍ່ເພີ່ນເອງ ( ເປັນປະຊາຊົນບ້ານສະໂລນ້ອຍ ) ໃຫ້ຮູ້ວ່າ: ວັດໃນພາບດັ່ງກ່າວ ຊາວບ້ານເອີ້ນກັນວ່າ ວັດບ້ານໃໝ່ ( ເປັນບ້ານຮ້າງມາຫຼາຍ 100 ປີ ) ເຂດວັດດັ່ງກ່າວປັດຈຸບັນຂື້ນກັບ ບ້ານສະໂລໃຫຍ່ ເມືອງຊະນະສົມບູນ ແຂວງຈຳປາສັກ.
ອິງຕາມການບອກເລົ່າ: ໃນອາດີດ ມີປະຊາຊົນອາໄສຢູ່ເຂດ ອ້ອມຮອບວັດ ແຕ່ຕໍ່ມາຍ້ອນສະພາບການເຮັດຢູ່ຫາກິນ ໃນເຂດນີ້ ແມ່ນພົບຄວາມຫຍຸ້ງຍາກຫຼາຍ ດັ່ງນັ້ນຊາວບ້ານທັງໝົດຈື່ງໄດ້ພາກັບ ອົບພະຍົກໄປຢູ່ບອ່ນໃໝ່ ແລະ ໄດ້ພ້ອມກັນນຳເອົາພຣະພຸດທະຮູບ ແລະ ສິ່ງມີຄ່າພາຍໃນວັດໄປພ້ອມ ປັດຈຸບັນແມ່ນປະດິດສະຖານທີ່ວັດ ບ້ານສະໂລໃຫຍ່ນັ້ນເອງ.
ແລະ ສາເຫດທີ່ວັດໄດ້ຖືກຫັກພັງລົງມາເລືອກໄວ້ແຕ່ຊາກຄືແນວນີ້ກໍ່ຍ້ອນຖືກລະເບີດຂອງ ພວກລ່າເມືອງຂື້ນແບບເກົ່າ ( ສະໄໝ່ສົງຄາມຝຣັ່ງຍຶດຄອງລາວ ) ເຊິ່ງຍັງມີຮ່ອງຮອຍຂຸມລະເບີດຈຳນວນຫຼາຍໃຫ້ເຫັນໃນປັດຈຸບັນ.
ເຊິງວັດແຫ່ງນີ້ຄວນຈະເປັນສະຖານທີ່ທີ່ອານຸລັກໄວ້, ແລະ ປັດຈຸບັນທາງອຳນາດການປົກຄອງບ້ານສະໂລໃຫຍ່ ໄດ້ເຂົ້າສຳຫຼວດ ແລະ ໄດ້ຮັບການຄຸ້ມຈານອຳນາດການປົກຄອງບ້ານເປັນທີ່ຮຽບຮ້ອຍແລ້ວ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: ລາວ Temple