ສິ່ງທີ່ຕ້ອງກະກຽມສຳລັບຜູ້ທີ່ຈະໄປເຮັດວຽກຢູ່ ສ ເກົາຫຼີ 3-5 ປີ

SA Game

ຂປລ

ຕ້ອງໄດ້ພາສາຂັ້ນພື້ນຖານກ່ອນສຳລັບຜູ້ທີ່ຕ້ອງການໄປເຮັດວຽກຢູ່ ສ ເກົາຫລີ

ໃນຫວ່າງບໍ່ດົນມານີ້, ໄດ້ມີປະຊາຊົນຊາວຜູ້ອອກແຮງງານຈາກ ສປປ ລາວ ຈ່ຳນວນໜຶ່ງທີ່ໄດ້ໄປເຮັດວຽກຢູ່ ສ ເກົາຫລີ ດັ່ງທີ່ໄດ້ເຫັນຂ່າວກັນ, ອີງຕາມຂໍ້ມູນຈາກກະຊວງແຮງງານ ແລະ ສະຫວັດດີການສັງຄົມ(ຮສສ) ໃຫ້ຮູ້ວ່າ:

ລັດ ຖະບານ ສປປ ລາວ ກໍຄື ກະຊວງ ຮສສ ໄດ້ເຊັນບົດບັນທຶກຄວາມເຂົ້າໃຈກັບ 3 ປະເທດ ໃນການຈັດສົ່ງແຮງງານໄປເຮັດວຽກ ຄື: ປະເທດໄທ, ປະເທດຍີ່ປຸ່ນ ແລະ ສ ເກົາຫລີ.

ສຳລັບ ສ ເກົາຫລີ, ລັດ ຖະບານ ສ ເກົາຫລີ ມີຄວາມເຂັ້ມງວດໃນການຮັບເອົາແຮງງານຕ່າງປະເທດເຂົ້າໄປເຮັດວຽກ ໂດຍລັດຄວບຄຸມໂດຍກົງ ໂດຍສະເພາະ ຜູ້ທີ່ຕ້ອງການໄປເຮັດວຽກຢູ່ ສ ເກົາຫລີ ຕາມລະບົບທີ່ມີໃບອະນຸຍາດໃນການຈ້າງງານ(EPS) ໄລຍະ 3-5 ປີ ຕ້ອງໄດ້ໄປຮຽນພາສາເກົາຫລີຂັ້ນພື້ນຖານກ່ອນ ຈຶ່ງໄປລົງທະບຽນສະໝັກໄປເຮັດວຽກ.

ສຳລັບການຈັດຫາງານໄປ ສ ເກົາຫລີ ມີ 2 ລະບົບ ຄື:

SA Game
ຂປລ

ລະບົບ EPS ແລະ ລະບົບແຮງງານລະດູການ(SW) ເຊິ່ງລະບົບການຈັດຫາງານແບບ EPS ແມ່ນການກະກຽມແຮງງານ ໄປເຮັດວຽກຂະແໜງອຸດສາຫະກຳ ໄລຍະເວລາການເຮັດວຽກ 3-5 ປີ ເຊິ່ງລະບົບນີ້ແມ່ນການຮ່ວມມືລະຫວ່າງລັດ ກັບ ລັດ, ເຊິ່ງພາກເອກະຊົນບໍ່ສາມາດຈັດສົ່ງໄດ້.

ສ່ວນລະບົບ Seasonal Worker (SW) ເປັນລະບົບໄລຍະສັ້ນ ເຮັດວຽກຕາມລະດູການ 3-6 ເດືອນ ສ່ວນໃຫຍ່ແລ້ວແມ່ນເຮັດວຽກດ້ານກະສິກຳ. ສຳລັບຢູ່ ສປປ ລາວ ທາງກະຊວງ ຮສສ ໄດ້ສ້າງສູນຝຶກອົບ ຮົມພາສາເກົາຫລີຂັ້ນພື້ນຖານຕາມຫລັກສູດ EPS Topik ພາຍຫລັງຮຽນພາສາແລ້ວ ຈະມີການສອບເສັງພາສາ (ສອບເສັງໂດຍໃຊ້ລະບົບຄອມພິວເຕີ ທີ່ນຳໃຊ້ການສອບເສັງແບບມີໂປຣແກຣມສະເພາະ).

