ສະພາການຄ້າອຸດສາຫະກໍາແຫ່ງຊາດລາວຮ່ວມຢ້ຽມຢາມທຸລະກິດລາວ2022
ສະພາທຸລະກິດໄທ-ລາວ ແລະ ການຄ້າອຸດສາຫະກໍາສ້າງກິດຈະກຳ ແລະ ຢ້ຽມຢາມທຸລະກິດລາວ.
ໄດ້ມີງານຈັດກິດຈະກໍາຮ່ວມກັນ Business Visit Laos 2022 ໃນຊ່ວງວັນທີ 11-14 ສິງຫາ 2022, ໂດຍ ທ່ານ ດຣ ຈະຕຸລົງ ບຸນນາກ ປະທານສະພາທຸລະກິດໄທ-ລາວ, ທ່ານ ທໍານອງ ພົນທອງມາກ ນາຍົກສະມາຄົມທຸລະກິດໄທໃນ ສປປ ລາວ ຮ່ວມກັບ ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ແລະ ຄະນະລາວ-ໄທ
ໂດຍມີພາກທຸລະກິດໄທເຂົ້າຮ່ວມໂຄງການທັງໝົດ 30 ພາກສ່ວນຈາກ 5 ກຸ່ມທຸລະກິດ.
ຫລັງຈາກນັ້ນ, ຄະນະໄດ້ເດີນທາງໄປສັກກາລະບູຊາ ພະຫລັກແກ້ວ ມະຫາເຫວດ ມະເສໄນ ຮອງປະທານສົງແຫ່ງ ສປປ ລາວ ທີ່ ວັດສີສະເກດ ນະຄອນຫລວງວຽງຈັນ ແລ້ວເດີນທາງໄປຮັບຟັງການສະຫລູບສະພາບເສດຖະກິດການຄ້າ ແລະ ການລົງທຶນຈາກ ອັກຄະລາດຊະທູດທີ່ປຶກສາຝ່າຍການຄ້າ ທີ່ ນະຄອນຫລວງວຽງຈັນ ແລະ ຮັບຟັງຄໍາບັນຍາຍແຜນການພັດທະນາພະລັງງານໄຟຟ້າຂອງ ສປປ ລາວ ຈາກທ່ານ ວັນແສງ ວັນນະວົງ ຜູ້ອໍານວຍການໃຫຍ່ບໍລິສັດ ຜະລິດ-ໄຟຟ້າລາວ (EDL-Gen).
ໃນຕອນຄໍ່າ ກໍໄດ້ມີກິດຈະກໍາ Business Matching ໂດຍທ່ານ ກິແກ້ວ ຈັນທະບູລີ ຮອງປະທານສະຖາບັນວິທະຍາສາດ ເສດຖະກິດ ແລະ ສັງຄົມ ແຫ່ງຊາດລາວ ມາກ່າວ ປາຖະຄະຖາພິເສດໃຫ້ກັບຄະນະນັກທຸລະກິດລາວ ແລະ ໄທທີ່ເຂົ້າຮ່ວມກິດຈະກໍາການພົບປະກັນໃນຄັ້ງນີ້
ມີນັກທຸລະກິດຈາກລາວ 5 ກຸ່ມທຸລະກິດຈໍານວນ 15 ພາກສ່ວນ ນໍາໂດຍປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ແລະ ໄດ້ມີການໂອ້ລົມປຶກສາຫາລືການຮ່ວມທຸລະກິດເຊິ່ງກັນ ແລະ ກັນ
ໃນກິດຈະກໍາຄັ້ງນີ້ ສະພາທຸລະກິດໄທ-ລາວ ແລະ ສະມາຄົມນັກທຸລະກິດໄທໃນ ສປປ ລາວຈະໄດ້ມີພິທີລົງນາມຮ່ວມກັບສູນພັດທະນາ ແລະ ບໍລິການດ້ານການກະເສດ ຫ້ວຍຊ້ອນ-ຫ້ວຍຊົ້ວ ແລະ ມະຫາວິທະຍາໄລແມ່ໂຈ້ ເພື່ອສະໜັບສະໜູນ ນະວັດຕະກໍາການກະສິກໍາ ແລະ ຈະໄດ້ລົງນາມ MOU ຮ່ວມກັບສະພາການຄ້າ ແລະ ອຸດສາຫະກໍາແຂວງຫລວງພະບາງກ່ຽວກັບການຮ່ວມມືກັນໃນຄັ້ງຕໍ່ໄປອີກດ້ວຍ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: ຂປລ