ຄວາມໝາຍທີ່ແຕກຕ່າງກັນຂອງຄຳວ່າໄຄ່ ແລະ ໃຄ່.

ການເວົ້າ ຫຼື ສື່ສານກັນດ້ວຍຄຳເວ້ົາເຮົາຕ້ອງໄຕ່ຕອງທຸກໆຄຳເວົ້າກ່ອນທຸກໆຄັ້ງເພາະຄຳເວົ້າໃນພາສາລາວຂອງເຮົາຍັງມີອີກຫຼາກຫຼາຍຄຳສັບທີ່ຍັງເຮັດໃຫ້ເກີດຂໍ້ສົງໃສ ແລະ ຄ້າງຄາໃຈວ່າຄວນນຳໃຊ້ຄຳໃດ ເພາະຄຳສັບບາງຄຳອາດມີການອອກສຽງທີ່ໃກ້ຄຽງກັນ ແຕ່ຊ້ຳພັດຫຼັກການຂຽນ ແລະ ຄວາມໝາຍທີ່ບໍ່ຄືກັນ ເພາະຖ້າຫາກເຮົາສື່ສານກັນໂດຍການນຳໃຊ້ຄຳສັບ ຫຼື ນ້ຳສຽງທີ່ບໍ່ຖືກຕ້ອງກໍ່ສາມາດເຮັດໃຫ້ຄູ່ສົນທະນາເຂົ້າໃຈໄປໃນຄວາມໝາຍທີ່ແຕກຕ່າງກັນອອກໄປກໍ່ເປັນໄດ້ເຊັ່ນ : ຄຳວ່າ ໄຄ່ ແລະ ໃຄ່

ສະນັ້ນບົດນີ້ເຮົາ​ຈື່ງຈະຍົກເອົາ ຄຳວ່າ ໄຄ່ ແລະ ໃຄ່ ມາ​ອະ​ທິ​ບາຍ, ເພາະ​ສອງ​ຄຳ​ນີ້ຫຼາຍໆຄົນອາດຍັງສະກົດ ຫຼື ອອກສຽງອັນດຽວກັນຢູ່ ເພາະຄິດວ່າມັນມີຄວາມໝາຍອັນດຽວກັນກໍ່ເປັນໄດ້ ​ໂດຍສະເພາະແມ່ນຄົນຕ່າງຊາດທີ່ມາທ່ຽວ ຫຼື ອາໃສຢູ່ລາວທີ່ອາດຍັງບໍ່ເຂົ້າໃຈໃນການໃຊ້ຄຳສັບ,ນ້ຳສຽງ ແລະ  ຄວາມໝາຍຂອງທັງສອງຄຳນີ້, ດັ່ງນັ້ນມື້ນີ້ເຮົາຈະມາສຶກສາຄຳວ່າ ໄຄ່ ແລະ ໃຄ່ ນີ້ໄປພ້ອມກັນວ່າ ທັງສອງຄຳນີ້ມິຫຼັກການນຳໃຊ້ ແລະ ສະກົດຄຳທີ່ຄ້າຍຄືກັນ ແລະ ແຕກຕ່າງກັນຢູ່ບ່ອນໃດ?

ຄຳວ່າ ໄຄ່.

     ຄຳວ່າໄຄ່ເປັນຄຳກຳມະ ມີຄວາມໝາຍວ່າຢາກໄດ້, ປະສົງປາດຖະໜາ, ຄວມຕ້ອງການຢາກໄດ້, ຄວາມຕ້ອງການຢາກຄອບຄອງ ຫຼື ໝາຍເຖິງຄວາມຫຼົງໄຫຼໃນບຸກຄົນ, ຫຼົງໄຫຼໃນສິ່ງໃດສິ່ງໜື່ງທີ່ກະຕຸ້ນໃຫ້ແນວຄິດ ແລະ ຈິດໃຈຂອງເຮົາໝົກໝຸ້ນຢູ່ກັບສິ່ງນັ້ນໆ ບໍ່ວ່າຈະເປັນເລື່ອງການງານ, ເລື່ອງຄວາມຮັກຂອງຄູ່ບ່າວສາວ ເຊິ່ງຄຳວ່າໄຄ່ນີ້ສາມາດໃຊ້ໄດ້ກັບທຸກໆສິ່ງຢ່າງທີ່ຄົນເຮົາຕ້ອງການ ຫຼື ສິ່ງທີ່ເຮົາຫຼົງໄຫຼເຊັ່ນ:

