ນ້ຳຕົກຕາດຊາຍຄວາມ​ງາມ​ຈາກ​ທຳ​ມະ​ຊາດ​ນ້ຳ​ຕົກ​ຈາກ​ຜາ​ຫິນ​ສູງ​ຊັນ​ສວຍ​ງາມ

SA Game

ອິນ​ໄຊ​ລາວ

ຄວາມ​ງາມ​ຂອງ​ທຳ​ມະ​ຊາດ​ນ້ຳ​ໃສ່​ໄຫລ​ເຢັນ ນ້ຳຕົກຕາດຊາຍ ແຂວງ ບໍລິຄຳໄຊ

ຖ້າ​ຈະ​ເວົ້າ​ເຖິງ​ຄວາມ​ສວຍ​ງາມ​ຂອງ​ຕາດ​ຢຸ່​ແຂວງ​ບໍ​ລິ​ຄຳ​ໄຊ​ແລ້ວ, ຄົງ​ຈະ​ບໍ່​ເວົ້າ​ເຖິງ​ນ້ຳ​ຕົກ​ຕາດ​ຊາຍ​ບໍ່​ໄດ້ ເພາະ​ນ້ຳ​ຕົກ​ນີ້​ຖື​ວ່າ​ສວຍ​ງາມ​ຫລາຍ, ນ້ຳຕົກຕາດຊາຍ ຕັ້ງຢູ່ເຂດປ່າສະຫງວນແຫ່ງຊາດ ພູເຂົາຄວາຍ, ບ້ານ ຫາດໄຄ້, ເມືອງ ທ່າພະບາດ, ແຂວງ ບໍລິຄຳໄຊ ຫ່າງຈາກ ເທດສະບານເມືອງ ທ່າພະບາດ 19 ກິໂລແມັດ, ເຊິ່ງໄດ້ເລີ່ມເປີດເປັນແຫຼ່ງທ່ອງທ່ຽວຕັ້ງແຕ່ປີ 2004 ເປັນຕົ້ນມາ ແຕ່ກໍຍັງຮັກສາຄວາມເປັນທຳມະຊາດທີ່ອຸດົມສົມບູນໄວ້ໄດ້ໂດຍບໍ່ມີການດັດແປງແຕ່ຢ່າງໃດ.

ຕາດຊາຍ ເປັນນ້ຳຕົກຕາດ ທີ່ຕັ້ງຢູ່ບໍລິເວນປ່າສະຫງວນແຫ່ງຊາດ, ເຊິ່ງອ້ອມຮອບໄປດ້ວຍປ່າໄມ້ນາໆ ພັນ ຈຶ່ງເຮັດໃຫ້ມີຄວາມຊຸ່ມເຢັນພ້ອມທັງມີນ້ຳໄຫຼຕະຫຼອດປີແບບບໍ່ເຫືອດແຫ້ງ, ສິ່ງດັ່ງກ່າວຖືໄດ້ວ່າເປັນຄວາມມະຫັດສະຈັນທາງທຳມະຊາດອີກຢ່າງໜຶ່ງທີ່ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ໄປທ່ຽວຊົມ. ນອກຈາກນີ້, ຍັງເປັນນ້ຳຕົກຕາດທີ່ມີຫຼາຍຊັ້ນ ໃນລະດູຝົນນ້ຳຈະຫຼາຍ ແລະ ງາມເປັນພິເສດ, ເຊິ່ງນັກທ່ອງທ່ຽວສາມາດຊົມນ້ຳຕົກໄດ້ສອງຈຸດຄື:

SA Game
ອິນ​ໄຊ​ລາວ

ຈຸດທີ່ເປັນນ້ຳຕົກໄຫຼລົງມາຕາມພະລານຫີນທີ່ຄ້າຍຄືກັບຂັ້ນໄດໄຫຼລົງສູ່ວັງນ້ຳທີ່ມີຄວາມເຢັນ, ໃສ ໂດຍນັກທ່ອງທ່ຽວສາມາດລົງຫຼິ້ນນ້ຳໄດ້ ແລະ ອີກຈຸດໜຶ່ງນັກທ່ອງທ່ຽວສາມາດເບິ່ງເຫັນສາຍນ້ຳຕົກຕາດຊາຍທີ່ຕົກລົງມາຈາກຜາຫີນສູງທີ່ມີຄວາມງາມບໍ່ໜ້ອຍໄປກວ່າຈຸດທຳອິດເຊິ່ງເປັນຈຸດທີ່ນັກທ່ອງທ່ຽວ, ຊ່າງພາບຫຼາຍທ່ານມັກໃຊ້ເປັນບ່ອນຖ່າຍຮູບ.

ເພື່ອສ້າງຄວາມສະດວກໃຫ້ກັບນັກທ່ອງທ່ຽວ ແມ່ນສາມາດນັ່ງກິນເຂົ້າຕາມພະລານຫີນທີ່ຢູ່ແຄມນ້ຳເພື່ອສຳຜັດກັບບັນຍາກາດ ແລະ ອາຍນ້ຳທີ່ເຢັນສະບາຍໄດ້ ແຕ່ຕ້ອງຢູ່ພາຍໃຕ້ກົດລະບຽບຂອງແຫຼ່ງທ່ອງທ່ຽວ ຫຼື ຈະນັ່ງພັກຜ່ອນເທິງສາລາທີ່ເປັນທັງຈຸດຊົມນ້ຳຕົກ ແລະ ພັກຜ່ອນ, ພ້ອມທັງມີຮ້ານອາຫານໄວ້ໃຫ້ບໍລິການກັບນັກທ່ອງທ່ຽວນຳອີກ, ນອກຈາກນີ້ ຍັງມີຫ້ອງພັກສໍາລັບນັກທ່ອງທ່ຽວທີ່ຢາກສໍາຜັດກັບທໍາມະຊາດແບບເຕັມອິ່ມໃນການນອນແຮມຄືນທ່າມກາງປ່າໄມ້ ແລະ ສາຍນ້ຳ.

SA Game
ອິນ​ໄຊ​ລາວ

ຖ້າຫາກນັກທ່ອງທ່ຽວທ່ານໃດກຳລັງຊອກຫາສະຖານທີ່ພັກຜ່ອນທ່າມກາງທຳມະຊາດ, ອາກາດບໍລິສຸດທີ່ຢູ່ບໍ່ໄກຈາກເມືອງໃຫຍ່ກໍຢ່າລືມໄປພັກຜ່ອນຢູ່ທີ່ນ້ຳຕົກຕາດຊາຍແຫ່ງນີ້, ເຊິ່ງເໝາະສຳລັບນັກທ່ອງທ່ຽວທຸກເພດ, ທຸກໄວສາມາດໄປທ່ຽວໄດ້ທຸກລະດູ, ສຳລັບການເດີນທາງໄປ-ມາກໍສະດວກສະບາຍທັງລົດໂດຍສານ ຫຼື ລົດສ່ວນຕົວກໍສາມາດເດີນທາງໄປໄດ້.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບ​ໃຈແຫຼ່ງຂໍ້ມູນຈາກ: ອິນ​ໄຊ​ລາວ.