ໂຮງ​ຮຽນ ແລະ ຜູ້​ທຸກ​ຍາກ​ຢູ່​ແຂວງ​ສາ​ລະ​ວັນໄດ້​ຮັບ​ການ​ຊ່ວຍ​ເຫຼືອ​

SA Game

ສະຫະພັນແມ່ຍິງ ຫສນຍ

ຄອບຄົວການນຳມອບເຄື່ອງຊ່ວຍເຫຼືອໂຮງຮຽນ ແລະ ຜູ້ທຸກຍາກດ້ອຍໂອກາດ ຂອງແຂວງສາລະວັນ

ທ່ານ ນາງ ວຽງເງິນ ໄຂຄຳພິທູນ, ພັນລະຍາຂອງທ່ານ ກິແກ້ວ ໄຂຄຳພິທູນ, ຮອງນາຍົກລັດຖະມົນຕີ ແລະ ອົງການປົກຄອງແຂວງສາລະວັນ ໄດ້ນຳເອົາເຄື່ອງອຸປະໂພກ-ບໍລິໂພກ ໄປມອບຊ່ວຍເຫຼືອປະຊາຊົນ ແລະ ນັກຮຽນທີ່ທຸກຍາກ-ດ້ອຍໂອກາດ ຢູ່ແຂວງສາລະວັນ ໃນວັນທີ 26 ພະຈິກ 2022

ໂດຍມີການນຳຂອງແຂວງ, ການນຳຂອງເມືອງ, ອົງການປົກຄອງບ້ານ, ປະຊາ ຊົນ, ຄູອາຈານ ແລະ ນັກຮຽນ ທີ່ກ່ຽວ ຂ້ອງ ໃຫ້ການຕ້ອນຮັບຢ່າງອົບອຸ່ນ.

ເຄື່ອງທີ່ນຳໄປມອບຊ່ວຍເຫຼືອໃນຄັ້ງນີ້ ປະກອບມີເຄື່ອງອຸປະໂພກ-ບໍລິໂພກ ກໍ່ຄືເຄື່ອງໃຊ້ຂອງສອຍ, ເຄື່ອງນຸ່ງຫົ່ມ, ອາ ຫານການກິນ, ເຄື່ອງມືອອກແຮງງານ ທຳການຜະລິດ ແລະ ອື່ນໆ ເຊິ່ງລວມມູນຄ່າທັງໝົດ 200 ກວ່າລ້ານກີບ ໂດຍໄດ້ນຳໄປມອບໃຫ້ປະຊາຊົນ ຜູ້ທຸກຍາກ ຢູ່ບ້ານພ້າວ ເມືອງສາລະວັນ, ບ້ານຕຸ້ມລານ ເມືອງຕຸ້ມລານ ແລະ ນັກຮຽນທຸກຍາກ -ດ້ອຍໂອກາດ ຢູ່ໂຮງຮຽນສາມັນກິນນອນຊົນເຜົ່າ ແຂວງສາລະວັນ.

SA Game
ສະຫະພັນແມ່ຍິງ ຫສນຍ

ໃນໂອກາດ ທີ່ນຳເຄື່ອງໄປມອບຊ່ວຍ ເຫຼືອ ຢູ່ແຕ່ລະສະຖານທີ່, ທ່ານ ນາງ ວຽງເງິນ ໄຂຄຳພິທູນ ໄດ້ໃຫ້ກຽດມີຄຳເຫັນພົບປະໂອ້ລົມ ຕໍ່ຜູ້ທີ່ເຂົ້າຮ່ວມ ແລະ ຜູ້ມາຮັບເຄື່ອງຊ່ວຍເຫຼືອ ໂດຍສະແດງຄວາມເປັນຫ່ວງເປັນໄຍ ຕໍ່ສະພາບຊີວິດການເປັນຢູ່ ຂອງເຂົາເຈົ້າ ແລະ ຖາມເຖິງ ຂໍ້ສະດວກ ແລະ ຄວາມຫຍຸ້ງຍາກຕ່າງໆ

ພ້ອມທັງ ສະແດງຄວາມຍ້ອງຍໍຊົມເຊີຍ ຕໍ່ອົງການປົກຄອງທຸກຂັ້ນ ແລະ ທຸກພາກສ່ວນທີ່ກ່ຽວຂ້ອງ ທີ່ໄດ້ເອົາໃຈໃສ່ ຕໍ່ການພັດທະນາທ້ອງຖິ່ນ ກໍ່ຄືບ້ານຊ່ອງ ແລະ ໂຮງຮຽນຂອງຕົນ ເຮັດໃຫ້ຊີວິດການເປັນຢູ່ ຂອງປະຊາຊົນບັນດາເຜົ່າ ແລະ ລູກຫຼານນັກຮຽນ ນັບມື້ໄດ້ຮັບການປັບປຸງດີຂຶ້ນເປັນກ້າວໆ.

ສິ່ງສຳຄັນ, ທ່ານ ໄດ້ມີຄໍາເຫັນເນັ້ນໜັກ ໃຫ້ພໍ່ແມ່ປະຊາຊົນ ສືບຕໍ່ຮັກສາມູນເຊື້ອອັນດີງາມຂອງທ້ອງຖິ່ນຕົນ ໃຫ້ມີຄວາມຍືນຍົງ ເປັນຕົ້ນ ມູນເຊື້ອຄວາມສາມັກຄີຮັກແພງ ຊ່ວຍເຫຼືອເຊິ່ງກັນ ແລະ ກັນ, ມູນເຊື້ອດ້ານຫັດຖະກຳ ສີໄມ້ລາຍມື ທີ່ເປັນເອກະລັກຂອງບັນດາເຜົ່າ, ຮີດຄອງປະເພນີອັນດີງາມ ແລະ ອື່ນໆ.

ນອກຈາກນັ້ນ, ທ່ານ ຍັງໄດ້ເນັ້ນໜັກ ໃຫ້ຄູອາຈານ ພ້ອມກັນເອົາໃຈໃສ່ ສືບຕໍ່ປະຕິບັດພາລະບົດບາດ ແລະ ໜ້າທີ່ຂອງຕົນ ໃຫ້ມີຜົນສຳເລັດ ຕາມພັກ, ລັດ ແລະ ປະຊາ ຊົນ ມອບໝາຍໃຫ້ ໂດຍສະເພາະ ການປະຕິບັດຫຼັກສູດການຮຽນ-ການສອນ ຕະຫຼອດຮອດການເຄື່ອນໄຫວກິດຈະກໍາຕ່າງໆ ທີ່ປິ່ນອ້ອມ ຢ່າງເປັນລະບົບ, ມີປະສິດທິພາບ ແລະ ປະສິດທິຜົນ

SA Game
ສະຫະພັນແມ່ຍິງ ຫສນຍ

ໃຫ້ລູກຫຼານນັກຮຽນ ຈົ່ງພ້ອມກັນເອົາໃຈໃສ່ສຶກສາຄົ້ນຄວ້າຮໍ່າຮຽນ ໃຫ້ເປັນນັກຮຽນດີ-ຮຽນເກັ່ງ ຂອງຄູອາຈານ, ເປັນລູກທີ່ດີຂອງພໍ່ແມ່, ເປັນລູກຮັກຫຼານແພງ ຂອງລຸງປ້າອາວອາ ແລະ ເປັນຜູ້ສືບທອດພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດ ໃນອະນາຄົດ ທີ່ດີ ແລະ ທີ່ເກັ່ງ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: ສະຫະພັນແມ່ຍິງ ຫສນຍ