ອະທິບາຍຄວາມໝາຍຂອງຄຳວ່າ ສິນ ໃນພາສາລາວ.

ຫລາຍໆທ່ານຄົງເຄີຍໄດ້ຍິນມາຢູ່ແລ້ວ, ບໍ່ວ່າຈະເປັນທາງ ສປປ ລາວ ແລະ ທາງປະເທດໄທເຮົາ ທີ່ມີຄວາມຄ້າຍຄືກັນໃນດ້ານພາສາ ແລະ ຄຳເວົ້າ, ໂດຍສະເພາະແມ່ນເຮົາມີທັງວັດທະນາທຳຄຳສັບທີ່ຄ້າຍຄືກັນ ແລະ ສາສະໜາ ພຸດ ແລະ ອື່ນໆ.

ເຊິງຄຳວ່າສິນເປັນຄຳທີໃຊ້ຫລາຍໂດຍສະເພາະແມ່ນທາງດ້ານຮີດຄອງປະເພນີທາງດ້ານສາດສະໜາທີໃຊ້ເປັນທຳມະເຂົ້າໃນການຄວບຄຸມລະງັບອາລົມເພື່ອໃຫ້ຈະເລີນສະຕິປັນຍາຂອງຄົນລາວເຮົາ ແລະ ໄດ້ປະຕິບັດສືບຖອດກັນມາແຕ່ດົນນານ ແລະ ຄິດວ່າໃນທົວປະເທດລາວສ່ວນຫລາຍລ້ວນແລ້ວແຕ່ເຄີຍໄປເຮັດບູນເຮັດສິນກັນເກືອບທັງໝົດ.

ຄຳວ່າ ສິນ ມີຫລາຍຄວາມໝາຍ.

ສິນ: ໝາຍ ເຖິງສົມບັດທາງວັດຖຸ ເງິນ; ຄໍາ ຂອງໃຊ້ທີ່ມີຄ່າ ເປັນສິນຄ້າ ທີ່ສາມາດແລກປ່ຽນຊື້ຂາຍຕາມທ້ອງຕະຫຼາດ ແລະ ສະຖານທີ່ທົ່ວໄປ; ສິນສາມາດແປໄດ້ຫຼາຍຄວາມໝາຍຂຶ້ນກັບຄໍາເວົ້າທີ່ຈະເອົາມາປະສົມໃສ່ທາງໜ້າຫຼືທາງຫຼັງຂອງຄໍາວ່າ ສິນ ເຊັ່ນຄໍາວ່າ: ສິນສົມສ້າງ ໝາຍເຖິງສັບສິນທີ່ຜົວເມຍຫາມາໄດ້ຫຼັງແຕ່ງງານທີ່ສະສົມຮ່ວມກັນມາ; ສິນສອດແມ່ນເງິນຄ່າດອງທີ່ຜູ້ຊາຍມາມອບໃຫ້ຝ່າຍຍິງກ່ອນ ຫຼື ຫຼັງການແຕ່ງດອງ; ສິນບົນ ແມ່ນເງິນວ່າຈ້າງຜູ້ອື່ນທໍາຜົນປະໂຫຍດໃຫ້ຕົນໂດຍບໍ່ຖືກຕ້ອງຕາມກົດໝາຍ; ສິນເຊື່ອ ໝາຍເຖິງການປ່ອຍເງິນໃຫ້ຜູ້ອື່ນກູ້ຢືມທີ່ມີດອກເບ້ຍ ມີລະບົບ ໃນການກູ້ຢືມຈະຕ້ອງມີສັນຍາທີ່ຜ່ານໄປຕາມຂະບວນການຍຸຕິທໍາ.
ສິນ: ແມ່ນຂໍ້ປະຕິບັດຕາມຄໍາສອນຂອງຊາດສະໜາທີ່ຕົນນັບຖື ເພື່ອຝຶກແອບຈິດໃຈ ແລະ ຮ່າງກາຍໃຫ້ມີສໍາມະທິ ຫຼື ສະຕິໃນການໃຊ້ຊີວິດ ໃຫ້ມີສິນລະທໍາເຊັ່ນ: ສິນຫ້າຄືຫຼັກການປະຕິບັດ 5 ຢ່າງສໍາລັບຄົນທໍາມະດາທົ່ວໄປເພື່ອຢູ່ແບບສະຫງົບສຸກບໍ່ບຽດບຽນໃຜຄື: ບໍ່ລັກ; ບໍ່ຕົວະ; ບໍ່ຂ້າ; ບໍ່ເສບສິ່ງມືນເມົາ ແລະ ບໍ່ລ່ວງເກີນທາງປະເວນີກັບຍິງອື່ນ, ດັ່ງນັ້ນ;ຈຶ່ງມີວັນສິນ ວັນພຣະ ໃຫ້ເຮົາປະຕິບັດມາຈົນເທົ່າທຸກມື້ນີ້.
ສິນ: ໝາຍເຖິງ ວາດ;ແບບ;ຄວາມຮູ້; ແບບແຜນອັນດີງາມ ໃຊ້ປະສົມກັບຄໍາອື່ນເຊັ່ນ: ວາຕະສິນ ໝາຍເຖິງການຟ້ອນງາມ; ວາທະສິນ ໝາຍເຖິງການ ເວົ້າຈາມ່ວນຫູ; ວິຈິດສິນ ໝາຍເຖິງການສະແດງອອກໃນດ້ານຄຸນນະພາບຂອງຄວາມງາມຫຼາຍກວ່າປະໂຫຍດໃຊ້ສອຍເຊັ່ນ: ການຄວັດເຈາະທີ່ມີລວດລາຍງົດງາມ; ແຕ້ມຮູບງາມ; ການປັ້ນງາມ…

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo