ໜອງປາຝາດອນແດງ ສະຖານທີ່ທີ່ສວຍງາມຂອງ ສະຫວັນນະເຂດ

SA Game

ພາບ: ປະເທດລາວ Pathedlao

ແຫຼ່ງທ່ອງທ່ຽວ ໜອງປາຝາດອນແດງ ທີ່ເຄີຍເປັນເຂດມະເຫສັກ.

ໜອງປາຝາບ້ານດອນແດງເປັນສະຖານທີ່ທ່ອງທ່ຽວທາງທຳມະຊາດທີ່ຕິດພັນກັບວິຖີຊີວິດຂອງປະຊາຊົນ, ໜອງດັ່ງກ່າວ ຕັ້ງຢູ່ເຂດບ້ານດອນແດງ, ເມືອງຈຳພອນ, ແຂວງສະຫວັນນະເຂດ, ເປັນໜອງທີ່ມີມາແຕ່ດົນນານ ແລະ ເປັນໜອງທຳມະຊາດ, ເປັນແຫຼ່ງຊອກຢູ່ຫາກິນຂອງສັດນາໆຊະນິດທີ່ອາໄສຢູ່ໃນຂອບເຂດບໍ່ລິເວນນັ້ນ.

ປະຈຸບັນໜອງ ປາຝາ ໄດ້ຖືກພັດທະນາເປັນສະຖານທີ່ທ່ອງທ່ຽວຂອງເມືອງຈຳພອນ ກໍຄືຂອງແຂວງສະຫວັນນະເຂດຈຶ່ງເປັນທີ່ຮູ້ ຈັກກັນຢ່າງກວ້າຂວາງທັງພາຍໃນ ແລະ ຕ່າງປະເທດ, ມີເສັ້ນທາງເຂົ້າຮອດສະດວກ, ລົດນ້ອຍ ຫຼືລົດໃຫຍ່ກໍສາມາດເຂົ້າ ໄປຮອດເຂດໜອງໄດ້, ເຊິ່ງມີໄລຍະທາງຫ່າງຈາກເທດສະບານແຂວງປະມານ 65 ກິໂລແມັດ, ໄປຕາມເສັ້ນທາງເລກທີ 13 ໃຕ້ ລ້ຽວຂວາເຂົ້າຫຼັກກິໂລແມັດທີ 35 ໄປປະມານ 30 ກິໂລແມັດ ກໍເຖິງແລ້ວ.

SA Game
ພາບ: ປະເທດລາວ Pathedlao

ໜອງປາຝາແຫ່ງນີ້ ແຕ່ກ່ອນ ເຄີຍເປັນເຂດມະເຫສັກປົກປັກຮັກສາມາແຕ່ດົນນານ, ມີນົກນາໆຊະນິດອາໄສຢູ່ຢ່າງຫຼວງຫຼາຍ ເດັ່ນກວ່າໝູ່ແມ່ນ ມີປາຝາຈຳນວນຫຼາຍອາໄສຢູ່ທີ່ໜອງນີ້, ຊຶ່ງເຈົ້າມະເຫສັກເພິ່ນໄດ້ເອີ້ນຊື່ປາຝານີ້ວ່າ:

ຄວາຍຕູ້ເອີຍ! ຖ້າຫາກວ່າທ່ານໃດ ທີ່ຕ້ອງການໄປທ່ຽວຊົມຊົມ ແລະ ຢາກເຫັນປາຝາຂຶ້ນມາປະກົດຕົວຕ້ອງໃຫ້ເຂົ້າ ຫຼືເຂົ້າໜົມ ແລະ ອື່ນໆ ຫຼືໃຫ້ເດັກ ນ້ອຍໃນບໍລິເວນນັ້ນມາເອີ້ນໃຫ້ ໂດຍຕ້ອງເວົ້າວ່າ:

ຄວາຍຕູ້ເອີຍຂຶ້ນມາກິນເຂົ້າເດີ້… ຈາກນັ້ນປາຝາກໍຈະມາ ຕາມສຽງເອີ້ນ ທັງໂຕນ້ອຍໂຕໃຫຍ່ເປັນຈຳນວນຫຼາຍ, ປາຝາດັ່ງກ່າວນັ້ນ ບໍ່ສາມາດແຕະຕ້ອງໄດ້, ຖ້າໃຜແຕະຕ້ອງນຳ ຂຶ້ນມາຈະມີອັນເປັນໄປຕາມຄວາມເຊື່ອຂອງຊາວບ້ານ.

