ປະ​ຫວັດ​ຄວາມ​ເປັນ​ມາ​ຂອງ ຫີນງອກ ພູ​ນາງ​ລາວ ອັນ​ໜ້າ​ອັດ​ສະ​ຈັນ

SA Game

ເສດ​ຖະ​ກິດ-ສັງ​ຄົມ

ມາ​ເບິ່​ງ​ຄວາມ​ສວຍ​ງາມ ແລະ ປະ​ຫວັດຄວາມ​ເປັນ​ມາ​ຂອງ ຫີນງອກ ພູ​ນາງ​ລາວ.

ຫລາຍໆ​ຢ່າງ​ໃນ​ໂລກ​ນີ້​ທີ່​ທຳ​ມະ​ຊາດ​ສ້າງ​ຂື້ນ​ໃຫ້​ເຮົາ​ເຫັນ​ລ້ວນ​ແລ້ວ​ແຕ່​ສ່ວຍ​ງາມ ແລະ ຫລາຍໆ​ຢ່າງ​ຄົນ​ເຮົາ​ກໍ​ຄາດ​ບໍ່​ເຖິງ, ແຕ່​ມະ​ນຸດ​ເຮົາ​ເປັນ​ຕົ້ນ​ກໍ​ແມ່ນ​ຄົນ​ລາວ​ເຮົາ​ທີ່​ມັກ​ມີ​ວັນ​ນະ​ຄະ​ດີ​ຕ່າງໆ​ສຳ​ລັບ​ທຸກ​ສິ່ງ​ທີ່​ເກີດ​ຂື້ນ​ໃນ​ໂລກ​ນີ້, ອາດ​ຈະ​ແມ່ນ​ເລື່ອງ​ເລົ່າ, ຈີນ​ຕະ​ນາ​ການ, ຫລື ຄວາມ​ເປັນ​ຈິງ​ຕ່າງໆ​ທີ່​ອອກ​ມາ​ເປັນ​ວັນ​ນະ​ຄະ​ດີ, ບົດ​ເລື່ອງ ແລະ ນິ​ທານ​ຕ່າງໆ ທີ່​ເລົ່າ ແລະ ສືບ​ທອດ​ກັນ​ມາ​ຫລາຍ​ເຊັນ​ຄົນ.

ສະ​ນັ້ນ, ດ້ວຍຄວາມງາມແບບທຳມະຊາດສ້າງຂຶ້ນໂດຍບໍ່ມີຜູ້ໃດປັ້ນແຕ່ງໂດຍສະເພາະກໍ່ແມ່ນຄວາມງົດງາມຂອງຫີນງອກທີ່ມີນໍ້າຍ້ອຍໄຫຼຜ່ານຫຼາຍພັນປີລວມທັງຫີນຍ້ອຍຊຶ່ງກ່ຽວພັນກັບນິທານພື້ນບ້ານທີ່ເລົ່າຂານກັນມາເປັນຕົ້ນແມ່ນແຕ່ກ່ອນມີຊາຍຊົນເຜົ່າຄົນໜື່ງຫຼົງມັກສາວລາວລຸ່ມຄົນໜຶ່ງຊຶ່ງນາງເປັນລູກຄົນຮັ່ງມີ, ໃນສະໄໝນັ້ນວັນໜຶ່ງຊາຍຄົນນັ້ນຈຶ່ງໄດ້ວາງແຜນໄປລັກເອົາລູກສາວຄົນນັ້ນມາເຊື່ອງໄວ້,ໃນເບື້ອງຕົ້ນໄດ້ຈັບເອົາໄປເຊື່ອງໄວ້ຢູ່ພູກະແຕ,ແຂວງສາລະວັນ,ແຕ່ນາງກໍ່ຍັງແນມເຫັນບ້ານຕົນເອງ.

