ສະຫລຸບ 6 ເດືອນຕົ້ນປີ ແລະ ວາງແຜນ 6 ເດືອນທ້າຍປີກົມງົບປະມານ

SA Game

ກະຊວງການເງິນ

ກອງປະຊຸມ ງົບປະມານແຫ່ງລັດບົດສະຫລຸບ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ

ຫວ່າງບໍ່ດົນມານີ້, ໜ່ວຍພັກກົມງົບປະມານແຫ່ງລັດ ຈັດກອງປະຊຸມດຳເນີນຊີວິດການເມືອງຂອງໜ່ວຍພັກ ແລະ ສະຫລຸບວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ໂດຍການເປັນປະທານຂອງ ສະຫາຍ ພູທະນູເພັດ ໄຊສົມບັດ ຄະນະປະຈຳພັກກະຊວງ, ປະທານກວດກາພັກ, ຮອງລັດຖະ ມົນຕີກະຊວງການເງິນ, ມີ ສະຫາຍ ພູວົງ ກິດຕະວົງ ກຳມະການພັກກະຊວງ, ເລຂາໜ່ວຍພັກ, ຫົວໜ້າກົມງົບປະມານແຫ່ງລັດ ກະຊວງການເງິນ, ມີຄະນະໜ່ວຍພັກ, ສະມາຊິກພັກສົມບູນ-ສຳຮອງຂອງກົມງົບປະມານ ເຂົ້າຮ່ວມ.

ໃນກອງປະຊຸມ ສະຫາຍ ພູວົງ ກິດຕະວົງ ໄດ້ຜ່ານບົດສະຫລຸບຂອງໜ່ວຍພັກ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022

ເຊິ່ງໄລຍະ ຜ່ານມາ, ຄະນະໜ່ວຍພັກໄດ້ເອົາໃຈໃສ່ປຸກລະດົມ ສະມາຊິກພັກ, ພະນັກງານ-ລັດຖະ ກອນ, ຈັດຕັ້ງປະຕິບັດແນວທາງນະໂຍບາຍຂອງພັກ-ລັດ, ແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ

SA Game
ກະຊວງການເງິນ

ຜັນຂະຫຍາຍມະຕິກອງປະຊຸມໃຫຍ່ຂອງອົງ ຄະນະພັກກະຊວງການເງິນຄັ້ງທີ III ແລະ ມະຕິກອງປະຊຸມໃຫຍ່ ໜ່ວຍພັກກົມງົບ ປະມານແຫ່ງລັດ ຄັ້ງທີ IV ໄດ້ກຳນົດທັດສະນະພື້ນຖານ ກໍຄືທິດທາງລວມ, ວຽກງານຈຸດສຸມໃນການເຄື່ອນໄຫວນຳພາ-ຊີ້ນຳ ຂອງໜ່ວຍພັກໃນຕໍ່ໜ້າ ເພື່ອເຮັດໃຫ້ເນື້ອໃນຈິດໃຈຂອງມະຕິກອງປະຊຸມ ໄດ້ຈັດຕັ້ງປະຕິບັດຕົວຈິງໜ່ວຍພັກ, ໄດ້ກຳນົດແຜນການດຳເນີນງານ ຕາມຄວາມຮັບຜິດຊອບ, ຕາມພາລະບົດບາດ, ສິດ ແລະ ໜ້າທີ່.

ສຳລັບທິດທາງແຜນການເຄື່ອນໄຫວ 6 ເດືອນທ້າຍປີ 2022, ວຽກງານກໍ່ສ້າງພັກການຈັດຕັ້ງປະຕິບັດຕາມພາລະບົດບາດ, ດ້ານການເມືອງ-ແນວຄິດ, ຈະສືບຕໍ່ເພີ່ມທະວີສຶກສາອົບຮົມການເມືອງ-ແນວຄິດ, ເອົາໃຈໃສ່ການຈັດຕັ້ງປະຕິບັດວຽກງານກວດ ກາໜ່ວຍພັກ ໃຫ້ມີປະສິດທິຜົນ, ສືບຕໍ່ນຳພາສາມອົງການຈັດຕັ້ງມະຫາຊົນ, ສືບບຕໍ່ຕິດຕາມການຈັດຕັ້ງປະຕິບັດວຽກງານຈຸດສຸມ; ຄົ້ນຄວ້າປັບປຸງຄຳແນະນຳ ວ່າດ້ວຍການ ຈັດຕັ້ງປະຕິບັດກົດໝາຍງົບປະມານແຫ່ງລັດ, ຄົ້ນຄວ້າປັບປຸງຮ່າງລຳລັດວ່າດ້ວຍການສ້າງແຜນງົບປະມານແຫ່ງລັດ, ສືບຕໍ່ສັງລວມແຜນງົບປະມານແຫ່ງລັດປີ 2023 ເພື່ອສະເໜີສະພາແຫ່ງຊາດ.

ພ້ອມດຽວກັນນີ້, ຄະນະພັກຈະສືບຕໍ່ສຸມໃສ່ນໍາພາ-ຊີ້ນຳບັນດາພະແນກການ, ຝຶກອົບຮົມເຜີຍແຜ່ແນະນຳວຽກວິຊາສະເພາະ ພາຍໃນປະຈຳອາທິດ ແລະ ປະຈຳເດືອນ ເພື່ອຍົກສູງຄວາມຮູ້ຄວາມສາມາດໃຫ້ສະມາຊິກພັກ-ພະນັກງານຢ່າງເປັນປົກກະຕິ ແລະ ໃນກອງປະຊຸມຍັງໄດ້ຜ່ານມະຕິຕົກລົງ ວ່າດ້ວຍການແບ່ງຄວາມຮັບຜິດຊອບຂອງຄະນະໜ່ວຍພັກ ກົມງົບປະມານແຫ່ງລັດຊຸດ ທີ IV ແລະ ຜ່ານຂໍ້ຕົກລົງຍົກຍ້າຍພະນັກງານຂອງກົມງົບປະມານແຫ່ງລັດ ຕື່ມອີກ.

SA Game
ກະຊວງການເງິນ

ໂອກາດນີ້, ສະຫາຍ ພູທະນູເພັດ ໄຊສົມບັດ ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາຕໍ່ກອງປະຊຸມ, ພ້ອມທັງເນັ້ນໃຫ້ຄະນະພັກ, ຄະນະນຳ ແລະ ສະມາຊິກພັກ-ພະນັກງານ ກົມງົບປະມານແຫ່ງລັດ ສືບຕໍ່ເອົາໃຈໃສ່ ຮັກສາຄວາມສາມັກຄີພາຍໃນ, ເອົາໃຈໃສ່ສ້າງໜ່ວຍພັກ ໃຫ້ເປັນໜ່ວຍພັກປອດໃສ່ເຂັ້ມແຂງ ແລະ ໜັກແໜ້ນເທື່ອລະກ້າວ, ປືກສາຫາລືແລກປ່ຽນບົດຮຽນເຊິ່ງກັນ ແລະ ກັັນໃນຕໍ່ໜ້ານຳ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: ກະຊວງການເງິນ