ມາ​ເບິ່ງບຸນ​ກິນ​ຈຽງ ໜໍ່ເປ້ເຈົ່າ ປະ​ຊາ​ຊົນເມືອງຫ້ວຍຊາຍ ແຂວງບໍ່ແກ້ວ

SA Game

ໜັງສືພິມບໍ່ແກ້ວ Bokeo Newspaper

ຈັດງານບຸນກິນຈຽງ ໜໍ່ເປ້ເຈົ່າ ປະຈຳປີ 2022 ທີ່ບ້ານຊາຍຈະເລີນ ເມືອງຫ້ວຍຊາຍ ແຂວງບໍ່ແກ້ວ.

ປະ​ເພ​ນີບຸນກິນຈ້ຽງ ຫຼື ໜໍ່ເປເຈົ່າ ແມ່ນ​ໄດ້​ຈັດ​ຂື້ນ​ເປັນ​ປະ​ຈຳ​ໃນ​ທຸກໆ​ປີ ເຊິງເປັນຮີດຄອງປະເພນີຂອງຊົນເຜົ້າມົ້ງ ໃນງານ​ບຸນ​ປະ​ເພ​ນີ​ຄັ້ງ​ນີ້ ໄດ້​ມີ ຄະນະພັກອຳນາດການປົກຄອງບ້ານ ພ້ອມດ້ວຍປະຊາຊົນ ບ້ານຊາຍຈະເລີນ ເມືອງຫ້ວຍຊາຍ ແຂວງບໍ່ແກ້ວ ກໍ່ບໍ່ໄດ້ລະຮີດໃຫ້ມອງລະຄອງໃຫ້ເສົ້າ ແລະ ໄດ້ຈັດງານບຸນກິນຈຽງ ໜໍ່ເປ້ເຈົ່າ ປະຈຳປີ 2022.ເຊິ່ງໄດ້ເລີ້ມມາແດ່ວັນທີ 3 ມັງກອນ2022 ແລະ ຈະສຳເລັດໃນ ວັນທີ 7 ມັງກອນ 2022 ນີ້.

ທ້າວ ນໍ່ຈື ກາໄຈລີ ເລຂາຄະນະພັກຮາກຖານ ນາຍບ້ານ ບ້ານຊາຍຈະເລີນ ໄດ້ສຳພາດຕໍ່ຜູ້ສື່ຂ່າວວ່າ:

ເຜົ່າມົ້ງມີເອກະລັກທາງດ້ານຮີດຄອງປະເພນີ ເຊື່ອຖືຜີເຮືອນ, ສືບສາຍຕະກຸນທາງພໍ່ ຫຼື ຝ່າຍຊາຍເປັນຫຼັກ, ໜໍເປ້ເຈົ່າ ແມ່ນການສະຫຼອງຜົນງານການເກັບກ່ຽວ ທີ່ຍາດມາໄດ້ໃນຕະຫຼອດໄລຍະໜຶ່ງປີ, ເປັນການສົມມາຄາລະວະຕໍ່ພໍ່ແມ່, ຜູ້ອາວຸໂສ ແລະ ຜູ້ນຳພາ, ເປັນການສ້າງໂອກາດເຕົ້າໂຮມບັນດາພໍ່ແມ່ຍາດຕິພີ່ນ້ອງ, ແຂກຄົນທັງຢູ່ໃກ້ ແລະ ຢູ່ໄກໄດ້ມາພົບພໍ້ຢ້ຽມຢາມ ເພື່ອສະແດງຄວາມ ສາມັກຄີ, ຄວາມຂອບອົກຂອບໃຈ, ຄວາມຮູ້ບຸນຄຸນເຊິ່ງກັນ ແລະ ກັນ.

SA Game
ໜັງສືພິມບໍ່ແກ້ວ Bokeo Newspaper

ເປັນການສ້າງໂອກາດໃຫ້ຜູ້ເປັນພໍ່ແມ່ໄດ້ເລືອກໄພ້, ເລືອກເຂີຍ, ຊາຍໜຸ່ມຍິງສາວໄດ້ເລືອກຄູ່ຊີວິດຂອງຕົນເອງ, ການເອ້ຢ້ອງ, ອວດອ້າງຄວາມຮັ່ງມີຂອງໃຜລາວ ທັງເປັນການຟື້ນຟູ, ເຜີຍແຜ່ຮີດຄອງປະເພນີອັນດີງາມ ແລະ ວັດທະນະທໍາຂອງຕົນນຳອີກ.

