ຫລວງ​ພະ​ບາງ​ກຳ​ນົດ​ຮູບ​ແບບ​ຂອງການ​ຮຽນໃນ​ສົກ​ຮຽນ 2021-2022

SA Game

laoedaily.com.

ກຳນົດ 5 ຮູບແບບການຮຽນ ຂອງ​ແຂວງ​ຫລວງ​ພະ​ບາງ ແລະ ອີງ​ຕາມ​ສະ​ພາບ​ຕົວ​ຈິງ​ອີກ.

ການລະບາດໂຄວິດ19 ສົ່ງ​ຜົນ​ໃຫ້​ທຸກ​ຂະ​ແໜງ​ການ​ໄດ້​ຮັບ​ຜົນ​ກະ​ທົບ, ເປັນ​ຕົ້ນ​ແມ່ນ​ຂະ​ແໜງ​ການ​ທ່ອງ​ທ່ຽວ​ທີ່​ໄດ້​ຮັບ​ຜົນ​ກະ​ທົບ​ແຮງ ແລະ ອີກ​ສະ​ຖາ​ບັນ​ໜຶ່ງ​ທີ່​ໄດ້​ຮັບ​ຜົນ​ກະ​ທົບ​ບໍ່​ແພ້​ກັນ​ກໍ​ຄື​ສະ​ຖາ​ບັນ​ການ​ສືກ​ສາ, ບັນ​ດາ​ໂຮງ​ຮຽນ​ຂັ້ນ​ຕ່າງໆ​ໃນ​ທົວ​ປະ​ເທດ ເຊິງ​ຫລາຍ​ໂຮງ​ຮຽນ​ໄດ້​ປັບ​ປຸງ​ເຮັດ​ສະ​ຖານ​ທີ​ກັກ​ຕົວ​ ແລະ ກວດ​ສອບ​ຂອງ​ໂຄວິດ-19, ສະ​ນັ້ນ, ເຮັດໃຫ້​ຫລາຍ​ໂຮງ​ຮຽນ​ຕ້ອງ​ຍັງ​ຄົງ​ມີ​ຜູ້​ຄົນ​ທີ່​ມາ​ກັກ​ຕົວ​ຍັງ​ສືບ​ຕໍ່​ຢູ່.

ແລະ ໃຫ້ວຽກງານການສຶກສາພົບກັບຂໍ້ຫຍຸ້ງຍາກຫຼາຍຢ່າງ ເຊິ່ງຕ້ອງໄດ້ມີການດັດປ່ຽນຮູບແບບການຮຽນ-ສອນ ໃຫ້ເຂົ້າກັບສະຖານະການທີ່ເປັນຢູ່ໃນຕອນນີ້, ພະແນກສຶກສາທິການ ແລະ ກິລາແຂວງຫຼວງພະບາງມີແຜນພັດທະນາລະບົບການຈັດການຮຽນ-ການສອນສໍາລັບສາຍສາມັນສຶກສາ ແນໃສ່ການຈັດການຮຽນ-ການສອນພາຍໃນແຂວງຫຼວງພະບາງໃຫ້ໄດ້ດໍາເນີນຢ່າງເປັນປົກກະຕິ ສົກຮຽນ 2021-2022ນີ້.

SA Game
laoedaily.com.

ຕາມການໃຫ້ສໍາພາດຂອງທ່ານ ວົງເພັດ ອຸດົມລິດ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ໄດ້ກ່າວວ່າ: ສຳລັບການເປີດສົກຮຽນ 2021-2022 ພາຍຫຼັງທີ່ກະຊວງສຶກສາທິການ ແລະ ກິລາໄດ້ຈັດພິທີເປີດສົກຮຽນໃໝ່ຢ່າງເປັນທາງການໃນວັນທີ 6 ກັນຍາ 2021 ເອກະພາບທົ່ວປະເທດ, ແຕ່ແຂວງຫຼວງພະບາງແມ່ນພວມຢູ່ໃນໄລຍະການສືບຕໍ່ປະຕິບັດມາດຕະການປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19, ດັ່ງນັ້ນ, ເພື່ອເຮັດໃຫ້ການດໍາເນີນການຮຽນ-ການສອນສາມາດເນີນເປັນປົກກະຕິ ແລະ ສອດຄ່ອງກັບສະພາບຕົວຈິງຂອງແຕ່ລະທ້ອງຖິ່ນ.

