ລໍ​ຖ້າ​ມື້​ເປີດ! ລົດ​ໄຟ​ລ້ານ​ຊ້າງ​ພ້ອມ​ແລ້ວ​ທີ່​ຈະແລນ​ບໍ​ລິ​ການປະ​ຊາ​ຊົນ​ລາວ

SA Game

laoedaily.com

ໃກ້​ເຂົ້າສູ່ມື້​ຂອງ​ການ​ເປີດ​ຂະ​ບວນ​ການ​ລົດ​ໄຟ​ລາວ-ຈີນ​ມາ​ທຸກ​ຂະ​ນະ​ແລ້ວ ຂະ​ບວນ​ລ້ານ​ຊ້າງ​ພ້ອມ​ຮັບ​ໃຊ້​ສັງ​ຄົມ.

ລົດ​ໄຟ​ລາວ​-ຈີນ​ ຂະ​ບວນ​ລ້ານ​ຊ້າງ​ມີ​ຄວາມ​ພ້ອມ 100ເປີ​ເຊັນທີ່​ຈະ​ຮັບ​ໃຊ້​ສັງ​ຄົມ​ກໍ​ຄື​ປະ​ຊາ​ຊົນ​ລາວ ແລະ ຜູ້​ຄົນ​ໃນ​ທຸກ​ພາກ​ພື້ນ​ທີ​ຈະ​ເດີນ​ທາງ​ເຂົ້າ​ມາ​ລາວ​ໂດຍ​ຕາມ​ກຳ​ນົດ​ການ​ຢ່າງ​ເປັນ​ທາງ​ການ​ໃນ​ການ​ທີ່​ຈະ​ເປີດ​ແມ່ນ​ວັນ​ທີ່ 3 ເດືອນ ທັນ​ວາ ນີ້, ກໍ​ຖື​ວ່າຍັງເຫຼືອອີກພຽງ 10 ວັນເທົ່ານັ້ນ ກໍ່ຈະໄດ້ຂຶ້ນລົດໄຟກັນແລ້ວພີ່ນ້ອງຊາວລາວ ເຊິ່ງນີ້ເປັນສິ່ງໃໝ່ທີ່ເກີດຂຶ້ນຢູ່ປະເທດເຮົາ ແລະຈະຊ່ວຍໃຫ້ຊີວິດຂອງປະຊາຊົນລາວດີຂຶ້ນເມືອໜ້າຖ້າຫາກພວກເຮົາຮູ້ໝູນໃຊ້ທ່າແຮງ ແລະໂອກາດຈາກເສັ້ນທາງລົດໄຟຄວາມໄວສູງລາວ-ຈີນ ສາຍທາງຍຸດທະສາດສຳຄັນອອກສູ່ຕະຫຼາດໃຫຍ່ຢ່າງ ສປ ຈີນ.

ໃນໄລຍະແຕ່ວັນທີ 21 -23 ພະຈິກ 2021 ນີ້, ສື່ມວນຊົນຂອງລາວ ແລະຈີນ ນໍາໂດຍຄະນະກົມສື່ມວນຊົນກະຊວງຖະແຫຼງຂ່າວວັດທະນະທຳ ແລະທ່ອງທ່ຽວ ໄດ້ລົງຕິດຕາມຄວາມກຽມພ້ອມດ້ານຕ່າງໆຂອງສະຖານີລົດໄຟ ຂະບວນລົດໄຟລ້ານຊ້າງ ສູນບັນຊາ ແລະພະນັກງານບໍລິການຂະແໜງການຕ່າງໆ.

SA Game
laoedaily.com

ເຊິ່ງຕອນບ່າຍວັນທີ 21 ພະຈິກນີ້ ຄະນະສື່ມວນຊົນໄດ້ລອງຂີ່ລົດໄຟຂະບວນລ້ານຊ້າງ ຈາກສະຖານີນະຄອນຫຼວງວຽງຈັນ ຫາສະຖານີໂພນໂຮງແຂວງວຽງຈັນ, ໂດຍໃຊ້ຄວາມໄວແລ່ນຕາມມາດຕະຖານການອອກແບບຂອງການກໍ່ສ້າງສະເລ່ຍຢູ່ທີ່160ກິໂລແມັດຕໍ່ຊົ່ວໂມງ ເຊິ່ງໃຊ້ເວລາປະມານ 25 ນາທີກໍຮອດຈຸດໝາຍປາຍທາງ.

ທ່ານ ຈຸ້ຍໂກຈ່ຽງ ປະທານບໍລິສັດທາງລົດໄຟລາວ-ຈີນ ໃຫ້ຮູ້ວ່າ: ຜ່ານການທົດລອງແລ່ນເປັນເວລາ17ວັນໃນການກວດກາເຕັກນິກເຄື່ອນທີ່ຮອບດ້ານ ແລະໄດ້ສຳເລັດການກວດກາວຽກງານທັງໝົດ ເມື່ອວັນທີ 20 ພະຈິກນີ້ ແລະ ນັບແຕ່ມື້ນີ້ເປັນຕົ້ນໄປຈະເລີ່ມໃຫ້ພາກສ່ວນຕ່າງໆຂອງສັງຄົມມາທົດລອງຂີ່ລົດໄຟຂະບວນລ້ານຊ້າງ, ເຊິ່ງຈະແລ່ນບໍລິການມື້ລະ4ຖ້ຽວ,ກ່ອນຈະເລີ່ມເປີດບໍລິການເປັນທາງການໃນວັນທີ 3 ທັນວາ2021.

SA Game
laoedaily.com

 

ມາຮອດປະຈຸບັນ ທຸກໜ້າວຽກໄດ້ສໍາເລັດໂດຍພື້ນຖານ ຍັງເຫລືອແຕ່ວຽກປະດັບຕົກແຕ່ງ ແລະອະນາໄມອາຄານສະຖານີ ແລະສິ່ງອໍານວຍຄວາມສະດວກຂອງຜູ້ໂດຍ ສານ ລວມທັງວາງມາດຕະການປ້ອງກັນຄວບຄຸມ ການລະບາດຂອງພະຍາດໂຄວິດ19 ຢ່າງເຄັ່ງຄັດ.

ທາງລົດໄຟລາວ-ຈີນແມ່ນໂຄງການເຊື່ອມຕໍ່ລະຫວ່າງຂໍ້ລິເລີ່ມ “ຫນຶ່ງແລວຫນຶ່ງເສັ້ນທາງ” ຂອງຈີນ ກັບຍຸດທະສາດຫັນຈາກ ປະເທດທີ່ບໍ່ມີຊາຍແດນຕິດກັບທະເລເປັນປະເທດເຊື່ອມໂຍງເຊື່ອມຈອດຂອງລາວ, ທາງລົດໄຟສາຍນີ້ສ້າງຕາມມາດຕະຖານການບໍລິຫານ ແລະມາດຕະຖານເຕັກນິກຂອງຈີນ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: laoedaily.com