ມາເບິ່ງຄວາມງົດງາມຂອງຕາດຕະແລທາມກາງດົງປ່າໃຫຍ່ຕຶບໜາ

SA Game

ຄົນເດີນທາງ

ປະຫວັດສະຖານທີ່ທ່ອງທ່ຽວ ຕາດຕະແລ ຄວາມງົດງາມກາງດົງໃຫຍ່ ບ້ານຕະແລ ເມືອງຮຸນ ແຂວງອຸດົມໄຊ

ສະຖານທີ່ທ່ອງທ່ຽວນ້ຳຕົກຕາດງາມໆທ່ອງທ່ຽວໃນລະດູຝົນ ທີ່ຕາດທີ່ມີຄວາມງົດງາມເປັນເລີດ ຂອງແຂວງອຸດົມໄຊ ນັ້ນກໍ່ຄື “ຕາດຕະແລ” ນັ້ນເອງ, ຕາດຕະແລ ເປັນຕາດງາມຕັ້ງຢູ່ເຂດດົງໃຫຍ່ ຂອງບ້ານຕະແລ ມີທັງໝົດ 7 ຊັ້ນ ທີ່ມີຄວາມສູງ ແລະ ຄວາມງາມແຕກຕ່າງກັນໄປ ມີຄວາມຍາວ 600 ກ່ວາແມັດ ທີ່ມີຕຳນານເລົ່າຂານເລື່ອງການຍາດສາວງາມຂອງພະຍາເງືອກໃຫ່ຍ.

ສະຖານທີ່ທ່ອງທ່ຽວ ຕາດຕະແລ ແຫ່ງນີ້ ຕັ້ງຢູ່ບ້ານຕະແລ ເມືອງຮຸນ ແຂວງອຸດົມໄຊ, ກິດຈະກຳທີ່ສາມາດເຮັດໄດ້: ຊົມຄວາມງາມ ແລະ ຫຼີ້ນນ້ຳຕົກຕາດອັນໃສເຢັນ, ຊົມວິຖີຊີວິດຊົນເຜົ່າກືມມຸຣອກ ບ້ານຕະແລ, ຖ່າຍພາບທີລະນຶກຂອງການເດີນທາງ.

ແຂວງອຸດົມໄຊ ເປັນແຂວງໜຶ່ງທີ່ເອົາໃຈໃສ່ພັດທະນາແຫຼ່ງທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດ ໄດ້ປຸກລະດົມຊຸກຍູ້ສົ່ງເສີມການພັດທະນາແຫຼ່ງທ່ອງທ່ຽວທີ່ເປັນບຸລິມະສິດຂອງແຂວງ, ຊອກທຸກແຫຼ່ງທຶນຈາກພາກລັດ, ອົງການຈັດຕັ້ງສາກົນ ແລະ ຊຸກຍູ້ພາກເອກະຊົນສຸມໃສ່ການພັດທະນາແຫຼ່ງທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດ ໃຫ້ນັບມື້ມີການຂະຫຍາຍຕົວດີຂຶ້ນເລື້ອຍໆ
SA Game
ຄົນເດີນທາງ

ຕາດຕະແລະ ເປັນສະຖານທີ່ທ່ອງທ່ຽວທາງດ້ານທຳມະຊາດແຫ່ງໜຶ່ງທີ່ມີຄວາມໜ້າສົນໃຈຂອງນັກທ່ອງທ່ຽວ ເຊິ່ງຕັ້ງຢູ່ບ້ານຕະແລ, ຫ່າງຈາກເທສະບານເມືອງຮຸນ ປະມານ 40 ກວ່າກິໂລແມັດ, ການເຂົ້າເຖິງເປັນເສັ້ນທາງດິນແດງ, ຈຸດເດັ່ນຂອງຕາດນີ້ເປັນນ້ຳຕົກຕາດທີ່ມີຄວາມສວຍສົດງົດງາມທາງທຳມະຊາດ ເຊິ່ງອ້ອມຮອບດ້ວຍປ່າດົງດິບ ແລະ ປ່າເຄິ່ງດົງດິບທີ່ມີຕົ້ນໄມ້ ໃຫຍ່ – ນ້ອຍທີ່ມີໃບດົກໜາຂຽວງາມ ແລະ ເຕັມໄປດ້ວຍນົກນາໆຊະນິດ.

