ນັກກີລາຄົນພິການລາວ ກຽມພ້ອມໃນການແຂ່ງຂັນພາຣາແລມປິກ
ພ້ອມລຸຍພາຣາແລມປິກ! ນັກກີລາແລ່ນ-ລານຄົນພິການລາວໄດ້ກຳລັງໃຈຈາກຫລາຍພາກສ່ວນ.
ໃນການແຂ່ງຂັນກິລາພາຣາແລມປິກປີ 2020 ທີ່ນະຄອນຫຼວງໂຕກຽວ ປະເທດຍີ່ປຸ່ນທີ່ໃກ້ຈະເລີມນີ້, ທາງສະຫາພັນນັກກິລາຄົນພິການລາວກໍໄດ້ກຽມຄວາມພ້ອມໃນການເຂົ້າຮ່ວມແຂ່ງຂັນໂດຍໄດ້ກຳລັງໃຈຈາກຫລາຍໆພາກສ່ວນຊຸກຍູ້ຊ່ວຍເຫຼືອເຊິງໄດ້ມີງານຖະແຫຼງຂ່າວການກຽມຄວາມພ້ອມຄະນະກີລາພາຣາແລມປິກລາວ ສູ່ພາຣາແລມປິກ 2020 ທີ່ນະຄອນຫຼວງໂຕກຽວ ຈັດຂຶ້ນທີ ຫ້ອງປະຊຸມເຈົ້າອານຸວົງ ວັນທີ 10 ສິງຫາ 2021 ນີ້.
ໃຫ້ກຽດເຂົ້າຮ່ວມໂດຍ ທ່ານ ຈະເລີນ ເຢຍປ່າວເຮີ ຮອງປະທານສະພາແຫ່ງຊາດ, ປະທານກິດຕິມະສັກ ສະຫະພັນກີລາແລ່ນ-ລານ ຄົນພິການແຫ່ງຊາດລາວ, ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກີລາ, ທ່ານ ວັດທະນາໄຊ ລາດສະວົງສິງ ປະທານສະຫະພັນກີລາແລ່ນ-ລານຄົນພິການແຫ່ງຊາດລາວ ແລະ ທ່ານນາງ ບົວເທບ ພູມິນ ຮອງປະທານຄະນະກໍາມະການພາຣາແລມປິກແຫ່ງຊາດລາວ ພ້ອມດ້ວຍຄູຝຶກ, ນັກກີລາ, ຜູ້ສະໜັບສະໜູນ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.
ທ່ານ ວັດທະນາໄຊ ລາດສະວົງສິງ ປະທານສະຫະພັນກີລາແລ່ນ-ລານຄົນພິການແຫ່ງຊາດລາວ ໄດ້ລາຍງານການກຽມພ້ອມຂອງ ທັບນັກກີລາພາຣາແລມປິກ ລາວ ກໍຄື ທ້າວ ແກ່ນ ເທບທິດາ ທີ່ເປັນ 1 ດຽວຂອງ ສປປ ລາວ ຈະເຂົ້າຮ່ວມແຂ່ງຂັນພາຣາແລມປິກ 2020 ທີ່ນະຄອນຫຼວງໂຕກຽວ ປະເທດຍີ່ປຸ່ນ.
ຕໍ່ຈາກນັ້ນ ທ້າວ ແກ່ນ ເທບທິດາ ກໍຂຶ້ນປະຕິຍານ ຈະເຮັດໃຫ້ສຸດຄວາມສາມາດ ແລະ ຫວັງຫຼຽນໃດຫຼຽນໜຶ່ງ ໃນພາຣາແລມປິກ 2020
ໃນພິທີກໍມີການມອບເງິນສະໜັບສະໜູນໂດຍມີ 10 ກວ່າບໍລິສັດໃຫ້ການສະໜັບສະໜູນ ໂດຍສະເພາະ ບໍລິສັດ ກໍ່ສ້າງ ແລະ ຂົວທາງ CNP ມອບໃຫ້ 10 ລ້ານກີບ, ເບຍລາວ ຈໍາກັດ ມອບໃຫ້ 3.580.000 ກີບ, ມາຍເວ ມອບເຄື່ອງກີລາມູນຄ່າ 5.000.000 ກີບ ແລະ ບໍລິສັດອື່ນໆອີກ.
ທ້າຍພິທີ ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ, ປະທານກິດຕິມະສັກ ສະຫະພັນກີລາແລ່ນ-ລານ ຄົນພິການແຫ່ງຊາດລາວ ແລະ ທ່ານ ຮສ ປອ ພຸດສິມມາລາວົງ ລັດຖະມົນຕີກະຊວງສຶກສາທິການ ແລະ ກີລາ ກໍໃຫ້ຄໍາໂອວາດຕໍ່ຄະນະຄູຝຶກ ແລະ ນັກກີລາ ທີ່ຈະເຂົ້າຮ່ວມ ພາຣາແລມປິກ 2020.
ຂອບໃຈແຫລ່ງທີ່ມາ: laoedaily.com