​ສຸດຍອດ! ປີ 2021 ແຂວງ​ອັດ​ຕະ​ປື ຜະ​ລິດ​ເຂົ້າໄດ້​ກວ່າ 87 ພັນ​ໂຕນ

SA Game

ປະເທດລາວ Pathedlao

ໃນ​ປີ 2021 ແຂວງອັດຕະປື ສາ​ມາດຜະລິດ ເຂົ້າໄດ້ 87 ພັນກວ່າໂຕນ.

ໃນ ສ​ປ​ປ ລາວ ພູມ​ສັນ​ຖານ​ແມ່ນ​ອຳ​ນວຍ​ຄວາມ​ສະ​ດວກ​ຫລາຍ​ສຳ​ລັບ​ການ​ເຮັດ​ກະ​ສິ​ກຳປູກ​ພືດ​ລ້ຽງ​ສັດ, ການ​ຜະ​ລິດ​ເຂົ້າກໍ​ເປັນ​ອີກ​ທ່າ​ແຮງ​ໜຶ່ງ​ຂອງ​ພໍ່​ແມ່​ປະ​ຊາ​ຊົນ​ລາວ​ເຮົາ​ເຊິ່ງ​ໄດ້​ອາ​ໃສ​ການ​ເຮັດ​ນາ​ເປັນ​ຫລັກ ແລະ ພະ​ຍາ​ຍາມ​ທີ່​ຈະ​ໃຫ້​ເປັນ​ສິນ​ຄ້າ​ອັນ​ໜຶ່ງ​ຂອງ​ປະ​ເທດ​ໂດຍ​ໄດ້​ຮັບ​ການ​ສົ່ງ​ເສີມ​ຈາກ​ທາງ​ພາກ​ລັດ​ເພື່ອ​ໃຫ້​ເປັນ​ສິນ​ຄ້າ​ສົ່ງ​ອອກນອກ​ປະ​ເທດ​ໃຫ້​ໄດ້.

 ອີງຕາມການລາຍງານຂອງທ່ານ ນາງ ວົງເດືອນ ຟອງສະໝຸດ ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງອັດຕະປື ຕໍ່ກອງປະຊຸມອົງການປົກຄອງແຂວງ ທີ່ຫາກໍ່ສໍາເລັດລົງເມື່ອບໍ່ດົນຜ່ານມານີ້ໃຫ້ຮູ້ວ່າ:

ປີ 2021 ນີ້ ແຂວງອັດຕະປື ມີເນື້ອທີ່ການຜະລິດເຂົ້າທັງໝົດ 29.044 ກວ່າເຮັກຕາ,ເທົ່າກັບ 105%ເມື່ອທຽບໃສ່ແຜນການປີ,ໃນນີ້ມີເນື້ອທີ່ເສຍຫາຍ 487 ເຮັກຕາ,ເນື້ອທີ່ເກັບກ່ຽວຕົວຈິງ 28.551 ເຮັກຕາ,ລວມຜົນຜະລິດທັງໝົດໄດ້ 87.793 ກວ່າໂຕນ.

SA Game
ປະເທດລາວ Pathedlao

ສຳລັບ ການປູກເຂົ້ານາແຊງ ແຜນການເບື້ອງຕົ້ນມີ 1 ພັນກວ່າເຮັກຕາ, ປະຕິບັດໄດ້ 749 ກວ່າເຮັກຕາ, ຜົນຜະ ລິດໄດ້ 2.765 ໂຕນ, ສະມັດຕະພາບສະເລ່ຍ 3,7 ໂຕນຕໍ່ເຮັກຕາ, ມີ 772 ຄອບຄົວ,ໃນນີ້ ເຂົ້ານາຢອດ ມີ 154 ເຮັກຕາ,ມີ 142 ຄອບຄົວ,ນາດຳ 596 ເຮັກຕາ,ມີ 604 ຄອບຄົວ.

ສ່ວນການປູກເຂົ້ານາປີ ເນື້ອທີ່ແຜນການເບື້ອງ ຕົ້ນ 24.750 ເຮັກຕາ,ປະຕິບັດໄດ້ 26.517 ເຮັກຕາ,ເນື້ອທີ່ຖືກກະທົບຈາກນໍ້າຖ້ວມ 5.250 ກວ່າເຮັກຕາ,ເສຍຫາຍ 468 ເຮັກຕາ,ເນື້ອທີ່ເກັບກ່ຽວຕົວຈິງ 26 ພັນກວ່າເຮັກຕາ ເທົ່າກັບ 105%,ຜົນຜະລິດໄດ້ 82.271 ໂຕນ ສະເລ່ຍສະ ມັດຕະພາບ 3,2 ໂຕນຕໍ່ເຮັກຕາ ; ການປູກເຂົ້າໄຮ່ ປະຕິບັດໄດ້ 1.778 ເຮັກຕາ ເສຍຫາຍຈາກການເຊາະເຈື່ອນ 25 ເຮັກຕາ,ເນື້ອທີ່ເກັບກ່ຽວຕົວຈິງ 1.750 ເຮັກຕາ ຜົນຜະ ລິດໄດ້ 2.757 ໂຕນ ສະມັດຕະພາບສະເລ່ຍ 1,5 ໂຕນຕໍ່ເຮັກຕາ.

ທ່ານນາງ ວົງເດືອນ ຟອງສະໝຸດ ລາຍງານຕື່ມວ່າ: ປີ 2022 ໜ້ານີ້ທາງພະແນກກະສິກໍາ ແລະ ປ່າໄມ້ແຂວງ ມີແຜນສູ້ຊົນຜະລິດເຂົ້າໃຫ້ໄດ້ທັງໝົດ 92.213 ໂຕນ,ໃນເນື້ອທີ່ 28.469 ເຮັກຕາ,ດ້ວຍສະມັດຕະພາບສະເລ່ຍໃຫ້ໄດ້ 3 ໂຕນກວ່າຕໍ່ເຮັກຕາ,

SA Game
ປະເທດລາວ Pathedlao

ໃນນີ້,ສູ່ຊົນປູກເຂົ້ານາແຊງໃຫ້ໄດ້ 1.659 ເຮັກຕາ, ຄາດຄະເນຜົນຜະລິດໃຫ້ໄດ້ 6.260 ໂຕນ, ດ້ວຍສະມັດຕະພາບສະເລ່ຍໃຫ້ໄດ້ 3,8 ໂຕນຕໍ່ເຮັກຕາ,ສູ້ຊົນປູກເຂົ້ານາປີໃຫ້ໄດ້ 25.140 ເຮັກຕາ,ຜົນລະລິດຄາດຄະເນໃຫ້ໄດ້ 82.279 ໂຕນ,ສະມັດຕະພາບສະ ເລ່ຍໃຫ້ໄດ້ 3,2 ໂຕນຕໍ່ເຮັກຕາ ແລະ ສູ້ຊົນປູກພຶດຜັກສະ ບຽງອາຫານໃຫ້ໄດ້ 1.592 ເຮັກຕາ,ຜົນຜະລິດລວມໃຫ້ໄດ້ 15.873 ໂຕນ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​:ປະເທດລາວ Pathedlao