ສປປ ລາວ ພິຈາລະນາສ້າງເງິນດິຈິຕອລຂອງລາວເອງໂດຍຮ່ວມມືກັບບໍລິສັດຟິນເທັກຍີ່ປຸ່ນ.

ເມື່ອເດືອນທີ່ແລ້ວ, ລັດຖະບານລາວໄດ້ໃຫ້ບໍລິສັດ 6 ແຫ່ງສາມາດຂຸດແລະແລກປ່ຽນ Bitcoin ພາຍໃນປະເທດໄດ້ ຍິ່ງໄປກວ່ານັ້ນ ລາວກຳລັງພິຈາລະນາສ້າງສະກຸນເງິນດິຈິຕອລເປັນຂອງໂຕເອງ ພ້ອມຄວາມຊ່ວຍເຫລືອຈາກບໍລິສັດສະຕາດອັບດ້ານຟິນເທັກຂອງຍີ່ປຸ່ນ, ທະນາຄານແຫ່ງ ສປປ ລາວ ຫາກໍໄດ້ລົງນາມເຊັນເອກະສານກັບຫນ່ວຍງານ Japan International Cooperation Agency ເພື່ອສຳຫຼວດການພັດທະນາສະກຸນເງິນດິຈິຕອລຂອງລາວ.

ເພື່ອວິເຄາະສະຖານະການໃນປະເທດຂອງຕົນໄດ້ດີຍິ່ງຂຶ້ນ ລາວໄດ້ມີການໂອ້ລົມກັບບໍລິສັດ Soramitsu ເຊິ່ງຕັ້ງຢູ່ໃນໂຕກຽວ ເຊິ່ງມີປະສົບການກັບສະກຸນເງິນດິຈິຕອລຂອງປະເທດ.

Soramitsu ເປັນທີ່ຮູ້ຈັກກັນໃນດ້ານບໍລິສັດທີ່ເຄີຍເຮັດວຽກຮ່ວມກັບທະນາຄານແຫ່ງຊາດກຳປູເຈຍ ເພື່ອພັດທະນາແພັດຟອມການຊຳລະເງິນດິຈິຕອລ Bakong ເຊິ່ງເປັນສ່ວນຫນຶ່ງຂອງໂຄງການ CBDC ຂອງກຳປູເຈຍ ທີ່ຈະຊ່ວຍຫລຸດການເພິ່ງພາເງິນໂດລາ ຂອງເສດຖະກິດກຳປູເຈຍ.

ຖະແຫຼງຂ່າວໃນເວັບໄຊ Soramitsu ລະບຸວ່າ:

“ຕ້ອງຂອບໃຈການໃຊ້ງານ Bakong ພາຍໃນແອັບທະນາຄານທ້ອງຖິ່ນ ຜູ້ໃຊ້ 5.9 ລ້ານຄົນໄດ້ຮັບປະໂຫຍດຈາກບໍລິການນີ້ພາຍໃນຫົກເດືອນທຳອິດຂອງປີ 2020 ຜູ້ໃຊ້ກະເປົ໋າເງີນດິຈິທັນຂອງ Bakong ມີຍອດເຖິງ 200,000 ຄົນ ແລະມີທຶນກຳໄລກວ່າ 1.4 ລ້ານລາຍການ ທຽບເທົ່າກັບ 500 ລ້ານໂດລາ ໃນຊ່ວງເວລາດຽວກັນ”

ສ່ວນການສຶກສາຮ່ວມກັນຂອງທະນາຄານກາງລາວແລະ Soramitsu ອາດຈະເລີ່ມໃນເດືອນນີ້ໄປພ້ອມໆກັບຈີນ?

ຈີນແລະລາວເປັນຄູ່ຄ້າທີ່ມີສຳພັນມາດົນ ຈາກຂໍ້ມູນຂອງ OEC ໃນປີ 2019 ເປີດເຜີຍວ່າການສົ່ງອອກຂອງຈີນໄປ ລາວຢູ່ທີ່ 1.87 ພັນລ້ານໂດລາ ໃນຂະນະທີ່ການສົ່ງອອກຂອງລາວມີມູນຄ່າທັງຫມົດ 1.88 ພັນລ້ານໂດລາ ໃນຂະນະທີ່ຈີນກຳລັງແຂ່ງຂັນກັບໂຄງການຢວນດິຈິຕອລຂອງຕົນເອງ ແລະທາງສປປ.ລາວ ຈະສຶກສາທາງເລືອກ CBDC ຂອງຕົນນຳດ້ວຍ

ນອກຈາກນີ້, ເງິນກີບລາວຍັງໄດ້ຮັບຜົນກະທົບຈາກອັດຕາເງີນເຟີ້ທີ່ເພີ່ມສູງຂຶ້ນຈາກວິກິດ COVID-19 ດັ່ງນັ້ນ, ຈຶ່ງເປັນທີ່ຄາດການວ່າ CBDC ຂອງລາວຈະສາມາດຊ່ວຍກະຕຸ້ນໃຫ້ຜູ້ຄົນຫັນມາໃຊ້ແທນເງິນສົດຫລາຍຂຶ້ນ ແລະສ້າງຄວາມປອດໄພໃຫ້ປະຊາຊົນຫລາຍຂຶ້ນ.

CBDC ແລະ CBDC ຫຼາຍລາຍການ

ທະນາຄານກາງທົ່ວອາຊີ ບໍ່ພຽງແຕ່ສຳຫລວດ CBDC ເທົ່ານັ້ນ ແຕ່ຍັງລວມເຖິງການໂອນເງີນຂ້າມຊາຍແດນ ໂດຍມີປະເທດທີ່ເດັ່ນໆ ໄດ້ແກ່ ຈີນ, ຮ່ອງກົງ, ໄທ, ແລະສະຫະລັດອາຫລັບເອມິເຣດ.

ການສຶກສາຂອງ Soramitsu ມີສັກກະຍະພາບທີ່ຈະຊ່ວຍໃຫ້ລາວເຂົ້າຮ່ວມກັບປະເທດໃກ້ຄຽງແລະເປັນຄູ່ແຂ່ງທາງເສດຖະກິດໃນການທົດລອງ CBDC ຕ່າງໆ ສຸດທ້າຍນີ້, ຫາກລາວເລືອກທີ່ຈະພັດທະນາ CBDC ຂອງຕົນເອງຢ່າງເປັນທາງການ ຄວາມພະຍາຍາມຂອງ Soramitsu ອາດສະໜັບສະໜູນລັດຖະບານລາວໃຫ້ນຳບໍລິສັດຍີ່ປຸ່ນເຂົ້າມາຮ່ວມນຳດ້ວຍ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບໃຈແຫລ່ງທີ່ມາ: SiamBlockchain