ມາ​ຮອດ​ດຽວ​ນີ້ ສ​ປ​ປ ລາວ ສັກ​ວັກ​ຊິນ​ຄົບ 2 ເຂັມ​ກວ່າ 40% ແລ້ວ

SA Game

laophattananews.com

ປະເທດລາວ ສັກວັກຊິນຄົບ2ເຂັມ​ໄດ້ 3 ລ້ານກວ່າຄົນແລ້ວ​ຍັງຕ້ອງ​ເລັ່ງ​ສັກ​ໃຫ້​ໄດ້​ຫລາຍ​ເທົ່າ​ທີ່​ຈະ​ຫລາຍ​ໄດ້.

ຕາມ​ການ​ລາຍ​ງານ, ປັດຈຸບັນ ທົ່ວປະເທດມີຈໍານວນບ້ານແດງ 978 ບ້ານ, 80 ເມືອງ ແລະ 17 ແຂວງ. ສະຖານທີ່ຈໍາກັດບໍລິເວນໃນທົ່ວປະເທດ ໃນປັດຈຸບັນ ມີ 86 ສູນ, ໂດຍມີຜູ້ຈໍາກັດບໍລິເວນຢູ່ສູນ 3.042 ຄົນ (ຍັງສາມາດຮອງຮັບໄດ້ຕື່ມອີກ 10.006 ຄົນ), ມີ 59 ໂຮງແຮມແຫ່ງ, ປັດຈຸບັນຜູ້ຈໍາກັດບໍລິເວນຢູ່ໂຮງແຮມ 1.841 ຄົນ, (ສາມາດຮອງຮັບໄດ້ຕື່ມອີກ 7.763). ຜູ້ຈໍາກັດບໍລິເວນຢູ່ສູນ ແລະ ຢູ່ໂຮງແຮມ ຈຳກັດບໍລິເວນ 4.883.

ທ່ານ ດຣ. ນາງ ພອນປະເສີດ ໄຊຍະມຸງຄຸນ ຮອງຫວໜ້າກົມ ຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານໃນວັນທີ 21 ພະຈິກ 2021 ໃຫ້ຮູ້ວ່າ:

ຮອດມື້ນີ້, ທົ່ວປະເທດສາ ມາດສັກວັກຊິນເຂັ້ມທີ 1 ໄດ້ 3.682.242 ເທົ່າກັບ 50,18% ແລະ ຄົບທຸກເຂັ້ມໄດ້ 3.073.829 ເທົ່າກັບ 41,89%.

SA Game
laophattananews.com

ສຳລັບການບໍລິການເກັບຕົວຢ່າງ ເພື່ອກວດຫາເຊື້ອໂຄວິດ-19 ໃນແຕ່ລະແຂວງ ແມ່ນສາມາດໄປເກັບຕົວຢ່າງເພື່ອກວດຊອກຫາເຊື້ອພະຍາດດັ່ງກ່າວ ໄດ້ຢູ່ໂຮງໝໍແຂວງ ຫລື ຈຸດກວດເພີ່ມເຕີມ ທີ່ທາງຄະນະສະເພາະກິດຂອງແຂວງກຳນົດຢູ່ພາຍໃນແຂວງ. ສ່ວນຢູ່ນະຄອນຫລວງວຽງຈັນ ແມ່ນຢູ່ຈຸດກວດຄົງທີ່ໃຫ້ບໍລິການເກັບຕົວຢ່າງມີ: ສະໜາມກິລາໃນຮົ່ມບຶງຂະຫຍອງ (ວັນຈັນ ຫາ ອາທິດ) ເວລາ 9-11:30ໂມງ ແລະ ຢູ່ ມສ ເຈົ້າອານຸວົງ.

ທີມກວດເຄື່ອນທີ່, ເຊິ່ງມີການເຄື່ອນທີ່ເກັບຕົວຢ່າງຕາມຈຸດທີ່ມີການລະບາດພາຍໃນແຕ່ລະເມືອງ (ມີທີມພະແນກສາທາລະນະສຸກ ນະຄອນຫລວງວຽງຈັນ, ສາທາເມືອງໄຊທານີ, ສາທາເມືອງສີສັດຕະນາກ, ສາທາເມືອງສີໂຄດຕະບອງ ແລະ ສາທາເມືອງນາຊາຍທອງ).

ສ່ວນຈຸດບໍລິການໃຫ້ວັກຊິນ ຢູ່ບັນດາແຂວງ ແມ່ນ: ໂຮງໝໍແຂວງ, ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້. ສຳລັບຢູ່ນະ ຄອນຫລວງວຽງຈັນ ມີ: ໂຮງໝໍສູນກາງ, ໂຮງໝໍເມືອງ 9 ຕົວເມືອງ ແລະ ຈຸດເພີ່ມເຕີມຢູ່ວັດຈີນ ບ້ານດົງປາແລບ ເມືອງຈັນທະບູລີ (ເປີດວັນຈັນ ຫາ ວັນສຸກ).

ການເດີນທາງເຂົ້າມາ ສປປ ລາວ ຕາມຈຸດຜ່ານແດນໃນຂອບເຂດທົ່ວປະເທດ, ເຊິ່ງວັນທີ 20 ພະຈິກ 2021 ມີຜູ້ເດີນທາງຜ່ານດ່ານເຂົ້າມາ ສປປ ລາວ ຈໍານວນທັງໝົດ 1.349 ຄົນ (ຈໍານວນເດີນທາງເຂົ້າມາ ແຕ່ພົບການຕິດເຊື້ອໃນກຸ່ມຄົນດັ່ງກ່າວພຽງແຕ່ 10 ຄົນ), ທຸກຄົນແມ່ນໄດ້ຮັບອະ ນຸຍາດຈາກຄະນະສະເພາະກິດ ໃຫ້ເດີນທາງເຂົ້າມາເພື່ອປະຕິບັດໜ້າທີ່ຈໍາເປັນ ແລະ ຮີບດ່ວນໃນ ສປປ ລາວ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: laophattananews.com