ປະເທດລາວເຮົາແຕ່ໃດມາກໍຢູ່ຄູ່ກັບຮີດຄອງປະເພນີອັນດີງາມ ແລະ ສືບທອດກັນມາໂດຍຕະຫລອດ, ໂດຍສະເພາະແມ່ນກັບສິ່ງທີ່ເຄົາລົບບູຊາ ແລະ ການທີ່ຈະເຄືອນຍ້າຍຕ່າງໆ ກໍຕ້ອງມີພິທີເພື່ອເປັນການໃຫ້ກຽດຕໍ່ສິ່ງສັກສິດ ແລະ ຕາມຄວາມເຊືອ ເພື່ອໃຫ້ມີແຕ່ສິ່ງດີໆເກີດຂື້ນກັບບ້ານເມືອງ ແລະ ພໍ່ແມ່ປະຊາຊົນລາວເຮົາເອງ.

 ແລະ ໃນເມື່ອບໍ່ດົນມານີ້ ອົງການປົກຄອງບ້ານ ແລະ ຊາວບ້ານນານົກຂຸ້ມ ເມືອງທຸລະຄົມ ແຂວງວຽງຈັນ ພ້ອມດ້ວຍຜູ້ເຖົ້າຜູ້ແກ່, ພໍ່ແມ່ປະຊາຊົນ ແລະ ລູກຫລານ ໄດ້ພ້ອມກັນຈັດພິທີທາງສາສະໜາຄອບໄຂ່ວເຈົ້າທີ່-ເຈົ້າຖານ ເພື່ອອັງເຊີນ-ເຄື່ອນຍ້າຍເສົາຫີນ ຈຳນວນ 2 ຕົ້ນ ໄປສະຖິດໄວ້ຢູ່ທີ່ວັດປ່າຫີນປາຄູນ ທີ່ຂຶ້ນກັບບ້ານດັ່ງກ່າວໃນວັນທີ່ 18 ເມສາ 2022.

ເຖິງແນວໃດກໍ່ຕາມ ຊາວບ້ານນານົກຂຸ້ມຕ່າງກໍ່ມີຄວາມເຊືີ່ອວ່າ ເປັນເສົາຫີນມຸງຄຸນ ທີ່ມີຄວາມໝາຍ ຕິດພັນກັບປະຫວັດຂອງບ້ານ ແລະຕິດພັນກັບພຸດທະສາສະໜາ, ເນື່ອງຈາກອີງຕາມປະຫວັດສາດແລ້ວ ບ້ານນານົກຂຸ້ມ ກໍ່ຄືເມືອງທຸລະຄົມ ມີຄວາມເກົ່າແກ່ທີ່ມີມາແຕ່ດົນແລ້ວ.