ນ້ຳຕົກຕາດແຫ່ງນີ້ມີທັງໝົດ 7 ຕາດດ້ວຍກັນ, ມີທັງຕາດໃຫຍ່, ຕາດນ້ອຍຢັງຢາຍໄປຕາມສາຍນ້ຳຕະແລ ເຊິ່ງມີຄວາມຍາວເຖິງ 600 ກວ່າແມັດ ຄື:
ຕາດທີ 1 ສູງປະມານ 7 ແມັດ ແລະ ກວ້າງປະມານ 8 ແມັດ.ຕາດທີ 2 ສູງປະມານ 15 ແມັດ ແລະ ກວ້າງປະມານ 7 ແມັດ.ຕາດທີ 3 ສູງປະມານ 15 ແມັດ ແລະ ກວ້າງປະມານ 11 ແມັດ.ຕາດທີ 4 ສູງປະມານ 16 ແມັດ ແລະ ກວ້າງປະມານ 27 ແມັດ.ຕາດທີ 5 ສູງປະມານ 40 ແມັດ ແລະ ກວ້າງປະມານ 27 ແມັດ.ຕາດທີ 6 ສູງປະມານ 13 ແມັດ ແລະ ກວ້າງປະມານ 28 ແມັດ.ຕາດທີ 7 ສູງປະມານ 55 ແມັດ ແລະ ກວ້າງປະມານ 35 ແມັດ.

ສຳລັບທ່ານທີ່ມັກຮັກໃນການທ່ອງທ່ຽວແບບທຳມະຊາດ, ເຊິງສະຖານທີ່ແຫ່ງນີ້ຈະໃຫ້ທັງປະສົບການໃໝ່ໆ ແກ່ທ່ານຢ່າງແນ່ນອນ, ແຕ່ສະຖານທີ່ແຫ່ງນີ້ທາງບ້ານບໍ່ອະນຸຍາດໃຫ້ມາແຄັມປິ້ງໄດ້ເນືອງຈາກຮັກສາຄວາມສະອາດ ແລະ ສະຫງົບ ອີກທັງເພື່ອປ້ອງກັນ ແລະ ປົກປັກຮັກສາສິ່ງແວດລ້ອມ ກັບສະຖານທີ່ອັນສວຍງາມແຫ່ງນີ້
SA Game
ຄົນເດີນທາງ
ມີຕຳນານເລົ່າຂານປາກຕໍ່ປາກມາວ່າ: ແຕ່ປາງກ່ອນມີບ່າວເງືອກຜູ້ໜຶ່ງຊື່ວ່າ ທ້າວ ພັກ ໄດ້ລົງຫຼິ້ນບຸນຢູ່ຫຼວງພະບາງ ບັງເອີນເຫັນສາວເງືອກຜູ້ໜຶ່ງຊື່ວ່າ ນາງ ຄຳຜິວ ທີ່ອາໄສຢູ່ນ້ຳຄານ, ທ້າວ ພັກ ເກີດມີ ຄວາມຮັກມັກກັບ ນາງ ຄຳຜິວ ແລະ ໄດ້ລັກເອົາ ນາງ ຄຳຜິວ ມານຳ, ຕໍ່ຈາກນັ້ນມາມີບ່າວເງືອກຄົນໜຶ່ງທີ່ຢູ່ຫຼວງພະບາງ ທີ່ເຄີຍຮັກມັກກັບ ນາງ ຄຳຜິວ ມາກ່ອນແລ້ວນັ້ນໄດ້ນຳມາເອົາ ນາງ ຄຳຜິວ ກັບຄືນ ທັງສອງຝ່າຍຈຶ່ງເກີດມີການຕໍ່ສູ້ກັນ, ສ່ວນ ທ້າວ ພັກ ກໍໄດ້ສ້າງດ່ານຕ້ານກັນໄວ້ເປັນຈຸດໆຢູ່ທີ່ນ້ຳຕະແລ ແລະ ດ່ານດັ່ງກ່າວກໍກາຍເປັນຊັ້ນໆ ຢາຍກັນໄປເພື່ອປ້ອງກັນການບຸກໂຈມຕີຂອງຄົນຮັກເກົ່າຂອງ ນາງ ຄຳຜິວ ແລະ ຕັ້ງແຕ່ນັ້ນມາຈຶ່ງເອີ້ນວ່າ ຕາດຕະແລ ເຖິງປັດຈຸບັນ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: laoedaily.com.