ມາ​ເບິ່ງ ວັດ​ພູ ດິນ​ແດນ​ລາວ​ໃຕ້​ໃນ​ລະ​ດູ​ການສີ​ຂຽວ Green Seanson

SA Game

ສະເໜ່ເມືອງລາວ The Glory of Laos

ຄວາມ​ງົດ​ງາມ​ຂອງ Green Season ດິນ​ແດນ​ລາວ​ໃຕ້ ວັດພູ ຈຳ​ປາ​ສັກ ປະເທດລາວ.

ໃນ​ຕອນ​ນີ້​ເຮົາ​ຈະ​ພາ​ມາຊົມພາບຄວາມງົດງາມຂອງ ວັດພູ ຈຳປາສັກ ມໍລະດົກລາວ ມໍລະດົກໂລກ ໃນໄລຍະລະດູຝົນ ຫຼື ທີ່ເອີ້ນກັນໃນພາສາທ່ອງທ່ຽວວ່າ Green Season ເຊິ່ງເປັນໄລຍະລະດູຝົນ ເຮັດໃຫ້ທຳມະຊາດ ພູຜາປ່າໄມ້ ຕະຫຼອດຮອດກົກໄມ້ໃບຫຍ້າ ຈະມີຄວາມຂຽວສົດງົດງາມ ຊຸ່ມຊື່ນ ເຊິ່ງເໝາະແກ່ການ ທ່ຽວຊົມທຳມະຊາດ​ອັນ​ສົດ​ຊືນ​ໄປ​ອີກ​ແບບ​ໜື່ງ.

ຜາສາດ ຫີນວັດພູ ຫຼື ວັດພູຈໍາປາສັກ ທີ່ຖືກສ້າງຂຶ້ນດ້ວຍຫີນ ໃນສະຕະວັດທີ 5 ( ປະມານ ຄ.ສ 300 – 400 ) ແລະ ມີການສ້າງຂຶ້ນ ຫຼັກຖານຄວາມຮຸ່ງເຮືອງຂອງ ອານາຈັກເສດຖາປູຣະ ຫຼື ອານາຈັກເຈນລະບົກ ເມືອງບູຮານ ຍຸກຕົ້ນກ່ອນການກຳເນີດຂອງ ເມືອງພະນະຄອນ ຫຼື ອັງກໍວັດ, ວັດພູມີອາຍຸ 500 ປີກ່ອນໜ້າຍຸກພະນະຄອນ ( ຍຸກພະນະຄອນເລີ່ມຕົ້ນໃນສັດຕະວັດທີ 9 ) ແລະ ສິ່ງທີ່ໜ້າສົນໃຈກ່ຽວກັບວັດພູ ຄືກະສັດໃນຍຸກພະນະຄອນ ມັກຈະສະເດັດມາສະແຫວງບຸນທີ່ວັດພູເປັນປະຈຳ

SA Game
ສະເໜ່ເມືອງລາວ The Glory of Laos

ໂດຍມີເສັ້ນທາງບູຮານເຊື່ອມຕໍ່ວັດພູກັບ ເມືອງພະນະຄອນ ດັ່ງນັ້ນ ວັດພູ ຈິ່ງເປັນຫຼັກຖານຢືນຍັນເຖິງຄວາມຍິ່ງໃຫຍ່ຂອງເມືອງບູຮານເສດຖາປູຣະ ທີ່ເຊື່ອໂຍງຜູ້ຄົນ ແລະ ບ້ານເມືອງ ອອ້ມຮອບແມ່ນ້ຳຂອງ ປະຫວັດສາດຍຸກຕົ້ນຂອງພູມມິພາກອາຊີຕາເວັ້ນອອກສຽງໃຕ້.

ຜາສາດຫີນວັດພູນີ້ຖືວ່າ ເປັນບູຮານສະຖານທີ່ມີຄຸນຄ່າດ້ານບູຮານຄະດີ, ສິລະປະ ແລະ ປະຫວັດສາດຂອງລາວ ທີ່ສະແດງເຖິງຄວາມສາດໃນການກໍ່ສ້າງຂອງຄົນບູຮານ ທີ່ເຄີຍອາໄສທີ່ດີນແດນແຫ່ງນີ້. ຈາກຫຼັກຖານທາງສີລາຈາລຶກ ຖືກສ້າງຂື້ນໃນສະຕະວັດທີ່ 5 – 7 ແຕ່ວ່າຜາສາດເດີມເກົ່າແກ່ຊຸດໂຊມ ແລະ ພັງທະລາຍລົງໄປໝົດແລ້ວ.

