ພ​ະ​ທາ​ດ​ສັກ​ສິດຊຽງ​ຕຶງເມືອງ​ສິງ​ແຂວງ​ຫລວງ​ນ້ຳ​ທາອາຍຸຫຼາຍກວ່າ 2000 ປີ

SA Game

laosjourney.com

ຄວາມ​ເປັນ​ມາ​ຂອງພະທາດຊຽງຕຶງ ພະທາດສັກສິດອາຍຸຫຼາຍກວ່າ 2000 ປີ ເທິງແຜ່ນດີນລາວ.

ໃນ​ທຸກໆ​ປີ​ຈະ​ມີ​ງານບຸນ​ທາດ​ທີ່​ຈັດ​ຂື້ນ​ທີ່ ພະທາດຫຼວງຊຽງຕຶງແຫ່ງ​ນີ້, ເຊິງ​ ທາດ​ຊຽງ​ຕືງ​ແຫ່ງ​ນີ້​ຕັ້ງ​ຢູ່ຕັ້ງຢູ່ເທິງຈອມພູ ທາງທິດຕາເວັນຕົກສຽງໃຕ້ ຂອງເມືອງສິງ ຫ່າງຈາກເທດສະບານເມືອງສິງ ໄປທາງແຂວງຫຼວງນ້ຳທາປະມານ 5 ກິໂລແມັດ, ມີເສັ້ນທາງຈາກຕີນພູ ຂຶ້ນໄປຮອດຕົວພະທາດ 2 ເສັ້ນທາງຄື: ທາງຍ່າງ ແມ່ນມີຂັ້ນໄດຂຶ້ນ ມີຄວາມຍາວປະມານ 750 ແມັດ ແລະ ເສັ້ນທາງລົດໃຫ່ຍຂຶ້ນແມ່ນປູຢາງ ມີຄວາມຍາວປະມານ 1000 ແມັດ.

ພະທາດຫຼວງຊຽງຕຶງ ເປັນແຫຼ່ງທ່ອງທ່ຽວ ທາງດ້ານປະຫວັດສາດ ແລະ ວັດທະນາທຳ ທີ່ຖືກຮັບຮອງເອົາ ເປັນມູນມໍລະດົກວັດທະນາທຳ ຂອງແຂວງຫຼວງນ້ຳທາ ເປັນພະທາດເກົ່າແກ່ ອັນເປັນສູນລວມທາງດ້ານຈິດໃຈ, ຄວາມສັດທາຂອງຊາວເມືອງສິງ ມາແຕ່ບູຮານນະການ ແລະ ໃນທຸກໆປີ ປະຊາຊົນຈະຮ່ວມກັນ ຈັດງານບຸນນະມັດສະການພະທາດ ເຊິ່ງແມ່ນໄລຍະເວລາດຽວກັນກັບ ການສະຫຼອງ ບຸນນະມັດສະການ ພະທາດຫຼວງວຽງຈັນຂອງທຸກໆປີ.

SA Game
laosjourney.com

ປະ​ຫວັດ​ຂອງ ພະທາດຫຼວງຊຽງຕຶງ ໄດ້ກ່າວໄວ້ວ່າ:

ເມື່ອຄັ້ງອາດີດ ພະພຸດທະເຈົ້າ ໄດ້ເດີນທາງມາຈາກ ເມືອງລັງກາທິບ ແລະ ໄດ້ຜ່ານມາເຖິງ ໜ່ວຍພູທີ່ພະທາດຊຽງຕຶງ ( ດອຍຊຽງຕຶງ ) ຕັ້ງຢູ່ໃນປະຈຸບັນ ແລະ ປະຊາຊົນ ກໍ່ໄດ້ເອົາວັດຖຸທານມາຖວາຍໃຫ້ພະພຸດທະເຈົ້າ ໄດ້ສັນ ຈາກນັ້ນ ອົງພະພຸດທະເຈົ້າ ກໍ່ໄດ້ເທດສະໜາທຳ ໃຫ້ແກ່ປະຊາຊົນ ແລະ ໄດ້ກ່າວສັ່ງສອນ ໃຫ້ຊາວເມືອງແຫ່ງນີ້ ຖືສິນກິນທານ,

ເມື່ອຄາວນັ້ນ ກ່ອນທີ່ ອົງພະພຸດທະເຈົ້າ ຈະຈາກໄປໄດ້ສັ່ງຄວາມໄວ້ກັບ ພະມະຫາ ອະນົນເຖຣະ ຜູ້ຕິດຕາມຂອງພະອົງໄວ້ວ່າ:

ເມື່ອໃດ ເຮົາຫາກ ປະລິນິພານ ( ຕາຍ ) ໄປແລ້ວໃຫ້ ພະອານົນ ເຖຣະເຈົ້າ ເອົາກະດູກຄໍຫອຍ, ຫີນລັບພ້າຊາຍຄຳ ແລະ ພ້າມີດຂູບດ້າມຄຳ ຂອງເຮົາມາຈຸກໍ່ໄວ້ ເໜືອດອຍ (ເທິງພູ) ຊຽງຕຶງແຫ່ງນີ້ດ້ວຍ ເພື່ອໄວ້ປົກປັກຮັກສາ ດິນແດນເມືອງແຫ່ງນີ້ຕໍ່ໄປ, ຫຼັງຈາກນັ້ນ ພະອົງກໍ່ໄດ້ເດີນທາງໄປສູ່ປ່າ ເຊຕະວັນ ແລະ ອີກສອງປີຕໍ່ມາ ພະພຸດທະເຈົ້າ ກໍ່ໄດ້ປະລິນິພານ (ຕາຍ).

ຫຼັງຈາກນັ້ນ ພະອານົນ ເຖຣະເຈົ້າ ຈຶ່ງໄດ້ນຳເອົາ ກະດູກຄໍຫອຍ, ຫີນລັບພ້າຊາຍຄຳ ແລະ ມີດຂູບດ້າມຄຳ ຂອງພະພຸດທະເຈົ້າ ມາມອບໃຫ້ ພະມະຫາເຖຣະເຈົ້າ ທີ່ຢູ່ເມືອງແຫ່ງນີ້

ຕາມຄຳບອກຂອງ ພະພຸດທະເຈົ້າ, ສິ່ງຂອງເຫຼົ່ານັ້ນຂອງພະພຸຸດທະເຈົ້າ ໄດ້ຖືກເກັບຮັກສາໄວ້ ໃນຫີບຄຳ ຢູ່ໃນເມືອງເປັນເວລາ 7 ຊົ່ວເຈົ້າຟ້າ ທີ່ປົກຄອງເມືອງລວມເປັນເວລາ 400 ປີ.

ຕໍ່ມາ ພະສຳພູຕະເຖຣະຕົນໜຶ່ງມີລູກສິດ 500 ຕົນ ທີ່ໄດ້ຮັກສາຫີບຄຳນີ້ໄວ້ອີກໄດ້ 20 ປີ, ຈາກນັ້ນ ຈິ່ງໄດ້ຮູ້ຂ່າວວ່າ ມີພະຍາຕົນໜຶ່ງ ຊື່ວ່າ “ພະຍາອະໂສກະທຳມະລາຊາ” ເປັນຜູ້ທີ່ມີຊື່ສຽງ ໂດ່ງດັງ ໃນການສ້າງວັດວາອາຮາມ ແລະ ກໍ່ສ້າງເຈດີ ໄດ້ເຖິງ 84,000 ດວງ ຢູ່ທຸກຫົນແຫ່ງໃນໂລກ. ດັ່ງນັ້ນ ພະສຳພູຕະເຖຣະຜູ້ນີ້ ຈຶ່ງໄດ້ໄປອັນເຊີນເອົາ ພະຍາອະໂສກະທຳມະລາຊາ ມາສ້າງພະທາດ ຢູ່ໃນເມືອງສິງ

ເຊິ່ງພະຍາອະໂສກະທຳມະລາຊາ ກໍ່ໄດ້ເດີນທາງມາຕາມຄຳເຊີນ ແລະ ພະສຳພູຕະເຖຣະຕົນນັ້ນ ພ້ອມດ້ວຍລູກສິດ 500 ຕົນ ກໍ່ໄດ້ເອົາຫີບຄຳ ທີ່ໄດ້ເກັບຮັກສາ ກະດູກຄໍຫອຍ, ຫີນລັບພ້າຊາຍຄຳ ແລະ ມີດຂູບດ້າມຄຳ ມາມອບໃຫ້ ພະຍາອະໂສກະທຳມະລາຊາ ເພື່ອກໍເຈດີ ( ທາດ ).

SA Game
laosjourney.com

ພະຍາອະໂສກະທຳມະລາຊາ ກໍ່ໄດ້ຫາເລີກງາມຍາມດີແລ້ວ ຈື່ງໄດ້ກໍ່ສ້າງ ເຈດີກວມເອົາຫີບຄຳທີ່ບັນຈຸ ກະດູກຄໍຫອຍ, ຫີນລັບພ້າຊາຍຄຳ ແລະ ມີດຂູດດ້າມຄຳ ຂອງພະພຸດທະເຈົ້າ ຢູ່ທີ່ເໜືອດອຍ ( ເທິງພູ ) ຊຽງຕຶງ ໃນມື້ ເດືອນຈຽງເພັງ ປີ ພ ສ 400 ເພື່ອໄວ້ໃຫ້ ຊາວເມືອງໄດ້ສັກກາລະບູຊາ ເປັນພະທາດຄູ່ບ້ານຄູ່ເມືອງແຫ່ງນີ້ຕະຫຼອດໄປ ແລະ ໄດ້ກຳນົດເອົາ ມື້ 15 ຄ່ຳ ເດືອນກຳ ຊົນເຜົ່າໄຕລື້ ເຊິ່ງກົງກັບເດີອນ 12 ລາວ ຫຼື ເດືອນຈຽງເພັງ ຂອງທຸກໆປີ ເປັນມື້ເຮັດບຸນນະມັດສະການພະທາດຕະຫຼອດມາຈົນເຖິງບັດຈຸບັນ.

ຕາມຕຳນານຂອງ ພະທາດຫຼວງຊຽງຕຶງ ຍັງໃຫ້ຮູ້ອີກວ່າ:

ດີນແດນເມືອງສິງ ໃນປະຈຸບັນນີ້ ເຄີຍມີຜູ້ຄົນອາໄສ ແລະ ດຳລົງຊິວິດຢູ່ ມາເປັນເວລາ 2,500 ກວ່າປີແລ້ວ. ພະທາດຫຼວງຊຽງຕຶງ ເຄີຍໄດ້ຖືກປະຕິສັງຂອນ ຈາກເຈົ້າຟ້າ 3 ພະອົງຄື:

ພະຍາແຕນ ໃຫ້ບູລະນະປະຕິສັງຂອນໃໝ່ ເມື່ອປີ ຄ ສ 1591, ເຈົ້າແສງສີ ຂະຕິຍະວົງສາ ບູລະນະປະຕິສັງຂອນໃໝ່ ເມື່ອປີ ຄ ສ 1792 ແລະ ເຈົ້າຟ້າສິຣິໜໍ່ຄຳ ບູລະນະປະຕິສັງຂອນໃໝ່ ເມື່ອປີ ຄ ສ 1873.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: laosjourney.com