SA Game
ໜັງສືພິມບໍ່ແກ້ວ Bokeo Newspaper

ທ່ານໄດ້ກ້າວຕື່ມວ່າ: ການຈັດງານໃນຄັ້ງນີ້ ມີຄວາມແຕກຕ່າງໃນໄລຍະຜ່ານມາເນື່ອງຈາກມີການລະບາດຂອງເຊື້ອພະຍາດໂຄວິດ-19 ຈິ່ງໄດ້ຈັດຕາມຮີດຕາມຄອງກິດຈະກຳບາງຢ່າງບໍ່ສາມາດນໍາມາສະແດງ, ມາໃຫ້ຊົມມີພຽງແຕ່ກິດຈະກຳໂຍນໝາກຄອນ, ການວາງຂາຍສິນຄ້າເທົ່ານັ້ນຈິ່ງເຮັດໃຫ້ບັນຍາດກາດບໍ່ຄຶກ ຄັກແຕ່ການປະຕິບັດມາດຕະການ ແມ່ນໄດ້ພ້ອມກັນປະຕິບັດຢ່າງເຂັ້ມງວດມີການວັດແທກອຸ່ນຫະພຸມ. ມີເຈົ້າໜ້າທີ່ປ້ອງກັນ, ອສບ ປະຈຳ ເຮັດຕາມພະລາດບົດບາດໄພລາວ ບັນດາຮ້ານຂາຍເຄື່ອງບໍລິໂພກ-ອຸປະ ໂພກທຸກຮ້ານ ແມ່ນມີເຈວລ້າງມືທຸກຮ້ານ.

ທ່ານ ເຍ້ ວື ອສບ ບ້ານ ໄດ້ສຳພາດຕື່ມວ່າ:

SA Game
ໜັງສືພິມບໍ່ແກ້ວ Bokeo Newspaper

ການປະຕິບັດມາດຕະການປ້ອງກັນໂຄວິດ-19 ຕົນເອງ ພ້ອມຄະນະໄດ້ເອົາໃຈໃສ່ປະຕິບັດຕາມໜ້າທີ ໂດຍຕັ້ງຈຸດວັດແທກອຸ່ນຫະພຸມຢູ່ຈຸດທາງເຂົ້າໃນງານ ແຈກຜ້າປິດປາກປິດດັງຊີດຢາຂ້າເຊື້ອທຸກຄົນທີ່ເຂົ້າໃນງານ ຫຼື ຕ້ອງລ້າງມືດ້ວຍເຈວປະສົມເຫຼົ້າ 70 ຫຼື ເຫຼົ້າ 90 ເພື່ອຮັບປະກັນຄວາມປອດໄພຂອງທຸກຄົນ ຖ້າຮາກທ່ານໃດກວດບໍ່ຜ່ານ ແມ່ນໃຫ້ພັກຜ່ອນ ຫຼື ກວດ 2ຄັ້ງ ແລະ ແນະນຳໃຫ້ຮູ້ຈັກຮັກສາຕົນເອງ ແລະ ບັນຍາກາດການຫຼິ້ນບຸນກິນຈຽງປີນີ້ ເຫັນວ່າບໍ່ຄຶ້ກຄື້ນປານໃດ ເພາະວ່າມີການແຜ່ລະບາດຂອງພະຍາດໂຄວິດ-19 ມີແຕ່ຫຼິ້ນຕາມຮີດຄອງພາຍໃນບ້ານເທົ່ານັ້ນ, ຕ່າງບ້ານບໍ່ໄດ້ເຂົ້າຮ່ວມ ທັງນີ້ ກໍ່ເພື່ອການປ້ອງກັນການແຜ່ລະບາດຂອງພະຍາດໂຄວິດ-19 ໄປໃນວົງກວ້າງ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ໜັງສືພິມບໍ່ແກ້ວ Bokeo Newspaper