SA Game
ພາບ: ປະເທດລາວ Pathedlao

ເມື່ອປີ ຄສ 1866 ຢູ່ກຳມະຖານອິນທິສານໄດ້ເດີນປ່າທຸດົງມາເຂົ້າວິປັດສະນາກຳມະຖານຢູ່ໜອງຫຼວງ ຫຼືໜອງປາຝາແຫ່ງນີ້ ເວລານັ້ນເພິ່ນໄດ້ນຳພາຊາວບ້ານໃກ້ຄຽງຕັ້ງວັດປ່າຢູ່ບ່ອນຕັ້ງສາລາໃນປັດຈະບັນ ແລະ ສ້າງສິມ ຢູ່ກາງໜອງໂດຍເຮັດຂົວໄຕ່ດ້ວຍໄມ້ແກ່ນທຳມະຊາດ ເຊື່ອມຈາກແຄມໜອງເຂົ້າໄປຫາສິມ, ຕໍ່ມາໄດ້ເຮັດຂົວຕັ້ງເສົາດິນ ເພື່ອໃຫ້ມີຄວາມແໜ້ນໜາ ແລະ ຮັບປະກັນຄວາມປອດໄພໃຫ້ແກ່ຜູ້ທ່ຽວຊົມ, ຫຼັງຈາກນັ້ນ ປະຊາຊົນຈຳນວນໜຶ່ງ ໄດ້ພາກັນມາຕັ້ງບ້ານເຮືອນຢູ່ບໍລິເວນໃກ້ກັບໜອງດັ່ງກ່າວ ແລະ ໄດ້ເອີ້ນຊື່ວ່າ ບ້ານດອນແດງ.

SA Game
ພາບ: ບ້ານ ດອນແດງ ໜອງປາຝາ

ໃນປີ 1998 ຄະນະນຳຂອງແຂວງໄດ້ຊີ້ນຳໃຫ້ເອົາໃຈໃສ່ປົກປັກຮັກສາໜອງປາຝາໃຫ້ມີຄວາມສະອາດ ແລະ ສວຍງາມ, ເຊິ່ງເມືອງໄດ້ໃຊ້ງົບປະມານຈຳນວນໜຶ່ງໃນການເຮັດກຳແພງ ແລະ ຕາໜ່າງດ້ານເໜືອຂອງໜອງປາຝາ ແລະ ໃຂປີ 1999 ຊຶ່ງເປັນປີທ່ອງທ່ຽວລາວ ກໍໄດ້ມີການປະກາດໃຫ້ໜອງດັ່ງກ່າວ ເປັນແຫຼ່ງທ່ອງທ່ຽວແຫ່ງໜຶ່ງ ຂອງແຂວງ ສະຫວັນນະເຂດ ແລະ ໄດ້ມີການບູລະນະຮັກສານັບມື້ນັບດີຂຶ້ນເປັນກ້າວໆ, ໄດ້ມີປະຕູບໄວ້ອຳນວຍຄວາມສະດວກ ສະບາຍໃຫ້ແກ່ນັກທ່ອງທ່ຽວທີ່ເຂົ້າໄປທ່ຽວຊົມໄດ້ນັ່ງຜັກຜ່ອນຢ່ອນໃຈສຳຜັດກັບອາກາດບໍລິສຸດປອດໂປ່ງ, ຮັບປະທານ ອາຫານພື້ນບ້ານ ແລະ ເຄື່ອງດື່ມເຢັນໆ ພ້ອມທັງໃຫ້ອາຫານປາຝາ, ນອກຈາກນັ້ນຍັງໄດ້ສຳຜັດກັບວິຖີຊີວິດຂອງ ປະຊາຊົນເຂດນີ້ອີກດ້ວຍ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ໜັງສືພິມວັນອາທິດ