SA Game
laoedaily.com.

ໂດຍອີງໃສ່ທິດທາງຊີ້ນໍາ ແລະ ປະຕິບັດຕາມຂໍ້ຕົກລົງຂອງກະຊວງສຶກສາທິການ ແລະ ກິລາ ສະບັບເລກທີ 3868/ສສກ, ລົງວັນທີ 6 ກັນຍາ 2021 ວ່າດ້ວຍການອະນຸມັດນໍາໃຊ້ເອກະສານທິດທາງການຈັດການຮຽນ-ການສອນສໍາລັບສາຍສາມັນສຶກສາໃນສະພາບທີ່ມີການແຜ່ລະບາດຂອງພະຍາດໂຄວິດ-19.

ມາເຖິງ ປະຈຸບັນພະແນກສຶກສາທິການ ແລະ ກິລາແຂວງຫຼວງພະບາງ ກໍ່ໄດ້ມີການວາງແຜນການຈັດການຮຽນ-ການສອນໃນຮູບແບບໃໝ່ໂດຍໃຫ້ສອດຄ່ອງກັບຍຸກ New Normal ເຊິ່ງຮູບແບບຂອງການຈັດການຮຽນ-ການສອນໃນຮູບແບບໃໝ່ນັ້ນ ປະກອບມີ 5 ຮູບແບບຄື: ການຮຽນໃນຫ້ອງຮຽນ (On Site), ການຮຽນຢູ່ເຮືອນ (Home School), ການຮຽນຜ່ານໂທລະພາບ/ວິທະຍຸ( On Air) ການຮຽນຜ່ານອິນເຕີເນັດ (Online)ຮຽນແບບອອນລາຍ-ການຮຽນຜ່ານແອັບພລິເຄຊັນ, ການຮຽນ-ການສອນແບບປະສົມປະສານ(Blended Learning) .

SA Game
laoedaily.com.

ໂອກາດດຽວກັນນີ້, ທ່ານ ວົງເພັດ ອຸດົມລິດ ຍັງໄດ້ຮຽກຮ້ອງໃຫ້ຜູ້ບໍລິຫານການສຶກສາທຸກຂັ້ນຈົ່ງໄດ້ພ້ອມກັນເປັນເຈົ້າການ ແລະ ເອົາໃຈໃສ່ໃນການຊີ້ນຳນຳພາຄູອາຈານພາຍໃນໂຮງຮຽນຂອງຕົນດຳເນີນການຮຽນ-ການສອນໃຫ້ເປັນປົກກະຕິໂດຍຖືເອົາການຈັດຕັ້ງປະຕິບັດການຮຽນ-ການສອນໃນຮູບແບບ New Normal ຕາມເງຶ່ອນໄຂຂອງແຕ່ລະໂຮງຮຽນ ແລະ ສອດຄ່ອງກັບຄວາມເໝາະສົມຂອງແຕ່ລະທ້ອງຖິ່ນ, ສ່ວນພໍ່ແມ່ຜູ້ປົກຄອງຂໍໃຫ້ຕິດຕາມຊ່ວຍເຫຼືອ ແລະ ຍຸກຍູ້, ສະໜອງອຸປະກອນທີ່ຈໍາເປັນໃຫ້ແກ່ລູກຫຼານເພື່ອໃຫ້ເຂົາເຈົ້າໄດ້ເຂົ້າເຖິງການຄົ້ນຄວ້າຮໍ່າຮຽນໃຫ້ເປັນປົກກະຕິ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ພະແນກສຶກສາທິການ ແລະ ກິລາ ແຂວງ ຫຼວງພະບາງ