​ມາ​ຮູ້​ຈັກ​ກັບ​ປະ​ເພ​ນີ​ບຸນກອງ​ຫລົວ​ຂອງ​ຊົນ​ເຜົ່າ​ລື້ ທີ່​ເມືອງ​ຄອບ ​ເມືອງໄຊ​ຍະ​ບູ​ລີ

SA Game

News.XBL

ຊົນເຜົ່າລື້ ບ້ານສະຖານ ເມືອງຄອບ ແຂວງໄຊຍະບູລີຈັດ​ງານ​ປະ​ເພ​ນີ​ບຸນກອງ​ຫລົວ(ຟືນ).

ຊົນ​ເຜົ່າ​ລື້​ຂອງ​ສ​ປ​ປ ລາວ ມີ​ຫລາກ​ຫລາຍ​ຮີດ​ຄອງ​ປະ​ເພ​ນີ ແລະ ແຕ່​ລະ​ປະ​ເພ​ນີ​ກໍ​ແຕກ​ຕ່າງ​ກັນ​ໄປ, ບຸນກອງ​ຫລົວ​ກໍ​ເປັນ​ອີກ​ປະ​ເພ​ນີ​ໜຶ່ງ​ຂອງ​ຊົນ​ເຜົ່າ​ລື້​ທີ່​ປະ​ຕິ​ບັດ​ກັນ​ມາ​ແຕ່​ດົນ​ນານ​ແລ້ວ, ເຊິງປະເພນີບຸນກອງຫລົວປີນີ້ ແມ່ນຖືກມື້ຂື້ນ 15 ຄໍ່າ ( ເດືອນ 12 ລາວ, ເດືອນຈຽງ ລື້ ) ພສ 2565 ກົງກັບວັນທີ 8 ພະຈິກ 2022 ນີ້, ປະເພນີບຸນກອງຫລົວ ( ຈູດກອງຫົລວ ) ແມ່ນບຸນປະເພນີອັນໜຶ່ງທີ່ນອນຢູ່ໃນຮີດ 12 ຄອງ 14 ຂອງຊົນເຜົ່າລື້ ໂດຍສະເພາະແມ່ນ ບ້ານສະຖານ ເມືອງຄອບ ແຂວງໄຊຍະບູລີ ທີ່ໄດ້ສືບທອດ ແລະ ປະຕິບັດກັນມາເປັນເວລາຍາວນານ.

ຄໍາວ່າ ຫລົວ ໝາຍເຖິງຟືນ ຫລື ໄມ້ທີ່ຈະເອົາມາເຮັດຟືນ, ແຕ່ຄໍາວ່າ ຫລົວ ໃນບຸນເດືອນຈຽງ ( ເດືອນ 12 ) ຂອງຊົນເຜົ່າລື້ ບ້ານສະຖານ ເປັນການນໍາເອົາໄມ້ມາຈູດໂຮມກັນ. ຊຶ່ງໃນເວລາທີ່ຈັດງານບຸນກອງຫລົວໃນແຕ່ລະປີຈະມີມວນຊົນບັນດາເຜົ່າບໍ່ວ່າຈະເປັນຜູ້ເຖົ້າ, ຜູ້ແກ່, ຊາວໜຸ່ມຍິງ-ຊາຍ, ເດັກນ້ອຍກໍຈະໄດ້ເຂົ້າຮ່ວມຢ່າງຟົດຟື້ນມ່ວນຊື່ນ

ນອກນັ້ນ ກ່ອນເວລາຈູດກອງຫລົວຍັງໄດ້ມີການຈູດທູບທຽນ, ດອກໄມ້ ແຫ່ອ້ອມກອງຫລົວ 3 ຮອບກ່ອນ ເພື່ອເປັນການບູຊາ, ອະທິຖານ, ຂໍພອນຕາມຄວາມເຊື່ອ ພ້ອມທັງມີການໂຫ່ຮ້ອງ, ປະສານສຽງເຊຍ, ສຽງຂັບລໍາໃນແຕ່ລະຄຸ້ມພາຍໃນບ້ານທີ່ຟັງແລ້ວມີຄວາມຕື່ນເຕັ້ນ ສະອອນໃຈ.

SA Game
News.XBL

ການເຮັດບຸນກອງຫລົວ ຈຸດປະສົງກໍເພື່ອເປັນການເສຍເຄາະເຂັນ ເນື່ອງຈາກຈະກ້າວເຂົ້າສູ່ຟ້າໃໝ່ຈຶ່ງເຮັດໃຫ້ເຄາະເຂັນໂລກໄພທັງຫຼາຍທັງປວງນັ້ນຕົກໄປນໍາໄຟໄຫລໄປນໍານໍ້າ ຕາມຄວາມເຊື່ອທີ່ໄດ້ສືບທອດກັນມາ, ນອກນີ້ ເຜົ່າລື້ຍັງມີຄວາມເຊື່ອອີກວ່າ ພໍເຖິງຍາວຫນາວ ( ຫນ້າໜາວ ) ແລ້ວ ຜູ້ຄົນໄດ້ຮັບຄວາມເໜັບໜາວແນວໃດພະພຸດທະເຈົ້າກໍຄົງໄດ້ຮັບຄວາມເໜັບໜາວເທົ່ານັ້ນເຊັ່ນກັນ.

ດັ່ງນັ້ນ ປະຊາຊົນພາຍໃນບ້ານຈຶ່ງໄດ້ພ້ອມພຽງຮຽງໜ້າກັນນໍາເອົາຫລົວ ຫລື ຟືນ ມາສຸມໄຟໃຫ້ລຸກເພື່ອຄວາມອົບອຸ່ນແກ່ພະພຸດທະເຈົ້າ, ອີກຢ່າງກໍເພື່ອເປັນການຖວາຍຄວາມອົບອຸ່ນໃຫ້ແກ່ພະພຸດທະເຈົ້າດ້ວຍໄຟ ພ້ອມດຽວກັນ ກໍເພື່ອເປັນການຈູດເຜົາເຄາະເຂັນເວນຮ້າຍ ແລະ ມົນທິນຕ່າງໆໃຫ້ອອກໄປຈາກຕົວຂອງມະນຸດນັ້ນເອງ.

SA Game
News.XBL

ສະນັ້ນ, ປະເພນີບຸນກອງຫລົວ ຕັ້ງແຕ່ອາດີດ ເຖິງ ປັດຈຸບັນ ຈຶ່ງໄດ້ຮັບຄວາມສົນໃຈຈາກຄົນພາຍໃນ ແລະ ຕ່າງປະເທດ ເຊິ່ງໃນແຕ່ລະປີ ຈະມີປະຊາຊົນ, ນັກທ່ອງທ່ຽວເຂົ້າມາຮ່ວມ ແລະ ທ່ຽວຊົມເປັນຈໍານວນຫລາຍ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ: News.XBL