ຊຸດປະຈໍາຊາດ “ຜືນແຜ່ນດິນຄໍາແຫ່ງແດນຈໍາປາ” Miss Universe Laos
ມາເບິ່ງໂສມໜ້າຂອງຊຸດປະຈໍາຊາດລາວ ຂອງ Miss Universe Laos 2021 ທີ່ຈະໄດ້ສວມໃສ່.
ຫລັງຈາກໄດ້ມີການສົ່ງງານອອກແບບ ຊຸດນາງສາວ Miss Universe Laos ປີ 2021 ມາໄດ້ໄລຍະໜຶ່ງແລ້ວ, ແລະ ໃນຕອນນີ້ກໍໄດ້ອອກຜົນມາໃຫ້ຮູ້ແລ້ວວ່າຊຸດທີ່ນາງສາວລາວຈະໄດ້ສວມໃສ່ນີ້ແມ່ນຊຸດໃດ ແລະ ໃຜເປັນຜູ່ອອກແບບ, ຊຸດປະຈໍາຊາດລາວ ທີ່ສາວງາມ ຫຼື ຜູ້ທີ່ຄອງມຸງກຸດ Miss Universe Laos 2021 ຈະໄດ້ສວມໃສ່ໄປປະກວດ Miss Universe 2021 ເຊິ່ງທາງເພຈ໌ຫຼັກ Miss Universe Laos ມີສຢູນິເວີຣສລາວ ໂພສ ເຜີຍຊຸດທີ່ໄດ້ເປັນຊຸດປະຈໍາຊາດລາວທີ່ແລ້ວໃນເວທີດັ່ງກ່າວ
ໂດຍເພຈດັ່ງກ່າວໄດ້ລະບຸອອກມາວ່າ ຂໍສະແດງຄວາມດີໃຈ ກັບຊຸດປະຈຳຊາດລາວ ທີ່ໄດ້ຮັບລາງວັນຊະນະເລີດ, ເຊີ່ງຊຸດທີ່ໄດ້ຖືກຄັດເລືອກໃຫ້ເປັນຊຸດປະຈຳຊາດລາວທີ່ນາງສາວ Miss Universe Laos ຈະໄດ້ສວມໃສ່ນັ້ນກໍຄືຊຸດ ຜືນແຜ່ນດິນຄໍາແຫ່ງແດນຈໍາປາ ອອກແບບໂດຍ ນາງ ນົບຊະພອນ ຈັນທະວົງ.
ຊຸດນີ້ຈະໄດ້ໄປເປັ່ງປະກາຍຄວາມເປັນລາວ ທີ່ ເວທີ ຈັກກະວານ ຢ່າງງົດງາມ ຊຸດນີ້ ແຮງບັນດານໃຈ ມາຈາກດອກຈຳປາທີ່ເປັນດອກໄມ້ປະຈຳຊາດລາວທີ່ໄດ້ປະສົມປະສານກັບລວດລາຍລາວທີ່ເປັນເອກະລັກມສແຕ່ບູຮານນະການ ທີ່ໄດ້ແກະແບບລວດລາຍອອກມາຈາກປູສະນິບະສະຖານທີ່ສຳຄັນຂອງລາວເຮົາອີກແຫ່ງກໍຄື “ວັດຊຽງທອງ” ເຊິ່ງວັດດັງກ່າວກໍ່ໄດ້ຮັບການຍ້ອງຍໍວ່າເປັນ ອັນຍະມະນີຂອງສະຖາປັດຕະຍະກຳລາວອີກດ້ວຍ.
ວັດສະດຸ ແລະ ອຸປະກອນ ຫນັງທຽມ, ທອງຄຳເປວ ຫລື ທອງແທ້, ຜ້າໄຫມປັກດີ້ງລາຍຄຳດ້ວຍມື, ຜ້າປັກເພັດ, ເຜັດສຳລັດຕິດ, ລວດ, ທໍPVC, ຜ້າສັກຫລາດ, ຊີຟອງ, ກຳມະຫຍີ່, ຜ້າໄຍບົວ ແລະ ໄມ້ສາກ,
ຊຸດທີ່ໄດ້ຮັບລາງວັນຮອງອັນດັບຫນື່ງແມ່ນຊຸດ ນັກຮົບຊຸດຂາວ ອອກແບບໂດຍ ທ້າວ ຂັນໄຊ ແຖມພູຄໍາ ໄດ້ແຮງບັນດານໃຈ ຈາກສະພາບໂຄວິດຢູ່ປະເທດເທດເຮົາໃນປັດຈຸບັນນີ້ແລະຜູ້ທີ່ເຮັດວຽກໃຫ້ພວກເຮົາຫນັກທີ່ສຸດກໍຄຶ:
ແພດຫມໍທີ່ເພິ່ນໄດ້ເສຍສະຫລະ ເຮັດວຽກຫນັກເພຶ່ອສູ້ກັບສະພາບໂຄວິດແລະຍອດຜູ້ຕິດເຊຶ້ອທີ່ເພີ້ມຂຶ້ນເລຶ້ອຍໆ ແລະນ້ອງເອງກໍ່ເປັນຄົນລາວຄົນຫນຶງທີ່ຮູ້ສຶກພູມໃຈໃນໂຕຂອງແພດຫມໍທຸກຄົນ ທີ່ເສຍສະຫລະເຮັດວຽກຫນັກເພຶ່ອເຮົາຊ່ວຍເຮົາທຸກຄົນໃຫ້ປອດໄພຈາກພະຍາດໂຄວິດ-19 ເລີຍໄດ້ເປັນຊຸດນີ້ມາ.
ສ່ວນວ່າຈະໄດ້ເປັນຜູ້ຄອງມຸງກຸດ ແລະ ໄດ້ສວມໃສ່ຊຸດນີ້ກໍລຸ້ນໄປນໍາກັນ ເພາະຕອນນີ້ແມ່ນກໍາລັງດໍາເນີນການປະກວດຢູ່.
ຂອບໃຈແຫລ່ງທີ່ມາ: Miss Universe Laos ມີສຢູນິເວີຣສລາວ.