ສ​ປ​ປ ລາວ ເນັ້ນ​ການ​ປັບ​ປຸງ​ຄຸນ​ນະ​ພາບ​ການ​ສືກ​ສາ​ຂັ້ນ​ພື້ນ​ຖານ.

SA Game

ພາບ: pasaxon.org.la

ລັດຖະບານ ອົສ​ຕຣາ​ລີຊ່ວຍ​ເຫຼືອແຜນງານປັບປຸງ ຄຸນນະພາບການສຶກສາຂັ້ນພື້ນຖານ.

ສ​ປ​ປ ລາວ ຄຸນ​ນະ​ພາບດ້ານ​ການ​ສືກ​ສາ​ຂັ້ນ​ພື້ນ​ຖານຖື​ວ່າ​ຍັງ​ຕ້ອງ​ໄດ້​ເອົາ​ໃຈ​ໃສ່​ອີກ​ຫລາຍ​ຫາກ​ຈະ​ສົມ​ທຽບ​ກັບ​ບັນ​ດາ​ຫລາຍໆ​ປະ​ເທດ ແລະ ເພື່ອ​ພັດ​ນາ​ການ​ສືກ​ສາ ແລະ ຄວາມ​ຮູ້​ຄວາມ​ສາ​ມາດ​ໃນ ສ​ປ​ປ ລາວ, ລັດຖະບານ ອົສ​ຕຣາ​ລີໄດ້​ໃຫ້​ທືນ​ໃນ​ການ​ຊ່ວຍ​ເຫຼືອໃນ​ໂຄງ​ການພັດ​ທະ​ນາ​ການ​ສືກ​ສາ​ຂັ້ນ​ພື້ນ​ຖານ​ນີ້.

ກອງ​ປະຊຸມຄະນະ​ຊີ້​ນຳ ແລະ ຄຸ້ມ​ຄອງ​ແຜນ​ງານ​ປັບປຸງ​ຄຸນ​ນະ​ພາບຂະຫຍາຍ​ໂອກາດ​ເຂົ້າ​ຮຽນ​ ສຳລັບ​ການ​ສຶກສາຂັ້ນ ​ພື້ນຖານ ຢູ່ ສປປ ລາວ ໄດ້ຈັດ​ ຂຶ້ນ​ເມື່ອ​ບໍ່​ດົນ​ມານີ້ ທີ່​ນະ ຄອນ ຫຼວງ​ວຽງຈັນ ພາຍໃຕ້ການເປັນ ​ປະທານ​ຮ່ວມ​ຂອງ​ທ່ານ ນາງ ຂັນ​ທະລີ ສີຣິ​ພົງພັນ ຮອງລັດຖະ ມົນຕີກະຊວງສຶກສາ​ທິ​ການ ແລະ ກິລາ, ທ່ານ ຈີນ​ ເບີ​ນາດ ຄາ​ຣາສ​ໂຄ ເອກ​ອັກ​ຄະ​ ລັດ​ຖະ​ທູດ ແຫ່ງ ອົສ​ຕຣາລີປະຈຳລາວ ຊຶ່ງມີພະແນ​ກສຶກສາ​ທິ​ການ ແລະ ກິລາ 18 ແຂວງ, ວິທະຍາ ໄລ 8 ແຫ່ງ ແລະ ຄູ່​ຮ່ວມງານ​ທ່ີ​ໃຫ້ທຶນສະໜັບສະໜູນເຂົ້າ​ຮ່ວມ.

