ໃນ​ທ້າຍ​ເດືອນ​ນີ້​ຈະ​ເປີດ​ເທດ​ສະ​ການ​ອາ​ຫານ​ລາວ​ໃນ​ແບບ New Normal

ເທດສະການອາຫານລາວ 2022 ຈະ​ເປີດ​ໃນທ້າຍເດືອນນີ້ ຕາມວິຖີຊີວິດ ປົກກະຕິແບບໃໝ່

ຖະແຫລງການກຽມຈັດງານຈັດງານເທດສະການອາຫານລາວ ປະຈຳ ປີ 2022 ໃນວັນທີ 5 ມັງກອນ 2022 ທີ່ນະຄອນຫລວງວຽງຈັນ, ພາຍໃຕ້ຄໍາຂວັນ ຕາມວິຖີຊີວິດປົກກະຕິແບບໃໝ່ ໂດຍການເຂົ້າຮ່ວມຂອງ ທ່ານ ນາງ ສີລິກິດ ບຸບຜາ ຮອງປະທານຄະນະບໍລິຫານງານ ສູນກາງສະຫະພັນແມ່ຍິງລາວ, ທ່ານ ນາງ ບົວໄຂ ເພັງພະຈັນ ຫົວໜ້າກົມວັນນະຄະດີ ແລະ ພິມຈໍາໜ່າຍ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ງານເທດສະການອາຫານລາວ ຈະເປີດຢ່າງເປັນທາງການແມ່ນວັນທີ 25-29 ມັງກອນ 2022, ເປັນເວລາ 5 ວັນ, ທີ່ເດີ່ນສວນເຈົ້າອະນຸວົງແຄມຂອງ, ມີຮ້ານ 120 ຮ້ານເທົ່ານັ້ນ, ໃນນັ້ນມີຮ້ານອາຫານລາວ ຈາກຕົວແທນທົ່ວປະເທດ ແລະ ຜູ້ສະໜັບສະໜູນ 109 ຮ້ານ, ມີຮ້ານຂາຍເຄື່ອງຫັດຖະກໍາ ແລະ ກະສິກໍາ 11 ຮ້ານ, ຄາດຈະມີເງິນໝູນໃນງານ ປີ 2022 ນີ້ ປະມານ 2-3 ຕື້ກີບ.

SA Game
ປະ​ກາດ
ໃນໂອກາດດັ່ງກ່າວ, ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ, ປະທານຄະນະກໍາມະການຈັດງານເທດສະການອາຫານລາວ ປະຈຳ ປີ 2022 ໄດ້ກ່າວວ່າ: ການຈັດງານໃນຄັ້ງນີ້, ເພື່ອສ້າງບັນຍາກາດ ແລະ ປູກຈິດສໍານຶກໃຫ້ຄົນໃນສັງຄົມຮັບຮູ້ ແລະ ສາມາດເຂົ້າ ຊົມ, ຈັບຈ່າຍຊື້ຂາຍອາຫານ, ຕາມແບບວິຖີຊີວິດປົກກະຕິແບບໃໝ່ຂອງສັງຄົມປັດຈຸບັນ,

ສືບຕໍ່ຊຸກຍູ້, ສົ່ງເສີມແມ່ຍິງຜູ້ຜະລິດ, ຜູ້ປູກຝັງ, ລ້ຽງສັດ, ຮ້ານອາຫານ, ຮ້ານຂາຍຍ່ອຍ ຈາກທ້ອງຖິ່ນຕ່າງໆ ແລະ ຈາກນະຄອນຫລວງວຽງຈັນ ໄດ້ມາວາງສະແດງ ແລະ ຄ້າຂາຍຈ່າຍຊື້ໄດ້ໂດຍປົກກະຕິ ແລະຮັບປະກັນຄຸນນະພາບໃນທຸກດ້ານ, ເພື່ອເອື້ອອໍານວຍຄວາມສະດວກໃຫ້ຜູ້ປະກອບການແມ່ຍິງ ທີ່ເຮັດການຜະລິດເປັນສິນຄ້າ ໃຫ້ສາມາດສ້າງເຄືອຂ່າຍການຄ້າຢ່າງກວ້າງຂວາງໃນຂອບເຂດທົ່ວປະເທດ ແລະ ພາກພື້ນ, ເພື່ອກ້າວສູ່ຕະຫລາດທາງອອນລາຍໃຫ້ຫລາຍຂຶ້ນ ແລະ ມີຄຸນນະພາບ,