SA Game
ສະເໜ່ເມືອງລາວ The Glory of Laos

ຕໍ່ມາຈົນເຖິງສະຕະວັດທີ່ 12 ສະໄໝຂອງພະເຈົ້າວໍລະມັນທີ່ 7 ກະສັດອົງສຸດທ້າຍຂຶ້ນປົກຄອງແຜ່ນດິນຂະແມ ຈຶ່ງໄດ້ສ້າງຜາສາດຂະໜາດໃຫຍ່ກວມໃສ່ຜາສາດເດີມ ແລະ ມີການຕໍ່ເຕີມຜາສາດຫີນມາເລື້ອຍໆຈົນເຖິງທ້າຍສະຕະວັດທີ່ 12 ຈາກນັນມາຜາສາດຫີນນີ້ກໍຍັງເຫຼືອແຕ່ຊາກຫັກພັງໃຫ້ເຮົາໄດ້ເຫັນໄດ້ຊົມຈົນມາເຖິງປັດຈຸບັນນີ້.

ຜາສາດຫີນວັດພູ ຫຼາຍຄົນອາດຄິດ ແລະ ເຂົ້າໃຈວ່າສ້າງຂຶ້ນເພື່ອເປັນບ່ອນຢູ່ຂອງກະສັດຂອງເມືອງເສດຖາປູຣາດ ແຕ່ໃນຄວາມເປັນຈິງແລ້ວສ້າງເພື່ອເປັນບ່ອນ ສັກກະລະບູຊາເທບພະເຈົ້າ ເພາະວ່າແຕ່ກ່ອນບ່ອນສັກກະລະບູຊານັ້ນແມ່ນຢູ່ເທິງພູ ສະນັ້ນການທີ່ຈະເດີນທາງໄປສັກກະລະບູຊາແຕ່ລະຄັ້ງນັ້ນແມ່ນມີຄວາມຫຍຸ້ງຍາກ ເລີຍໄດ້ມີການສ້າງຜາສາດຫີນນີ້ຂຶ້ນ ເພຶ່ອເປັນບ່ອນສັກກະລະບູຊາ. ນອກຈາກນີ້ ນັກບູຮານຄະດີຍັງໄດ້ສັນນິຖານວ່າ: ຜາສາດຫີນວັດພູຈໍາປາສັກ ຖືກສ້າງຂຶ້ນກ່ອນຍຸກສະໄໝຂອງຜາສາດຫີນອັງກໍທີ່ກໍາປູເຈຍ.

SA Game
Laos Pictures ຮູບພາບເມືອງລາວ

ວັດພູ ຈຳປາສັກ ( ພາສາອັງກິດ: Vat Phou ) ບູຮານສະຖານວັດຖຸ ຕັ້ງຢູ່ ເມືອງຈຳປາສັກ ແຂວງຈຳປາສັກ ຝັ່ງຂວາແມ່ນ້ຳຂອງ ຊຶ່ງເປັນແຂວງທີ່ມີຊາຍແດນຕິດກັບປະເທດກຳປູເຈຍ ຫ່າງຈາກອັງກໍວັດປະມານ 200 ກິໂລແມັດ.

ໃຊ້ເວລາປະມານ 1 ຊົ່ວໂມງ ເດີນທາງຈາກປາກເຊ ດ້ວຍທາງລົດ. ວັດພູ ຈຳປາສັກ ໄດ້ຖຶກຮັບຮອງ ໃຫ້ເປັນມໍລະດົກໂລກ ຈາກອົງການຢູເນສໂກ ( UNESCO ) ໃນປີ 2001. ວັດພູ ຈຳປາສັກ ເປັນສະຖາປັດຕະຍະກຳແຫ່ງໜື່ງ ທີ່ມີຄວາມເກົ່າແກ່ ແລະ ມີຄວາມພິເສດທາງດ້ານສິລະປະການກໍ່ສ້າງ ຊຶ່ງເປັນອາຄານກົກເຄົ້າ ສ້າງຂຶ້ນໃນສັດຕະວັດທີ 6 ຈາກນັ້ນກໍ່ມີ ການຕໍ່ເຕີມຕາມຍຸກສະໄໝຕໍ່ມາ ຈົນມາເຖິງສັດຕະວັດທີ 15.

SA Game
Laos Pictures ຮູບພາບເມືອງລາວ

ວັດພູເປັນບູຮານສະຖານ ທີ່ໄດ້ອິດທິພົນທາງດ້ານວັດທະນະທຳ ມາຈາກຫຼາຍແຫ່ງຊຶ່ງລວມມີສິລະປະຂອມ, ອິນດູ ແລະ ພຸດ ຕາມຮ່ອງຮອຍຫຼັກຖານ ທີ່ສະແດງໃຫ້ເຫັນໃນ ລວດລາຍສິລະປະ ຕາມສະຖານທີ່ຕ່າງໆ ໃນຂົງເຂດວັດແຫ່ງນີ້ ບໍ່ວ່າຈະເປັນຮີດຄອງ ຫຼື ການເຊື່ອຖື. ສິ່ງທີ່ຍັງຄົງໄວ້ໃຫ້ເຫັນມາຮອດປະຈຸບັນ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: laosjourney.com