ອາດ​ບໍ່​ໄດ້​ຮຽນ! ໂຮງ​ຮຽນ​ເກືອບ100ແຫ່ງ​ຍັງ​ເປັນ​ສູນ​ກັກ​ກັນ​ໂຄວິດ-19

SA Game

laoedaily.com

ແຂວງສະຫວັນນະ​ເຂດ​ນຳ​ໃຊ້​ໂຮງ​ຮຽນ​ເປັນ​ສູນກັກກັນເກືອບ 100 ແຫ່ງ ອາດ​ເປີດ​ສົກ​ຮຽນ​ບໍ່​ທັນ.

ຕາມ​ປົກ​ກະ​ຕິ​ແລ້ວ​ສົກ​ຮຽນ​ໃໝ່​ທີ່​ຈະ​ມາ​ເຖິງ​ນີ້​ແມ່ນ​ຈະ​ໄດ້​ຮອດ​ກຳ​ນົດ​ເປີດ​ໃນ​ອີກ​ອາ​ທິດ​ສອງ​ອາ​ທິດ​ນີ້​ແລ້ວ, ແຕ່​ສະ​ພາບ​ຂອງ​ການ​ແພ​ລະ​ບາດ​ໂຄວິດ-19 ແລະ ແຮງ​ງານ​ທີ່​ມາ​ຈາກ​ຕ່າງ​ປະ​ເທດ​ຍັງ​ຄົງ​ມີ​ຈ່ຳ​ນວນ​ຫລວງ​ຫລາຍ ແລະ ສ່ວນ​ໃຫຍ່ກໍ​ຍັງ​ຄົງ​ໃຊ້​ໂຮງ​ຮຽນເປັນ​ບ່ອນ​ກັກ​ຕົວ​ເພື່ອ​ເຟົ້າ​ລະ​ວັງ ແລະ ກວດ​ຫາ​ເຊື້ອ ແລະ ປະ​ຈຸ​ບັນ​ນີ້​ໂຮງ​ຮຽນ​ຢູ່​ແຂວງ​ສະ​ຫວັນ​ນະ​ເຂດ​ເກືອບ100ແຫ່ງ​ຍັງ​ຄົງ​ເຕັມ​ໄປ​ດ້ວຍ​ຜູ້​ຄົນ​ທີ່​ມາ​ກັກ​ຕົວ​ຢູ່​ນີ້.

ລວມ​ທັງການແຜ່ລະບາດຂອງໂຄວິດ-19 ແມ່ນສົ່ງຜົນໃຫ້ຫຼາຍວຽກງານຕ້ອງໄດ້ປັບປ່ຽນ ໂດຍສະເພາະໃນຂົງເຂດການສຶກສາ ຕາມທີ່ກະຊວງສຶກສາທິການ ແລະ ກິລາ ໄດ້ກຳນົດວັນເວລາຂອງການເປີດສົກຮຽນໃໝ່ ໃນ 6 ກັນຍາ 2021 ທີ່ຈະມາເຖິງນີ້ ແຕ່ວ່າ ຫລາຍໂຮງຮຽນສາມັນສຶກສາຢູ່ແຂວງສະຫວັນນະເຂດ ຈະບໍ່ສາມາດເປີດຮຽນໃນວັນເວລາທີ່ກຳນົດ ເນື່ອງຈາກ ທີ່ແຂວງດັ່ງກ່າວ ແມ່ນພົບກັບໂຄວິດ-19 ແຜ່ລະບາດຢ່າງໜັກ.

SA Game
laoedaily.com

ດັ່ງນັ້ນ ບັນດາໂຮງຮຽນສາມັນສຶກສາຢູ່ຫລາຍເມືອງພາຍໃນແຂວງສະຫວັນນະເຂດ ຈະບໍ່ສາມາດໄຂສົກຮຽນໃໝ່ ສົກ2021 -2022 ຕາມແຈ້ງການຂອງກະຊວງສຶກສາທິການວາງອອກໃນວັນທີ 6 ກັນຍາ 2021 ເນື່ອງຈາກສະຖານການສຶກສາຫລາຍແຫ່ງຖືກນໍາໃຊ້ເປັນບ່ອນສູນຈໍາກັດບໍລິເວນຂອງແຮງງານລາວທີ່ເດີນທາງມາຈາກປະເທດໃກ້ຄຽງ ລວມເຖິງການຕິດເຊື້ອໃນຊຸມຊົນພາຍໃນແຂວງຍັງມີທ່າອ່ຽງເພີ່ມຂື້ນໃນແຕ່ລະວັນ.

ທັງນີ້ ທ່ານ ສີອຸດອນ ທອງສຸວັນ, ຫົວໜ້າພະແນກສຶກສາທິການ ແລະກິລາແຂວງ ສະຫວັນນະເຂດໃຫ້ສຳພາດວ່າ: ການລະບາດຂອງພະຍາດໂຄວິດ19 ສົ່ງຜົນກະທົບຫລາຍສົມຄວນຕໍ່ຂະແໜງການສຶກສາ ໂດຍສະເພາະການກະກຽມໄຂສົກຮຽນໃໝ່ສົກ 2021-2022 ໃນປີນີ້ພົບຄວາມຫຍຸ້ງຍາກເຮັດໃຫ້ບາງເມືອງບໍ່ສາມາດດໍາເນີນການຮຽນການສອນໄດ້ຕາມແຈ້ງການຂອງກະຊວງສຶກສາທິການ ແລະ ກິລາ ໂດຍສະເພາະນະຄອນໄກສອນພົມວິຫານ ກໍ່ຄື ຫລາຍເມືອງ ເນື່ອງຈາກຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະບາດໂຄວິດ-19

SA Game
laoedaily.com

ໄດ້ນໍາໃຊ້ໂຮງ ຮຽນເປັນສູນຈໍາກັດບໍລິເວນຂອງແຮງງານລາວທີ່ເດີນທາງກັບມາຈາກປະເທດໃກ້ ຄຽງ ທີ່ມີທ່າອ່ຽງເພີ່ມຂຶ້ນຢ່າງຕໍ່ເນື່ອງ, ສ່ວນເມືອງອື່ນທີ່ມີຄວາມພ້ອມອາດເປີດການຮຽນການສອນໄດ້ ແຕ່ຕ້ອງປະຕິບັດຕາມຄຳແນະນໍາຂອງຄະນະສະເພາະກິດ ຫລື ມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ.
ປະຈຸບັນ ທົ່ວແຂວງສະຫວັນນະເຂດ ນໍາໃຊ້ສະຖານການສຶກສາເປັນບ່ອນຈໍາກັດບໍລິເວນ ເພື່ອຮອງຮັບແຮງງານລາວທີ່ເດີນທາງມາຈາກຕ່າງປະເທດເກືອບ 100 ແຫ່ງ ເຫລືອພຽງເມືອງນອງທີ່ບໍ່ໄດ້ນໍາໃຊ້ໂຮງຮຽນເປັນສູນກັກກັນ

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: laoedaily.com