ພ້ອມທັງເພື່ອເປັນການຕ້ອນຮັບນັກທ່ອງທ່ຽວ ທີ່ຈະເຂົ້າມາທ່ຽວໃນເຂດທ່ອງທ່ຽວສີຂຽວຂອງ ສປປ ລາວ ເຮົາໃນໄລຍະປີ 2022 ແລະ ຊຸກຍູ້ໃຫ້ຍິງໜຸ່ມ (ຜູ້ກໍາລັງຊອກວຽກເຮັດງານທໍາ, ລໍຖ້າຊັບຊ້ອນ) ທີ່ຢາກສ້າງຕົວເປັນນັກທຸລະກິດໃນອະນາຄົດ ໄດ້ນໍາເອົາຜະລິດຕະພັນທີ່ປອດສານພິດ ແລະ ປຸງແຕ່ງແບບປະດິດສ້າງຂອງເຂົາເຈົ້າມາວາງຂາຍໃນງານ (ເປັນອາຊີບເສີມ).

ສຳລັບກິດຈະກໍາໃນງານ ມີການຈັດຕັ້ງໂຄສະນາຜະລິດຕະພັນຂອງບໍລິສັດ ແລະ ພາກສ່ວນທີ່ສະໜັບສະໜູນຫລັກ ຂອງງານເທດສະການອາຫານເທິງເວທີເປັນປະຈໍາທຸກວັນ, ມີການກວດວັດແທກອຸນຫະພູມໃນງານທຸກໆວັນ, ມີເຈວລ້າງມືໃຫ້ຜູ້ເຂົ້າຮ່ວມງານ, ແຈກຜ້າອະນາໄມປ້ອງກັນພະຍາດຟຣີ, ຜູ້ມາຂາຍເຄື່ອງຕ້ອງໃຫ້ຮັບປະກັນການປ້ອງກັນ, ຄວບຄຸມພະຍາດໂຄວິດ-19 ຕາມມາດຕາການຂອງຄະນະສະເພາະກິດ,

SA Game
ປະ​ກາດ

ສໍາລັບໂຕະຕັ່ງໄວ້ຄອບບໍລິການແຂກຜູ້ເຂົ້າມາທ່ຽວງານນັ່ງກິນອາຫານນັ້ນ ແມ່ນຈະໄດ້ຈັດໄວ້ໃຫ້ຮັກສາໄລຍະຫ່າງຢ່າງເຂັ້ມງວດ, ມີການວາງສະແດງ, ຂາຍເຄື່ອງ ແລະ ຜູ້ມາທ່ຽວງານ ຕ້ອງໄດ້ຮັບການສັກຢາວັກຊິນປ້ອງກັນໂຄວິດ ຄົບ 2 ເຂັມ, ຕ້ອງໃສ່ຜ້າອັດປາກ, ປິດດັງ ຢ່າງຄົບຖ້ວນ, ມີໂຄງການສ້າງຄວາມເຂັ້ມແຂງໃຫ້ຍິງໜຸ່ມ ທີ່ຢາກເປັນເຈົ້າຂອງຮ້ານອາຫານໃນອະນາຄົດໂດຍການສະໜັບສະໜູນ ຈາກໂຄງການ Plan Lao

ໂດຍຈັດໃຫ້ມີການຄັດເລືອກເອົາຍິງໜຸ່ມເຂົ້າມາແຂ່ງຂັນ, ຄັດເລືອກເອົາທຶນຊ່ວຍເຫລືອ ຈາກອົງການ Plan Lao ໃຫ້ໄດ້ຜູ້ຊະນະເລີດ ຈໍານວນ 5 ຄົນ ແລະ ມີການແຂ່ງຂັນປຸງແຕ່ງລາບໝູໃນງານ ໃນວັນສຸດທ້າຍຂອງງານ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ປະເທດລາວ