ເທດສະການດອກງິ້ວບານອີກງານບຸນໜຶ່ງຂອງຊາວເມືອງຕົ້ນເຜີ້ງ

SA Game

ໜັງສືພິມບໍ່ແກ້ວ Bokeo Newspaper

​ຈັດ​ງານ​ບຸນເທສະການດອກງິ້ວບານງົດ​ງ​າມແດງທົ່ວດອນຊາວ ຂອງ​ເມືອງ​ຕົ້ນ​ເຜິ້ງ ແຂວງ​ບໍ່​ແກ້ວ

ເມື່ອຮອດລະດູໜາວ ດອກງິ້ວກໍເລີ່ມເບັ່ງບານ ແລະ ແດງທົ່ວດອນຊາວ, ຊາວເມືອງຕົ້ນເຜິ້ງໄດ້ຈັດສັນດອນທີ່ງົດງາມແຫ່ງນີ້ ໃຫ້ກາຍເປັນສະຖານທີ່ທ່ອງທ່ຽວ ແລະ ເຮັດໃຫ້ດຶງດູດນັກທ່ອງທ່ຽວນັບມື້ນັບຫຼາຍຂຶ້ນ. ເທດສະການດອກງິ້ວບານເລີ່ມຕົ້ນມາແຕ່ປີ 2000, ນັບແຕ່ນັ້ນມາ ຮອດຍາມດອກງິ້ວເບັ່ງບານ ໃນລະຫວ່າງທ້າຍເດືອນມັງກອນຫາຕົ້ນເດືອນກຸມພາ ຈຶ່ງໄດ້ຈມີການຈັດງານເທດສະການດອກງິ້ວບານຂຶ້ນທຸກໆປີເຊິ່ງວ່າດອນຊາວມີຕົ້ນງິ້ວປ່າທີ່ດົກໜາ ຢັ້ງຢາຍຢູ່ໃນເນື້ອທີ່ປະມານ 40 ເຮັກຕາ.

ງານເທດສະການດອກງິ້ວບານແມ່ນງານບຸນໜຶ່ງຂອງຊາວເມືອງຕົ້ນເຜີ້ງ ທີ່ຈັດຢູ່ດອນຊາວ ໃນເຂດທີ່ມີຈຸດພິເສດທາງດ້ານທີ່ຕັ້ງພູມສາດ ແລະ ທຳມະຊາດທີ່ເປັນເອກະລັກ, ເປັນບໍລິເວນທີ່ມີຊາຍແດນລາວ,ໄທ, ມຽນມາຕິດຈອດກັນ ແລະ ມີຊື່ສຽງໂດ່ງດັງ ນັ້ນກໍຄື “ສາມຫຼ່ຽມຄຳ”.

ເນື່ອງຈາກວ່າການແຜ່ລະບາດຂອງເຊື້ອພະຍາດ ໂຄວິດ-19, ຈຶ່ງບໍ່ໄດ້ຈັດງານເທດສະການດອກງິ້ວບານເປັນເວລາ 3 ປີ. ປະຈຸບັນແມ່ນເລີ່ມຫ້າງຫາກະກຽມງານເທດສະການດອກງິ້ວບານ ຄັ້ງທີ 20 ໃນປີ 2023 ແລ້ວ, ເພື່ອໃຫ້ງານອອກມາດີກ່ວາເກົ່າ, ຄົບຖ້ວນກວ່າເກົ່າ, ເຊື່ອວ່າງານເທດສະການດອກງິ້ວບານງານຄັ້ງນີ້ຈະຄຶກຄື້ນມ່ວນຊື່ນ ແລະ ຍິ່ງໃຫຍ່ກວ່າທີ່ຜ່ານມາ.

