ທາງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະບາດ ໂຄວິດ-19 ຂັ້ນນະຄອນ ຫຼວງພະບາງ ຈຶ່ງແຈ້ງເຖິງພໍ່ແມ່ປະຊາຊົນບັນດາເຜົ່າ ແລະ ພ້ອມກັນຈັດຕັ້ງປະຕິບັດຢ່າງ​ເຄັງ​ຄັດ ແລະ ບໍ​່​ໃຫ້​ຖື​ເບົາ​ເດັດ​ຂາດ​ກັບ​ສະ​ຖາ​ນະ​ການ​ປະ​ຈຸ​ບັນ​ນີ້, ໃນວັນບຸນປະເພນີທີ​ຈະ​ມາ​ເຖິງ​ນີ້​ໄດ້​ມີ​ມາດ​ຕະ​ການ​ການ​ປ້ອງ​ກັນ ແລະ ສະ​ກັດ​ກັ້ນ​ຕ່າງໆ​ດັ່ງ​ນີ້:

1 ພໍ່ແມ່ປະຊາຊົນບັນດາເຜົ່າຜູ້ທີ່ມີຈິດໃຈເຫຼືອມໃສສັດທາທີ່ຈະໄປໃສ່ບາດໃນທຸກໆຕອນເຊົ້າຕ້ອງໃສ່ຜ້າປິດປາກ-ປິດດັງທຸກຄັ້ງ, ກ່ອນຈະຈັບເຂົ້າ ຫຼື ເຄື່ອງໃສ່ບາດ ຕ້ອງລ້າງມືໃຫ້ສະອາດ ແລະ ໃສ່ເຈວລ້າງມື.

2 ການຈັດງານບຸນຫໍ່ເຂົ້າສະຫຼາກທີ່ຈະມາເຖິງນີ້ ແມ່ນບໍ່ໃຫ້ມີການເຕົ້າໂຮມປະຊາຊົນຢູ່ວັດເປັນຈຳນວນຫຼາຍຄື ທຸກປີທີ່ຜ່ານມາ. ສຳລັບຜູ້ທີ່ມີຈິດໃຈເຫຼືອມໃສໃນສັດທາຈະທານເຂົ້າສະຫຼາກແມ່ນໃຫ້ຫ້າງຫາກະກຽມ ແລະ ອ່ານເຂົ້າສະຫຼາກຢູ່ເຮືອນຂອງໃຜລາວ ຫຼັງຈາກນັ້ນແມ່ນໃຫ້ເອົາໄປເຄນຢູ່ວັດເລີຍ ໂດຍມອບໃຫ້ພະສົງ-ສາມະເນນ ແລະ ການຈັດຕັ້ງບ້ານ ເປັນຜູ້ດຳເນີນພິທີທາງສາສະໜາ ແບ່ງປັນຕາມຄວາມເໝາະສົມ(ຫ້າມບໍ່ໃຫ້ເຕົ້າໂຮມປະຊາຊົນຢູ່ວັດຢ່າງເດັດຂາດ).

ໝາຍເຫດ ຖ້າຫາກບຸກຄົນໃດຫາກຍັງຝ່າຝືນເຊິ່ງເປັນເຫດທີ່ພາໃຫ້ເກີດການແຜ່ເຊື້ອເປັນວົງກ້ວາງແມ່ນຈະຖືກປັບໃໝ ແລະ ດຳເນີນຄະດີຕາມລະບຽບກົດໝາຍ.

ດັ່ງນັ້ນ, ເພື່ອເຮັດໃຫ້ພະສົງ-ສາມະເນນ, ພໍ່ແມ່ປະຊາຊົນ ມີຄວາມປອດໄພ ແລະ ບໍ່ໃຫ້ມີຜົນກະທົບຕໍ່ຊີວີດ, ສຸຂະພາບ ຈິ່ງຂໍແຈ້ງມາຍັງທຸກພາກສ່ວນຈົ່ງໃຫ້ການຮ່ວມມື ແລະ ພ້ອມກັນຈັດຕັ້ງປະຕິບັດຕາມແຈ້ງການຂອງຄະນະສະເພາະກິດຢ່າງເຂັ້ມງວດ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈ​ແຫລ່ງ​ທີ່​ມາ: laoedaily.com.la