SA Game
ພາບ: pasaxon.org.la

ກອງ​ປະຊຸມໄດ້​ສະຫຼຸບ ລາຍ​ງານ​ກ່ຽວ​ກັບ​ຜົນ​ໄດ້​ຮັບ ແລະ ຜົນສຳເລັດ​ຕ່າງໆ ໃນການ ຈັດຕັ້ງ​ປະຕິບັດ​ໄລຍະ 5 ປີຜ່ານ ມາ ທີ່​ແຜນ​ງານ​ສາມາດ​ຈັດ​ຕັ້ງ​ປະຕິບັດ​ໄດ້​ ໃນ​ສະພາບລະ ບາດ​ຂອງ​ພະຍາດ​ໂຄວິດ-19 (COVID-19) ຊຶ່ງ​ມີຫຼາຍກິດຈະ ກຳ​ທີ່​ສາມາດຈັດຕັ້ງປະຕິບັດ​ສຳເລັດ​ດັ່ງນີ້:

ສຳເລັດ​ການ​ພັດທະນາ​ຫຼັກສູດຊັ້ນປະຖົມ​ສຶກສາ​ແຫ່ງ​ຊາດ ຂັ້​ນ ປ1 ແລະ ປ2 ສະບັບປັບປຸງໃໝ່, ການ​ພັດ ທະນາ ແລະ ທົດລອງ​ຫຼັກສູດ​ສ້າງ​ຄູ ສຳລັບ​ຊັ້ນປະຖົມສຶກສາ ລວມ​ທັງ​ຄູ່​ມືການສຶກສາ​ຮຽນ​ຮ່ວມ ແລະ ນັກຮຽນ​ຄູ​ຊົນເຜົ່າ​ຈຳນວນ 359 ຄົນ ໄດ້​ຈົບ​ການ ​ສຶກສາ

ແລະ ຈຳນວນໜຶ່ງ​ກໍໄດ້ ຮັບໂກ​ຕ້າເປັນລັດຖະກອນຄູ ສອນໃນ​ຊຸມຊົນ​ຂອງ​ພວກ​ເຂົາ​ເອງ, ໄດ້ສຳເລັດ​ການ​ປັບປຸງພື້ນ ຖານ​ໂຄງ​ລ່າງ​ຂອງໂຮງຮຽນຈຳ ນວນ 582 ແຫ່ງ, ປັບປຸງ​ໂຮງ ຮຽນ​ທີ່​ດ້ອຍ​ໂອກາດ 45 ແຫ່ງ ໃນ 9 ແຂວງ,

ຈັດຕັ້ງປະຕິບັດໂຄງ ການພັດທະນາຄວາມຮູ້​ໜັງສື, ຈັດ​ຕັ້ງ​ປະຕິບັດ​ໂຄງການ​ນໍ້າ​ສະອາດ ແລະ ຄວາມ​ພິການ​ຈຳ ນວນ 171 ບ້ານ ໂດຍ​ຜ່ານອົງ ການຄອນ​ຊອກ​ຊຽມ ແລະ ໂຄງ ການທົດ​ລອງ​ນຳ​ໃຊ້​ທຶນໝູນ​ ວຽນ​ວຽກສຶກສາ​ຈຳນວນ 15 ໂຄງ​ການ.

ໂຄງການນີ້ເລີ່ມຈັດ ​ຕັ້ງ​ປະຕິ​ບັດ​ແຕ່​ປີ 2015 ເປັນ ຕົ້ນ​ມາ ໂດຍແມ່ນ​ລັດຖະບານ ອົສ​ຕຣາ​ລີໃຫ້​ທຶນ​ສະໜັບສະ ໜູນ​ກະຊວງ​ສຶກສາ​ທິ​ການ ແລະ ກິລາ ໂດຍ​ຜ່ານແຜນງານ​ປັບປຸງ​ຄຸນ​ນະ​ພາບ ແລະ ຂະຫຍາຍ​ໂອກາດ​ການ​ເຂົ້າຮຽນ ​ສຳລັບ​ການ​ສຶກສາ​ຂັ້ນ​ພື້ນຖານ​ໃນ ສປປ ລາວ, ບີ​ຄວາ (BEQUAL).

