ຖ້ຳພໍ່ບົວ ຖ້ຳທຳ​ມະ​ຊາດ​ອັນສັກສິດທີ່ຄວນໄປສັກກາລະບູຊາ

SA Game

ພາບ: sethakit-psx.la

ຖ້ຳພໍ່ບົວ ຖ້ຳສວຍງາມ ແລະ ສັກສິດທີ່ຄວນໄປສັກກາລະບູຊາ.

ຖ້າຈະເວົ້າເຖິງສະຖານທີ່ທ່ອງທ່ຽວພາຍໃນເມືອງຊຽງຮ່ອນແລ້ວກໍ່ມີຫຼາຍບ່ອນທີ່ໜ້າສົນໃຈໂດຍສະເພາະທາງດ້ານວັດທະນະທຳ ແລະທຳມະຊາດ,ຄຽງຄູ່ກັນນັ້ນປະຊາຊົນຊາວເມືອງຊຽງຮ່ອນຍັງເປັນຜູ້ທີ່ມີຈິດໃຈໂອບເອື້ອຍອາລີ, ມີຄວາມດຸໝັ່ນຂະຫຍັນພຽງ, ຮັກ ແລະຫວງແຫນໃນມູນເຊື້ອທາງດ້ານມໍລະດົກວັດທະນະທຳອັນດີງາມກໍ່ຄືຂອງຊາດ.

ສະຖານທີ່ທ່ອງທ່ຽວທີ່ເມືອງຊຽງຮ່ອນຄັ້ງນີ້ແມ່ນຈະມານຳສະເໜີສະຖານທີ່ທ່ອງທ່ຽວທາງທຳມະຊາດສິ່ງທີ່ເປັນໜ້າອັດສະຈັນທີ່ເກີດຂຶ້ນຈາກທໍາມະຊາດນັ້ນກໍ່ແມ່ນຖ້ຳພໍ່ບົວ.

ຖ້ຳພໍ່ບົວຫຼືຖໍ້າພະຕັ້ງຢູ່ບ້ານຂິ່ງຫ່າງຈາກເທສະບານເມືອງຊຽງຮ່ອນປະມານ 5 ກິໂລແມັດເທົ່ານັ້ນ, ເປັນສະຖານທີ່ທ່ອງທ່ຽວທີ່ໄດ້ຮັບຄວາມສົນໃຈຫຼາຍສົມຄວນເນື່ອງຈາກວ່າສະຖານທີ່ທ່ອງທ່ຽວແຫ່ງນີ້ມີຄວາມງາມທີ່ເປັນເອກະລັກແບບທຳມະຊາດຖ້ຳພໍ່ບົວຍັງເປັນຖ້ຳທີ່ເກົ່າແກ່ທີ່ທຳມະຊາດສັນສ້າງຂື້ນຢ່າງສວຍສົດງົດງາມ ແລະເປັນທີ່ໜ້າອັດສະຈັັນ.

SA Game
ພາບ: sethakit-psx.la

ຊຶ່ງເປັນເວລາດົນນານມາແລ້ວມີພະບົວລຽບປັດສະໂຖພ້ອມດ້ວຍສຳມະເນນ 3 ອົງ ຄື: ສຳມະເນນອິນເຫຼົາ, ສຳມະເນນຄຳ ແລະສຳມະເນນກັນນິຖາພາກັນໄປຈຳສິນພາວັນນາຢູ່ໃນປ່າ, ສ່ວນພະບົວລຽບປັດສະໂຖໄດ້ຈຳສິນຢູ່ໃນຖ້ຳ.

ການທີ່ມີພະສົງໄປຈຳສິນພາວັນນາສຶກສາຮ່ຳຮຽນວິໄນສົງຢູ່ເຂດນັ້ນກໍເລີຍມີອອກຕົນຍາດໂຍມພາຍໃນບ້ານຂິ່ງ ແລະບ້ານຄ້ຳພາກັນມາບູລະນະປະຕິສັງຂອນຖ້ຳແຫ່ງນີ້ດ້ວຍການປຸກສ້າງກຸດຕິ, ກໍ່ພະທາດເຈດີ ແລະໄດ້ນຳເອົາພະພຸດທະຮູບໄປປະດິດສະຖານເພື່ອສັກກາລະບູຊາ.

ໃນບຸນປີໃໝ່ລາວຂອງແຕ່ລະປີປະ ຊາຊົນໄດ້ພ້ອມພາກັນໄປຫົດສົງພະພຸດທະຮູບ ແລະເປັນການໄປທ່ຽວຊົມທຳມະຊາດທີ່ມີຄວາມສວຍສົດງົດງາມ.

ຖ້າຫາກທ່ານມີໂອກາດໄດ້ໄປແຂວງໄຊຍະບູລີຖ້າຢາກສຳຜັດບັນຍາກາດແບບນີ້ທ່ານລອງໄປທ່ຽວຊົມຖ້ຳພໍ່ບົວລອງເບິ່ງແລ້ວທ່ານຈະໄດ້ສຳຜັດກັບບັນຍາກາດດີໆ ພ້ອມກັບຄວາມອົບອຸ່ນ ແລະ ສະບາຍໃຈ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: www.sethakit-psx.la