ຫລັງຈາກນັ້ນ ຈະມີການທົດສອບທັກສະ-ສີມື (ທົດສອບເຖິງຄວາມຄ່ອງແຄ້ວຂອງການເຮັດວຽກ) ເມື່ອສອບ ເສັງຜ່ານທັງພາສາ ແລະ ທົດສອບທັກສະແລ້ວແມ່ນລໍຖ້ານາຍຈ້າງມາຄັດເລືອກ ເພື່ອກຽມແຮງງານໄປເຮັດວຽກຢູ່ ສ ເກົາຫລີ ຕາມລະບົບ EPS. ສູນດັ່ງກ່າວຕັ້ງຢູ່ສະຖາບັນສີມືແຮງງານ ລາວ-ເກົາຫລີ ຕັ້ງຢູ່ບ້ານຄຳຮຸ່ງ, ເມືອງໄຊທານີ, ນະຄອນຫລວງວຽງຈັນ.

ສຳລັບຄ່າໃຊ້ຈ່າຍໃນການໄປເຮັດວຽກຜ່ານລະບົບ EPS ທີ່ຜູ້ອອກແຮງງານຈະໄດ້ຮັບຜິດຊອບເອງ ດ້ານຄ່າໃຊ້ຈ່າຍດັ່ງນີ້: ຄ່າຮຽນພາສາເກົາຫລີ, ຄ່າລົງທະບຽນສອບເສັງ, ຄ່າວີຊ່າແຮງງານ, ຄ່າກວດພະຍາດ, ຄ່າປະກັນໄພ ແລະ ຄ່າປີ້ຍົນ ລວມທັງຫມົດປະມານ 1.100 ໂດລາສະຫະລັດ ເຊິ່ງແຮງງານຈະມີລາຍໄດ້ປະມານ 1.500 ໂດລາສະຫະລັດ/ເດືອນ (ບໍ່ລວມເງິນໂອທີ). ແນວໃດກໍຕາມ ການສະໝັກລະບົບນີ້ແຮງງານຕ້ອງໃຊ້ເວລາພໍສົມຄວນ ໃນການຝຶກອົບຮົມ ແລະ ລໍຖ້ານາຍຈ້າງມາຄັດເລືອກເອົາ ແຕ່ບາງຄົນກໍຖືກຄັດເລືອກໄວ ແລະ ໄດ້ເດີນທາງໄປໄວ ແຕ່ບາງຄົນກໍ່ໄດ້ລໍຖ້າດົນ.

SA Game
ຂປລ

ສຳລັບການໄປເຮັດວຽກຢູ່ ສ ເກົາຫລີ ທັງສອງລະບົບນັ້ນ ແມ່ນຢູ່ພາຍໃຕ້ການອະນຸຍາດຂອງພາກສ່ວນກະຊວງ ຮສສ ເທົ່ານັ້ນ. ຖ້າຫາກມີຂະແໜງການອື່ນຢູ່ຂັ້ນສູນກາງ ແລະ ທ້ອງຖິ່ນມີການດຳ ເນີນການຈັດສົ່ງແຮງງານໄປເຮັດວຽກຢູ່ ສ ເກົາຫລີ ໂດຍບໍ່ໄດ້ຮັບອະນຸຍາດຈາກກະຊວງ ຮສສ ແມ່ນຜິດຕໍ່ລະບຽບກົດໝາຍ ແລະ ລະບຽບການທີ່ກ່ຽວຂ້ອງ. ສະນັ້ນ, ຂໍໃຫ້ຜູ້ອອກແຮງງານ ແລະ ພົນລະເມືອງລາວ ຈົ່ງຮັບຮູ້ຂໍ້ມູນດັ່ງກ່າວ ແລະ ບອກຕໍ່ກັນໄປຢ່າງກວ້າງຂວາງ ເພື່ອເຮັດໃຫ້ການໄປເຮັດວຽກຢູ່ ສ ເກົາຫລີ ຖືກຕ້ອງຕາມກົດໝາຍ ແລະ ລະບຽບການ, ພ້ອມທັງຫລີກລ່ຽງບັນຫາການຕົວະຍົວະ ແລະ ຫລອກລວງຂອງກຸ່ມຄົນທີ່ບໍ່ດີຊອກຫາຜົນປະໂຫຍດຈາກແຮງງານດັ່ງກ່າວ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບ​ໃຈແຫຼ່ງຂໍ້ມູນຈາກ: ຂປລ.