ມາ​ເບິ່ງ​ສາ​ເຫດ​ຈາກ​ຄຳ​ຊີ້ ເປັນຫຍັງ ໄຟຟ້າຜະລິດຢູ່ລາວຈຶ່ງຂາດທຶນ?

SA Game

laophattananews.com

ຄ່າ​ຂອງເງິນກີບອ່ອນຄ່າ​ເປັນ​ອີກ​ສາຍ​ເຫດ​ໜຶ່ງ​ທີ່​ໄຟຟ້າຜະລິດຢູ່ລາວຂາດທຶນ

ດັ່ງ​ທີ່​ຫລາຍໆ​ທ່ານ​ໄດ້​ເຫັນ ແລະ ໄດ້​ຮູ້​ປະ​ສົບ​ພົບ​ພໍ​້​ນຳ​ກັນ​ໃນ​ທຸກ​ມື້​ນີ້, ບັນ​ຫາ​ຂອງ​ການ​ນຳ​ເຂົ້າ​ສິນ​ຄ້າ​ຈາກ​ຕ່າງ​ປະ​ເທດ​ເປັ​ນ​ສ່ວນ​ໃຫຍ່​ນັ້ນ ເຮັດ​ໃຫ້​ປະ​ເທດ​ລາວ​ເຮົາ​ປະ​ສົບ​ກັບ​ຄວາມ​ຫຍຸ້ງ​ຍາກ, ເນືອງ​ຈາກ​ການ​ນຳ​ເຂົ້າ​ສິນ​ຄ້າ​ຕ່າງໆ​ເປັນ​ເງິນ​ຕາ​ຕ່າງ​ປະ​ເທດ ແລະ​ ມາ​ຈ່ຳ​ໜ່າຍ​ຢູ່ ສ​ປ​ປ ລາວ ຊ້ຳ​ພັດ​ເປັນ​ເງິນ​ກີບ.

ໃນກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ເມື່ອວັນທີ 22 ມິຖຸນາ ປີ 2022 ຜ່ານ​ມາ​ນ​ນີ້, ທາງ​ດ້ານລັດວິສາຫະກິດໄຟຟ້າລາວ ໄດ້ເຜີຍວ່າໄລຍະຜ່ານມາໄຟຟ້າລາວ ແມ່ນຂາດທຶນມະຫາສານ ສາເຫດໜຶ່ງແມ່ນມາຈາກເງິນກີບອ່ອນຄ່າແຮງໃນຊ່ວງນີ້.

ທ່ານ ຈັນທະບູນ ສຸກອາລຸນ ກ່າວໃນກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ IX ເມື່ອວັນທີ 22 ມິຖຸນາ:

SA Game
TARGET Magazine
  • ລາຍຮັບຂອງໄຟຟ້າລາວ ເປັນເງິນກີບ, ແຕ່ລາຍຈ່າຍເປັນເງິນຕາຕ່າງປະເທດທັງໝົດ (ຍົກເວັ້ນເງິນເດືອນ) ຊຶ່ງສະເພາະສ່ວນຕ່າງໃນອັດຕາແລກປ່ຽນ ກໍເຮັດໃຫ້ໄຟຟ້າລາວຂາດທຶນ.
  • ລາຍຮັບ-ລາຍຈ່າຍຂອງໄຟຟ້າລາວ ຊຶ່ງລາຍຮັບເກືອບ 99% ແມ່ນໄດ້ມາຈາກການຂາຍໄຟ ເຖິງວ່າປະເທດເຮົາຈະມີຫຼາຍເຂື່ອນ ເປັນໝໍ້ໄຟອາຊຽນ ແຕ່ຄວາມຈິງປະເທດເຮົາ ບໍ່ມີເຂື່ອນເປັນຂອງຕົນເອງ ເຮົາໄດ້ຊື້ໄຟຟ້າຈາກເຂື່ອນຕ່າງໆ, ໂຄງການຕ່າງໆ ແລ້ວມາຂາຍຕໍ່ ຊຶ່ງຕົ້ນທຶນໃນການຊື້ ກັບລາຍຮັບຈາກການຂາຍໄຟມັນບໍ່ສົມຄູ່ກັນ ເນື່ອງຈາກລາຍໄດ້ຂອງປະຊາກອນເຮົາ ຍັງຢູ່ໃນລະດັບຍັງຕໍ່າ ຖ້າຈະຂຶ້ນລາຄາໄຟຟ້າ ກໍຈະກະທົບຕໍ່ການດໍາລົງຊີວິດການເປັນຢູ່. ສະນັ້ນ, ລັດຖະບານ ໃນແຕ່ລະໄລ​ຍະ ຈຶ່ງ​ຕັ້ງລາຄາໄຟຟ້າຕໍ່າກວ່າຕົ້ນທຶນມາຕະຫຼອດ.
SA Game
laophattananews.com

ສະຫຼູບ: ເງິນກີບອ່ອນຄ່າໄດ້ສົ່ງຜົນກະທົບແນ່ນອນ ເຖິງວ່າໄຟຟ້າຈະຜະລິດຢູ່ລາວ ແຕ່ບໍ່ມີເຂື່ອນເປັນຂອງຕົນເອງ ຕ້ອງໄດ້ຊື້ໄຟຟ້າຈາກເຂື່ອນຕ່າງໆ, ໂຄງການຕ່າງໆ ແລ້ວມາຂາຍຕໍ່ ໃນຂະນະດຽວກັນລາຍຈ່າຍແມ່ນຈ່າຍເປັນເງິນຕາຕ່າງປະເທດ ແຕ່ລາຍຮັບເປັນເງິນກີບ ດ້ວຍເຫດນີ້ ການອ່ອນຄ່າຂອງເງິນກີບຈຶ່ງມີຜົນກະທົບ ຖ້າຫາກບໍລິສັດຜະລິດໄຟຟ້າຂາດທຶນ ກໍຈະບໍ່ມີທຶນໃນການຜະລິດຕໍ່ (ອາດຈະປັບຂຶ້ນຄ່າໄຟ ຫຼືຈະມີນະໂຍບາຍແນວໃດເພື່ອແກ້ໄຂແມ່ນຂຶ້ນກັບພາກສ່ວນທ່ກ່ຽວຂ້ອງ) ບໍ່ໄດ້ກ່າວເຖິງການຫົ່ວໄຫຼງົບປະມານ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: TARGET Magazine