ງົບປະມານ​ທັງໝົດ ​ໃນການຈັດຕັ້ງປະຕິບັດແຜນ ​ງານ​ບີ​ຄວາ​ ໃນ​ໄລຍະ 5 ປີຜ່ານ ມາ​ແມ່ນ 66,5 ລ້ານໂດລາອົສ​ ຕຣາ​ລີ ໂດຍ​ການ​ສະໜັບສະ ໜູນ​ທຶນຈາກ​ລັດຖະບານ​ອົສ​ຕຣາ​ລີ ຈຳນວນ 46,6 ລ້ານໂດ ​ລາ​ອົສ​ຕຣາ​ລີ, 11,5 ລ້ານເອີໂຣ​ ຈາກສະຫະພາບ​ເອີຣົບ ແລະ 1,8 ລ້ານໂດລາ ​ຈາກ​ລັດຖະ ບານອາ​ເມ​​ຣິ​ກາ. ຜູ້​ໄດ້​ຮັບ​ຜົນ​ປະໂຫຍດ​ທັງ​ໝົດ 427.000 ຄົນ, ນັກຮຽນ 395.521 ຄົນ, ຄູ​ຝຶກ 29.022 ຄົນ ແລະ ຜູ້​ບໍລິ ຫານ 3.152 ຄົນ.

ນອກຈາກ​ນີ້ ກອງປະຊຸມ ​ໄດ້​ປຶກສາ​ຫາລື ເພື່ອ​ຈັດບຸ​ລິ​ມະ​ສິດ​ໃນ​ການຈັດຕັ້ງປະຕິບັດ ໂດຍ​ເນັ້ນ​ໃສ່​ການພັດທະນາຫຼັກ ສູດ​ຊັ້ນ​ປະຖົມ​ສຶກສາ, ການ​ພັດທະນາວິຊາ​ຊີບ​ຄູ, ການ ພັດທະນາ​ບົດບາດ​ຍິງ​-​ຊາຍ ແລະ ການສຶກສາຮຽນຮ່ວມ (inclusive education principles and practices) ໂດຍ​ອີງໃສ່​ແຜນການ​ພັດທະນາ​ວຽກ​ງານ​ການ​ສຶກສາ ແລະ ກິລາ, ຄັ້ງ​ທີ 9.

ລັດຖະບານ​ອົສ​ ຕຣາ​ລີ ສືບຕໍ່ໃຫ້ການສະໜັບສະ ໜູນ​ແກ່​ກະຊວງ​ສຶກສາທິ​ການ ແລະ ກິລາ ອີກ 22 ເດືອນ ເປັນ​ຈໍາ​ນວນ​ເງິນ 13,8 ລ້ານໂດລາ​ ອົສ​ຕຣາ​ລີ ໂດຍການເພີ່ມທຶນ ທັງໝົດເຂົ້າໃນແຜນ​ງົບປະມານ ​ການຈັດຕັ້ງ​ປະຕິບັດແຜນ​ງານ​ 80 ລ້ານກວ່າ​ໂດລາອົສຕຣາລີ.

ນອກຈາກ​ວຽກ​ງານ​ດັ່ງກ່າວ​ໄລຍະ​ພະຍາດ​ໂຄ​ວິດ-19 (COVID-19) ລະບາດລັດ​ຖະ ບານ​ອົສ​ຕຣາ​ລີໄດ້​ສະໜັບສະ ໜູນຊຸດ​ອຸປະກອນ​ຄອມພິວເຕີ​ ແລະ ອຸປະກອນເຄື່ອງສາຍວີ​ ດີ​ໂອຈຳນວນ​ໜຶ່ງ, ເພືື່ອ​ຮັບໃຊ້ ເຂົ້າໃນ​ກອງປະຊຸມ​ສຳມະ​ນາ​ທາງ​ອອນ​ລາຍຈຳນວນ 10 ຊຸດ ໃຫ້​ແກ່​ວິທະຍາໄລ​ສ້າງ​ຄູ 8 ແຫ່ງ, ກົມ​ສ້າງ​ຄູກະຊວງສຶກສາທິ​ ການ ແລະກິລາ ແລະ ສູນ​ພັດທະນາ​ວິຊາ​ຊີບ​ຄູ.

(ຂ່າວ: ສສກ)

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: pasaxon.org.la