ລຳລືກຄືນ! ຄົບຮອບ 113 ປີ ທ່ານ ສຸພານຸວົງປັນຍາຊົນຜູ່ຍີ່ງໃຫຍ່ຂອງລາວ
ລຳລືກສະເດັດເຈົ້າສຸພານຸວົງ (ເຈົ້າຊາຍແດງ) ໃນວັນຄົບຮອບ 113ປີ 13 ກໍລະກົດ 1909-2022 ຢ່າງສຸດໃຈ
ເນືອງໃນວັນຄ້າຍວັນເກີດຂອງທ່ານ ປະທານສຸພານຸວົງ ຊາວລາວຂໍຂໍ່ານັບຮັບຕ້ອນຄົບຮອບ 113 ປີຄ້າຍວັນເກີດ ປະທານ ສຸພານຸວົງ 13 ກໍລະກົດ 1909-2022 ຢ່າງສຸດໃຈ!
ປະທານ ສຸພານຸວົງ ເປັນປັນຍາຊົນຜູ່ຍີ່ງໃຫຍ່ ເປັນນັກຮົບປະຕິວັດທີ່ກ້າແກ່ນ ເປັນນັກການເມືອງທີ່ໂດດເດັ່ນ ເປັນນັກການທະຫານທີ່ເກັ່ງກ້າ ເປັນນັກການຕ່າງປະເທດທີ່ສະຫຼຽວສະຫຼາດ ເປັນໜື່ງໃນບັນດາຜູ່ນຳທີ່ດີເດັ່ນຂອງພັກ ລັດ ແລະ ປະຊາຊົນລາວເຮົາ.
ເຮົາຈະມາລຳລືກຄືນປະຫວັດຄວາມເປັນມາອ້າຍນ້ອງຂອງ ສະເດັດເຈົ້າສຸພານຸວົງ, ເຊິ່ງມີຢູ່ໃນປະຫວັດສາດຂອງລາວເຊິ່ງຈະນຳເອົາມາສະເໜີແບບຫຍໍ້ໆດັ່ງນີ້:
ເຈົ້າບຸນຄົງ ມະຫາອຸປະຣາຊ ອານາຈັກລ້ານຊ້າງຫຼວງພະບາງ ໄດ້ໃຫ້ກຳເນີດສາມສະເດັດເຈົ້າອ້າຍເຈົ້ານ້ອງ ທີ່ເປັນນັກການເມືອງແຫ່ງປະຫວັດສາດຊາດລາວ:
- ສະເດັດເຈົ້າເພັດຊະຣາຊ ມະຫາອຸປະຣາຊ ນາຍົກລັດຖະມົນຕີ ຜູ່ຮັກຄວາມເປັນເອກະລາດ ອິດສະຫຼະພາບ ແລະ ຢູ່ເບື້ອງຫຼັງການປະກາດເອກະລາດແຫ່ງຊາດຈາກພວກລ່າຫົວເມືອງຂື້ນຝຣັ່ງ 12 ຕຸລາ 1945 ເຮັດໃຫ້ປະເທດລາວປົກຄອງດ້ວຍລະບອບປະຊາທິປະໄຕ ແລະ ກະສັດຕ້ອງຢູ່ພາຍໄຕ້ລັດຖະທຳມະນູນ, ແຕ່ໄດ້ມີຣາຊະອົງການໃຫ້ປົດອອກຈາກຕຳແໜ່ງນາຍົກລັດຖະມົນຕີ ຖອດຍົດຖານັນດອນສັກໃຫ້ເປັນສາມັນຊົນ ແລະ ສຸດທ້າຍໄດ້ໄປລີ້ໄພທາງການເມືອງຢູ່ຕ່າງປະເທດ ດ້ວຍຂໍ້ຫາບໍມີຄວາມຈົງຮັກພັກດີຕໍ່ກະສັດລ້ານຊ້າງຫຼວງພະບາງ ແລະ ສັດທາໃນລະບອບປະຊາທິປະໄຕທີ່ມີປະຊາຊົນເປັນສູນກາງ
- ສະເດັດເຈົ້າສຸວັນນະພູມາ ລັດຖະມົນຕີກະຊວງໂຍທາທິການ ສະໃໝລັດຖະບານລາວເອກະລາດ 12 ຕຸລາ 1945, ລັດຖະມົນຕີ, ນາຍົກລັດຖະມົນຕີທີ່ມີແນວທາງເປັນກາງ ໃນລະບອບຣາຊະອານາຈັກລາວລ້ານຊ້າງຮົ່ມຂາວຫຼາຍສະໄໝ ແລະ ເປັນທີ່ປຶກສານາຍົກລັດຖະມົນຕີ ລັດຖະບານ ສາທາລະນະລັດປະຊາທິປະໄຕປະຊາຊົນລາວ 02 ທັນວາ 1975 ແລະ
- ສະເດັດເຈົ້າສຸພານຸວົງ (ເຈົ້າຊາຍແດງ) ລັດຖະມົນຕີກະຊວງການຕ່າງປະເທດ ສະໄໝລັດຖະບານລາວເອກະລາດ 12 ຕຸລາ 1945, ຜູ່ນຳການປະຕິວັດລາວລູ່ນທຳອິດ, ປະທານແນວລາວອິດສະຫຼະ ແລະ ປະທານປະເທດຜູ່ທຳອິດຂອງ ສປປລາວ 02 ທັນວາ 1975: “ປະທານ ສຸພານຸວົງ ເປັນປັນຍາຊົນຜູ່ຍີ່ງໃຫຍ່ ເປັນນັກຮົບປະຕິວັດທີ່ກ້າແກ່ນ ເປັນນັກການເມືອງທີ່ໂດດເດັ່ນ ເປັນນັກການທະຫານທີ່ເກັ່ງກ້າ ເປັນນັກການຕ່າງປະເທດທີ່ສະຫຼຽວສະຫຼາດ ເປັນໜື່ງໃນບັນດາຜູ່ນຳທີ່ດີເດັ່ນຂອງພັກ ລັດ ແລະ ປະຊາຊົນລາວເຮົາ.”
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: Sourioudong Sundara