ຕົວຢ່າງ:

1. ບຸນມາຕ້ອງການຊື້ເຄື່ອງເຟີນີເຈີເພື່ອຕົບແຕ່ງບ້ານຂອງລາວ.
2. ວັນແຫ່ງຄວາມຮັກປີນີ້ຖ້າແຟນຂ້ອຍຊື່ດອກໄມ້ໃຫ້ເປັນຂອງຂັວນຄືີຊິດີ.
3. ລາວມີຄວາມໝົກໝຸ້ນຕັ້ງໃຈເຮັດໃນສິ່ງທີ່ລາວຮັກຢ່າງມີຄວາມສຸກ.

ຄຳວ່າ ໃຄ່.

ຄຳວ່າໄຄ່ເປັນຄຳກຳມະ ມີຄວາມໝາຍວ່າ ໂນ, ບວມ, ໂພງຂື້ນ, ຟົກບວມ. ການຖືກກະແທກກະແທກດ້ວຍຂອງແຂງ ເຮັດໃຫ້ມີການຟົກຊ້ຳ ຫຼື ໂນບວມຂື້ນ ເຮົາເອີ້ນຄຳເຫຼົ່ານັ້ນວ່າໃຄ່,ເຊິ່ງຄຳນີ້ເຮົາຈະໄດ້ຍິນ ແລະ ນຳໃຊ້ກັນຢູ່ເລື່ອຍໆໃນການໃຊ້ຊີວິດປະຈຳວັນ ສ່ວນຫຼາຍແມ່ນຈະໃຊ້ກັບການເກີດອຸບັດຕິເຫດອັນເຫຼັກນ້ອຍຂອງໝູ່ເຮົາເຈົ້າຂ້ອຍ ຫຼື ກັບບັນດາເດັກນ້ອຍທີ່ກຳລັງຢູ່ໃນໄວກຳລັງດື້ເຊັ່ນ:

ຕົວຢ່າງ :

1. ແມ່ເຖົ້າຍ່າງລື່ນລົ້ມຫົວເຄົ່າຈົນວ່າບວມ.
2. ຫຼານນ້ອຍລົ້ມຫົວກະແທກກັບພື້ນເຮັດໃຫ້ຫົວໂນຂື້ນໜ່ວຍບັກໃຫຍ່.
3. ລົດລົ້ມວານນີ້ເຮັດໃຫ້ຂາຂ້ອຍໃຄ່ໄປເບິດເລີຍ.

ສະຫຼຸບ.

ສະຫຼຸບແລ້ວຄຳວ່າໄຄ່ ແລະ ໃຄ່ ນັ້ນນັ້ນອາດມີຫຼັກການຂຽນ ແລະ ການອ່ານທີ່ໃກ້ຄຽງກັນຫຼາຍທີ່ສຸດ ແຕ່ມີຄວາມໝາຍທີ່ແຕກຕ່າງກັນ ດັ່ງນັ້ນເພື່ອເປັນການບໍ່ໃຫ້ເກີດມີການຜິດພາດໃນການຂຽນ,ການອ່ານ ຫຼື ການອອກສຽງພວກເຮົາຕ້ອງຈື່ໃຫ້ໄດ້ວ່າ ທັງສອງຄຳນີ້ເປັນປະເພດຄຳທີ່ຄ້າຍຄືກັນແຕ່ມີຄວາມໝາຍແຕກຕ່າງກັນເພາະຄຳວ່າໄຄ່ຈະເວົ້າເຖິງຄວາມຢາກໄດ້, ປະສົງປາດຖະໜາ, ຄວມຕ້ອງການຢາກໄດ້, ຄວາມຕ້ອງການຢາກຄອບຄອງ, ສ່ວນຄຳວ່າໃຄ່ແມ່ນໝາຍເຖິງໂນ, ບວມ, ໂພງຂື້ນ, ຟົກບວມດັ່ງນີ້ເປັນຕົ້ນ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo