ມາຟັງຂໍ້ມູນບາງສ່ວນຂອງທາດເກົ່າວັດອິນແປງຈາກຜູ້ທີ່ຢູ່ໃນສະໄໝທີ່ຟຣັ່ງ
ວັດອິນແປງ ແລະ ທາດອັນເກົ່າແກ່ຂອງ ວັດ ສະຖານທີ່ທ່ອງທ່ຽວ ດ້ານປະຫວັດສາດ
ວັດອິນແປງ ເປັນສະຖານທີ່ທ່ອງທ່ຽວ ທາງດ້ານປະຫວັດສາດ ແລະ ວັດທະນະທຳ ເຊິ່ງຕັ້ງຢູ່ໃຈກາງເທດສະບານຂອງ ນະຄອນຫລວງວຽງຈັນ. ມີການເລົ່າຂານສືບທອດຕໍ່ກັນມາວ່າ: ໃນໄລຍະການກໍ່ສ້າງວັດ ອິນແປງນີ້, ໄດ້ມີພະຍາອິນ ແປງກາຍເປັນຜູ້ເຖົ້າມາຊ່ວຍເຫລືອ ແລະ ແນະນຳໃນການ ກໍ່ສ້າງວັດ ແລະ ຫລັງຈາກນັ້ນພະຍາອິນກໍຍັງໄດ້ແປງກາຍເປັນຄູບາເຖົ້າອົງໜຶ່ງເພື່ອມາຊ່ວຍສ້າງພຣະພຸດທະຮູບອິນແປງ ອີກດ້ວຍ ຈຶ່ງເປັນທີ່ມາຂອງຊື່ວັດອິນແປງ ຈົນເທົ່າທຸກມື້ນີ້.
ທາດເກົ່າແກ່ຂອງວັດອິນແປງ ນະຄອນຫລວງວຽງຈັນ ທີຖືກສ້າງຂຶ້ນມາແຕ່ສະໄຫມເຈົ້າໄຊຍະເຊດຖາທິຣາຊ ແລະຫລົ້ມລົງເມື່ອປະມານປີ ຄສ 1934 ແລະມີການພົບເຫັນວັດຖຸທີມີຄ່າຫລາຍຢ່າງໆ ໃນສະໄຫມນັ້ນ ເມື່ອທາດອົງນີ້ຫລົ້ມລົງ ທາງຝຣັ່ງເສດ ເຊິ່ງປົກຄອງລາວເຮົາໃນຕອນນັ້ນ ກໍ່ເຂົ້າມາສຳຫລວດ ແລະ ນຳເອົາຣົດຂົນເຄື່ອງມາແກ່ເອົາວັດຖຸບູຮານຕ່າງໃນອົງທາດແຫ່ງນີ້ປະມານ 3-4 ຖ້ຽວ ຈຶ່ງຫມົດ
ວັດຖຸບູຮານເຫລົ່ານັ້ນ ແມ່ນຂົນໄປໃສ ຊາວບ້ານ-ຊາວເມືອງ ແມ່ນບໍ່ຮູ້ບ່ອນໄປເລີຍ ແລະຈຳນວນ ລາຍລະອຽດມີຫຍັງແດ່ກໍ່ບໍ່ຮູ້ ທີສຳຄັນ ແມ່ນມີພຣະພຸດທະຮູບຄຳ ເງິນ ທອງ ແລະວັດຖຸມີຄ່າຕ່າງໆຢູ່ໃນອົງພຣະທາດອົງນີ້ ເປັນຈຳນວນຫລາຍ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: Houmphet Manisouk
