ເມືອງຕະໂອ້ຍ ເປັນ​ໜຶ່ງ​ໃນເມືອງສາມັກຄີປອງດອງ ແຂວງສາລະວັນ

SA Game

ຂປລ.

ພິທີປະກາດຮັບຮອງ ປະກາດຮັບຮອງ ເມືອງຕະໂອ້ຍ ເປັນອີກເມືອງສາມັກຄີປອງດອງ ​ຂອງ​ ສາ​ລະ​ວັນ

ອີງ​ຕາມແຫລ່ງຂ່າວຈາກ ແຂວງສາລະວັນ ໃຫ້ຮູ້ວ່າ: ໃນວັນທີ 6 ທັນວາ 2022 ເມືອງຕະໂອ້ຍ ຈັດພິທີປະກາດຮັບຮອງ ເປັນເມືອງສາມັກຄີປອງດອງ ເມືອງທີ 6 ຂອງແຂວງສາລະວັນ  ພາຍໃຕ້ການເປັນປະທານຂອງ ທ່ານ ບຸນເນື້ອ ຫລອງຄໍາໄຕ ເລຂາພັກເຈົ້າເມືອງຕະໂອ້ຍ ແລະ ທ່ານ ສີສຸວັນ ສາຍເຊໂດນ ປະທານແນວລາວສ້າງຊາດເມືອງຕະໂອ້ຍ, ຊີ້ນໍາຂົງເຂດວຽກງານອົງການຈັດຕັ້ງມະຫາຊົນເມືອງ ໂດຍມີກ່ຽວຂ້ອງຂັ້ນແຂວງ, ເມືອງ, ຫົວໜ້າ-ຮອງຫົວໜ້າຫ້ອງການ ຕະຫລອດຮອດເລຂາໜ່ວຍພັກ-ນາຍບ້ານໃນ 56 ບ້ານ ເຂົ້າຮ່ວມ.

ການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງຕາມທິດສາມສ້າງຂອງແນວລາວສ້າງຊາດນັ້ນ, ຄະນະກໍາມະການແນວລາວສ້າງຊາດເມືອງຕະໂອ້ຍ ໄດ້ເລີ່ມຈັດຕັ້ງປະຕິບັດມາແຕ່ຕົ້ນປີ 2016 ສາມາດກວດກາ ແລະ ປະເມີນຜົນການສ້າງຄອບຄົວ ແລະ ບ້ານສາມັກຄີປອງດອງຕາມ 4 ມາດຖານ ສ້າງໄດ້ 4 ບ້ານ, ມີ 847 ຄອບຄົວເທົ່າກັບ 4% ແລະ ປະເມີນບ້ານສາມັກຄີປອງດອງຕາມ 5 ມາດຖານສາມາດປະກາດຮັບຮອງເປັນບ້ານສາມັກຄີປອງດອງຈໍານວນ 56 ບ້ານເທົ່າກັບ 100%.

SA Game
ຂປລ.

ໃນພິທີໄດ້ຜ່ານຂໍ້ຕົກລົງຂອງປະທານສູນກາງແນວລາວສ້າງຊາດ ວ່າດ້ວຍ ການປະກາດຮັບຮອງເມືອງຕະໂອ້ຍ ແຂວງສາລະວັນ ເປັນເມືອງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ, ທັງໄດ້ມອບໃບຢັ້ງຢືນ.

SA Game
ຂປລ.

ໃນຕອນທ້າຍ, ທ່ານ ນາງ ບຸນທະວີ ດວງລາສີ ຮອງເລຂາພັກແຂວງ, ຜູ້ຊີ້ນໍາວຽກງານແນວຄິດ, ພັກ- ພະນັກງານ ໄດ້ສະແດງຄວາມຍ້ອງຍໍຊົມເຊີຍຜົນງານທີ່ເມືອງຕະໂອ້ຍ ສາມາດຍາດມາໄດ້ໃນໄລຍະຜ່ານມາ ແລະ ໄດ້ຮຽກຮ້ອງມາຍັງພໍ່ແມ່ປະຊາຊົນບັນດາເຜົ່າ ໃຫ້ຮັກສາມູນເຊື້ອຄວາມສາມັກຄີລະຫວ່າງເຜົ່າ, ລະຫວ່າງຄອບຄົວ, ບ້ານ ໃຫ້ແໜ້ນແຟ້ນຂຶ້ນກວ່າເກົ່າ, ພ້ອມກັນສ້າງສາພັດທະນາເສດຖະກິດຄອບຄົວໃຫ້ມີຢູ່ມີກິນ, ຮັກເຊື້ອແພງຊາດການເຕົ້າໂຮມຄວາມສາມັກຄີ, ສຶກສາອົບຮົມນໍ້າໃຈຮັກຊາດຮັກລະບອບໃໝ່.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: ຂປລ.