SA Game
ໜັງສືພິມບໍ່ແກ້ວ Bokeo Newspaper

ກິດຈະກໍາຕົ້ນຕໍຂອງງານເທດສະການດອກງິ້ວບານ ປະກອບມີ: ງານວາງສະແດງສິນຄ້າ, ງານວາງສະແດງຜົນ ສຳເລັດ, ພິທີເປີດ – ປິດງານເທດສະການດອກງິ້ວບານງານ, ງານປະກວດນາງສາວດອກງິ້ວບານ, ການເດີນໂຊຊຸດວັດທະນະທຳຍິງ – ຊາຍ 13 ຊົນເຜົ່າຂອງແຂວງບໍ່ແກ້ວ, ການສະແດງສິລະປະວັດທະນະທໍາ 4 ປະເທດ: ລາວ ຈີນ ໄທ ມຽນມາ, ທ່ຽວຊົມຕະຫຼາດຈີນ, ກິດຈະກຳຂໍພອນຢູ່ວັດຊົງຊ່ານ, ກິລາຕີມວຍ 3 ປະເທດ: ລາວ ໄທ ຈີນ, ກິດຈະກຳປ່ອຍໂຄມໄຟ, ງານສຳມະນາສົ່ງເສີມການທ່ອງທ່ຽວ – ການລົງທຶນລະຫວ່າງວິສາຫະກິດພາຍໃນ ແລະ ຕ່າງປະເທດ, ກິດຈະກຳເຊັກອິນສະຖານທີ່ທ່ອງທ່ຽວ ແລະ ອື່ນໆ.

ການຈັດງານເທດສະການດອກງິ້ວບານຄັ້ງທີ 20 ໃນປີ 2023 ນີ້, ຈະສາມາດໃຫ້ຜູ້ຄົນທົ່ວມູມໂລກເຫັນໄດ້ເຖີງຄວາມສະຫງົບສຸກ, ເພີ່ມຊື່ສຽງ, ເພີ່ມຄວາມເຊື່ອໝັ້ນໃຫ້ນັກລົງທຶນ ທີ່ຈະມາລົງທຶນໃນເຂດເສດຖະກິດພິເສດສາມຫຼ່ຽມຄຳ ແລະ ແຂວງບໍ່ແກ້ວ.

SA Game
ໜັງສືພິມບໍ່ແກ້ວ Bokeo Newspaper

ໃຫ້ປະຊາຊົນທຸກຊົນຊາດທັງຢູ່ພາຍໃນ ແລະ ຕ່າງປະເທດ ໄດ້ມີໂອກາດ ພົວພັນແລກປ່ຽນບົດຮຽນດ້ານວັດທະນະທຳ, ສິລະປະ, ກິລາ, ການຄ້າ ແລະ ອື່ນໆ. ປົກປັກຮັກສາ, ເຜີຍແຜ່, ສົ່ງເສີມ ແລະ ພັດທະນາວັດທະນະທໍາ, ສິລະປະ, ວິຖີຊີວິດ, ຮີດຄອງປະເພນີ, ຄວາມເຊື່ອຖືຂອງປະຊາຊົນບັນດາເຜົ່າ, ເພື່ອໃຫ້ມີຄວາມທັນສະໄໝ. ສາມາດເວົ້າໄດ້ວ່າ ງານເທດສະການດອກງິ້ວບານແມ່ນມີຄວາມໝາຍຄວາມສຳຄັນອັນໃຫຍ່ຫຼວງຕໍ່ການພັດທະນາແຂວງບໍ່ແກ້ວ ກໍ່ຄືປະເທດລາວເຮົາ.

SA Game
ໜັງສືພິມບໍ່ແກ້ວ Bokeo Newspaper

ງານເທດສະການດອກງິ້ວບານ ຄັ້ງທີ 20 ປີ 2023 ໃກ້ຈະມາຮອດແລ້ວ, ຫວັງວ່າພວກເຮົາຈະໄດ້ພົບກັນໃນງານເທດສະການດອກງິ້ວບານຢ່າງແນ່ນອນ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: ໜັງສືພິມບໍ່ແກ້ວ Bokeo Newspaper

.