SA Game
ເສດ​ຖະ​ກິດ-ສັງ​ຄົມ

ຈາກນັ້ນກໍ່ເລີຍພານາງຍ້າຍມາຢູ່ພູລະກຸບ, ແຂວງເຊກອງ, ແຕ່ນາງກໍ່ຍັງແນມເຫັນບ້ານ ແລະຄິດຮອດບ້ານຢູ່ຄືເກົ່າ, ໃນທີ່ສຸດຜູ້ຊາຍຄົນນັ້ນກໍ່ໄດ້ນໍາເອົານາງມາເຊື່ອງ ໄວ້ທີ່ພູລະກາຍ. ແຕ່ຍ້ອນຄວາມຄິດຮອດ ແລະຄິດເຖິງນາງກໍ່ໄດ້ ປີນຂຶ້ນໄປເທິງຈອມພູດັ່ງກ່າວ, ນາງໄດ້ໄຫ້ນໍ້າຕາໄຫຼລົງໃສ່ຈອມພູດັ່ງກ່າວຈົນກາຍເປັນຮ່ອງຫ້ວຍ ສອງສາຍຄື: ຫ້ວຍນໍ້າຕາຂ້າງຊ້າຍເອີ້ນວ່າ: “ນາງລາວ”, ຫ້ວຍນໍ້າຕາເບື້ອງຂວາຕົກລົງແຕ່ຈອມພູເອີ້ນວ່າ: “ຫ້ວຍຖໍ້ານໍ້າລອດ”. ສອງຫ້ວຍໄດ້ໄຫຼຕົກລົງມາໃສ່ຫ້ວຍໄອ່, ສ່ວນໂຕຂອງນາງລາວເລີຍກາຍເປັນຫີນຮູບຄົນຕັ້ງຢູ່ຈອມພູ, ດັ່ງນັ້ນຈຶ່ງໄດ້ເອີ້ນພູນີ້ວ່າ “ພູຖໍ້າເດັ້ງ ນາງລາວ”ພູນາງລາວຕັ້ງຢູ່ບ້ານຖໍ້າເດັ້ງ,ເມືອງກະລຶມຫ່າງຈາກເທ ສະບານແຂວງ 79 ກິໂລແມັດ ແລະຈາກເທສະບານເມືອງກະລຶມ 16 ກິໂລແມັດ.

ພູນາງລາວ ເປັນສະຖານທີ່ທ່ອງທ່ຽວທີ່ໄດ້ຮັບຄວາມສົນ-ໃຈຫຼາຍສົມຄວນເນື່ອງຈາກວ່າສະຖານທີ່ທ່ອງທ່ຽວແຫ່ງນີ້ມີຄວາມງາມທີ່ເປັນເອກະລັກແບບທຳມະຊາດໂດຍສະເພາະກໍ່ແມ່ນຫີນງອກທີ່ປົ່ງຊ້ອນຂຶ້ນພາຍໃນຖໍ້ານອກຈາກນັ້ນຍັງໄດ້ສຳພັດກັບບັນຍາກາດຄວາມງົດງາມ, ຄວາມເຢັນຂອງອາກາດ, ພ້ອມກັນນັ້ນພູນາງລາວຍັງເປັນສະຖານທີ່ພັກຜ່ອນທີ່ໄດ້ຮັບຄວາມນິຍົມຂອງບັນດາປະຊາຊົນທ້ອງຖິ່ນໂດຍສ່ວນໃຫຍ່ແລ້ວຜູ້ຄົນຈະນິຍົມກັນໄປກິນເຂົ້າປ່າເນື່ອງຈາກວ່າທຳມະຊາດອ້ອມຂ້າງບໍລິເວນຖໍ້າດັ່ງກ່າວລ້ວນແຕ່ມີປ່າໄມ້ທີ່ອຸດົມສົມບູນໃຫ້ຄວາມສົດຊື່ນ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ເສດ​ຖະ​ກິດ-ສັງ​ຄົມ