ພາສາລາວຄໍາວ່າ ແຫ່ ແລະ ແຮ່ ມີຄວາມໝາຍແນວໃດ?

SA Game

DooDiDo

ມາຮູ້ຈັກຄໍາວ່າ: ແຫ່ ແລະ ແຮ່ ມີຄວາມໝາຍແນວໃດ?

ໃນ​ພາ​ສາ​ລາວການ​ໃຊ້​ພະ​ຍັນ​ຊະ​ນະ​ຕ່າງ​ກັນ​ເລັກ​ນ້ອຍກັບ​ຄຳ​ຕ່າງໆ​ສ່ວນ​ຫລາຍ​ຈະ​ເຮັດ​ໃຫ້​ຄວາມ​ໝາຍ​ຂອງ​ຄຳ​ດັ່ງ​ກ່າວ​ປ່ຽນ​ໄປ ອາດ​ຈະ​ຫລາຍ​ ຫລື​ ນ້ອຍແລ້ວ​ແຕ່​ຄຳ​ສັບ​ນັ້ນໆ​ເຊິງ​ໃນ​ນັ້ນ​ອາດ​ຈະ​ຂື້ນ​ກັບ​ຕົວ​ອັກ​ສອນ​ແດ່​ເພາະ​ອັກ​ສອນ​ບາງ​ຕົວ​ກໍ​ບໍ່​ສາ​ມາດ​ປ່ຽນ​ສຽງ​ໄດ້​ຈາກ​ການ​ໃສ່​ວັນ​ນະ​ຍຸດ​ໃຫ້​ມັນ.

ບົດ​ນີ້​ຈະ​ຍົກ​ເອົາ​ຄຳ​ວ່າ ​ແຫ່ ແລະ ແຮ່ ມາ​ອະ​ທິ​ບາຍ, ເຊິງ​ສອງ​ຄຳ​ນີ້ອ່ານ​ອອກ​ສຽງ​ທີ່​ໃກ້​ຄຽງ​ກັນແຕ່ຕ່າງກັນເລັກ​ນ້ອຍ​ທີ່​ອັກ​ສອນ ຫ ແລະ ຮ, ແຕ່ຄົນຕ່າງຊາດກໍ່ຍັງຈຳແນກສຽງອອກຍາກຢູ່ດີ ເພາະພາສາ ສາກົນບໍ່ມີວັນນະຍຸດສ່ວນຫຼາຍຈະອ່ານອອກສຽງກາງທີ່ບໍ່ມີສຽງ ເອກ-ໂທ ຄືພາສາລາວ ກັບ ພາສາໄທ. ແຕ່ໃນນີ້ຈະຕ້ອງເນັ້ນໜັກໃນການອອກສຽງ ຄໍາວ່າ: ​ແຫ່, ແຮ່ ມັນມີຄວາມໝາຍໄປຄົນລະຢ່າງກັນ ແລະ ແຕ່ລະຄໍາກໍ່ມີຄວາມໝາຍໄປອີກຫຼາຍຢ່າງ.

SA Game
DooDiDo

ຄຳວ່າ ​ແຫ່.

ໝາຍ​ເຖິງ​ການ​ໄປ​ເປັນ​ຂະ​ບວນ, ນຳ​ກັນ​ໄປ​ເປັນ​ຂະ​ບວນ, ການ​ແຫ່​ທຽນ, ແຫ່​ເຂີຍ, ແຫ່​ຜ່າ​ສາດ​ເຜີ້ງ, ແຫ່​ນາກ ແລະ ອື່ນໆ.

ຕົວ​ຢ່າງ:

  • ​ໄດ້​ມີ​ລົດ​ແຫ່​ຂະ​ບວນ​ຂອງ​ງານ​ສົບ​ຄົນ​ຕາຍ​ໄປ​ເຜົາ​ຢູ່​ວັດ.
  • ເດັກ​ນ້ອຍ​ແຖວ​ບ້ານ​ນີ້​ມີ​ຈ່ຳ​ນວນ​ຫລາຍ, ໄປ​ໃສ່​ມາ​ໃສ່ ກໍ​ແຫ່​ກັນ​ໄປ​ແຫ່​ກັນ​ມາ.
  • ມີ​ງານດອງ​ຢູ່​ບ້ານ​ຂ້ອຍ ເຂົາ​ເຈົ້າ​ໄດ້​ມີ​ການ​ແຫ່​ເຂີຍ​ໄປ​ເຮືອນ​ເຈົ້າ​ສາວ.

ຄຳວ່າ ແຮ່.

ໝາຍ​ເຖິງ ສິ່ງ​ທີ່​ເປັນ​ວັດ​ຖຸ​ທາດ, ສິງ​ທີ່​ເປັນ​ທາດ, ແຮ​່​ຫິນ​ດິນ​ຊາຍ, ຫິນ​ແຮ່, ແຮ່​ທາດ, ແຮ່​ເງິນ​ແຮ່​ຄຳ, ບໍ່​ຫິນ​ແຮ່

ຕົວ​ຢ່າງ:

  • ​ມື້​ນີ້​ລຸງ​ຂ້ອຍ​ລົດ​ເອົາ​ຫິນ​ແຮ່​ເຂົ້າ​ເຮືອນ, ລາວ​ຊິ​ປຸກ​ເຮືອນ​ໃໝ່.
  • ໄດ້​ມີ​ການ​ຂຸດ​ຄົ້ນ​ແຮ່​ທາດ​ຈ່ຳ​ນວນ​ຫລວງ​ຫລາຍ​ໃນ ສ​ປ​ປ ລາວ.
  • ກະ​ຊວງ​ພະ​ລັງ​ງານ ແລະ ບໍ່​ແຮ່
  • ນ້ຳ​ດື່ມ​ແຮ່​ທາດ​ນ້ຳ​ດື່ມ​ເພື່ອ​ສຸ​ຂະ​ພາບ.

ສະ​ຫ​ລຸບ.

ຄຳ​ວ່າ ແຫ່ ໝາຍ​ເຖິງ​ການ​ໄປ​ເປັນ​ຂະ​ບວນ, ນຳ​ກັນ​ໄປ​ເປັນ​ຂະ​ບວນ, ການ​ແຫ່​ທຽນ, ແຫ່​ເຂີຍ, ແຫ່​ຜ່າ​ສາດ​ເຜີ້ງ, ແຫ່​ນາກ ແລະ ອື່ນໆ.

ສ່ວນ​ຄຳ​ວ່າ ແຮ່ ໝາຍ​ເຖິງ ສິ່ງ​ທີ່​ເປັນ​ວັດ​ຖຸ​ທາດ, ສິງ​ທີ່​ເປັນ​ທາດ, ແຮ​່​ຫິນ​ດິນ​ຊາຍ, ຫິນ​ແຮ່, ແຮ່​ທາດ, ແຮ່​ເງິນ​ແຮ່​ຄຳ, ບໍ່​ຫິນ​ແຮ່.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo