ຍັງ​ຫຍຸ້ງ​ຍາກ! ການ​ຮຽນ​ການ​ສອນ​ແບບ​ອອນ​ລາຍ​ຍັງ​ພົບ​ຫລາຍ​ບັນ​ຫາ

SA Game

Manivanh Sisombut

ການຮຽນ-ການສອນແບບອອນລາຍແມ່ນການຮຽນໜັງສື ຫຼື ເປັນການສົ່ງເສີມເດັກນ້ອຍຕິດເກມ?

ພາຍຫລັງ ລັດຖະບານໄດ້ດຳເນີນການໄຂສົກຮຽນໃໝ່ ປີ 2021-2022 ຢ່າງເປັນທາງການໃນຕົ້ນເດືອນກັນຍາຜ່ານມາ ໃນທ່າມກາງສະພາບການແຜ່ລະບາດຂອງພະບາດ ໂຄວິດ-19 ຍັງຮ້າຍແຮງ ເນື່ອງຈາກລັດຖະບານ ກໍຄືກະຊວງສຶກສາທິການ ແລະ ກິລາ ໄດ້ໃຫ້ຄວາມສຳຄັນ ແລະ ມີຄວາມພະ ຍາຍາມສູງ ເພື່ອເດັກນັກຮຽນ-ນັກສຶກສາ ຊັ້ນຕ່າງໆ ໄດ້ເຂົ້າເຖິງການສຶກສາ ໂດຍໄດ້ມຸ່ງເນັ້ນ ແລະ ພັດທະ ນາໃສ່ການຮຽນ-ການສອນແບບອອນລາຍ ບໍ່ວ່າຈະເປັນໂຮງຮຽນລັດ ຫລື ເອກະຊົນ.

ແຕ່ການຮຽນ-ການສອນດັ່ງກ່າວມັນກໍມີທັງຂໍ້ສະດວກ ແລະ ຂໍ້ຫຍຸ້ງຍາກພໍສົມຄວນ ເນື່ອງຈາກວ່າບາງໂຮງຮຽນມີອຸປະກອນ ໄອທີ ຄົບຊຸດກໍສອນທາງອອນລາຍໄດ້, ແຕ່ບາງໂຮງຮຽນຍັງຂາດອຸປະກອນການຮຽນ-ການສອນ ເຮັດໃຫ້ພົບຄວາມຫຍຸ້ງ ຍາກ ລວມເຖິງຄູອາຈານ, ຜູ້ປົກຄອງ ແລະ ນັກຮຽນນຳອີກເພື່ອໃຫ້ລູກຫຼານຂອງເຂົາເຈົ້າໄດ້ເຂົ້າເຖິງການສຶກສາແບບລູກຜູ້ອື່ນ ແຕ່ວ່າການຮຽນ-ການສອນ ທາງອອນລາຍນີ້ນັກຮຽນ-ນັກສຶກສານັ້ນຈະໄດ້ຄວາມຮູ້ແທ້ ຫຼື ບໍ ຫຼື ເປັນການສົ່ງເສີມເຮັດໃຫ້ເດັກນ້ອຍຕິດເກມເທົ່ານັ້ນ.

SA Game
Manivanh Sisombut

ທີມງານວຽງຈັນທາຍໄດ້ມີການສອບຖາມບັນດານັກຮຽນທີ່ຮຽນຜ່ານລະບົບອອນລາຍຊຶ່ງມີນັກຮຽນຈໍານວນຫຼາຍໄດ້ໃຫ້ຄໍາຕອບວ່າ ບໍ່ເຂົ້າໃຈຫຍັງເລີຍ ແລະ ເຮັດໃຫ້ພວກເຂົາສັບສົນໃນບົດຮຽນ.

ກ່ຽວກັບການຮຽນ-ການສອນດັ່ງກ່າວ, ທ່ານອາຈານ ສາຍຄໍາ ມູນມະນີວົງ ຢູ່ສະຖາບັນການເມືອງການປົກຄອງໃຫ້ທັດສະນະວ່າ: ການຮຽນ-ການສອນແບບດັ່ງກ່າວຖືວ່າເປັນການດີເພາະຈະເຮັດໃຫ້ລະບົບການສຶກສາແລ່ນໄປຕາມລະບົບ ຫຼື ທິດທາງທີ່ທາງກະຊວງສຶກສາ ທິການ ແລະ ກິລາວາງອອກເຖິງແມ່ນວ່າຈະໄດ້ຮັບຜົນກະທົບຈາກພະຍາດໂຄວິດ-19 ກໍຕາມ, ແຕ່ການຮຽນ-ການສອນແບບດັ່ງກ່າວນັ້ນພວກເຮົາຄວນເບີ່ງເລິກໄປກວ່ານັ້ນກໍຄື ນັກຮຽນ ນັກສຶກສາແມ່ນໄດ້ຄວາມຮູ້ແທ້ ຫຼື ບໍ່ ຈາກການຮຽນຜ່ານລະບົບດັ່ງກ່າວ.

SA Game
Manivanh Sisombut

ທ່ານອາຈານ ສາຍຄໍາໃຫ້ຮູ້ຕື່ມວ່າ: ພໍ່ແມ່ຖ້າເປັນຜູ້ຖານະດີກໍຖືວ່າໄຄແດ່ມີເງິນຊື້ໂທລະສັບໃຫ້ລູກ ແຕ່ພໍ່ແມ່ຈໍານວນບໍ່ໜ້ອຍທີ່ບໍ່ມີເງິນ ຈໍາເປັນຕ້ອງຂົນຂວາຍຊອກເງິນມາຊື້ໂທລະສັບໃຫ້ລູກເພື່ອໃຫ້ລູກຂອງພວກເຂົາໄດ້ຮຽນຄືໝູ່ຜູ້ອື່ນ ແຕ່ກົງກັນຂ້າມເມື່ອໄດ້ໂທລະສັບແລ້ວມີນັກຮຽນ ຫຼື ເດັກນ້ອຍຈໍານວນບໍ່ໜ້ອຍພັດບໍ່ຮູ້ຮຽນຜ່ານລະບົບດັ່ງກ່າວ, ບາງຄົນຮຽນແຕ່ບໍ່ເຂົ້າໃຈຫຍັງເລີຍ ຫຼື ເດັກນ້ອຍບາງຄົນກໍບໍ່ຮຽນເລີຍ ເຮັດໃຫ້ໃຊ້ໂທລະສັບໄປໃນທາງທີ່ບໍ່ດີ ຕິດໂທລະສັບເຊັ່ນ: ໃຊ້ໂທລະສັບເພື່ອເບິ່ງນັ້ນນີ້, ຫຼິ້ນເກມ, ບໍ່ຟັງຄວາມພໍ່ແມ່ ແລະ ອື່ນໆ, ດັ່ງນັ້ນພໍ່ແມ່ຜູ້ປົກຄອງນັກຮຽນຄວນເອົາໃຈໃສ່ອີກຊ່ອງທາງໜຶ່ງຊ່ວຍຄູ-ອາຈານໃນການຄຸ້ມຄອງລູກຫຼານໃນການຮຽນ ເພາະບໍ່ດັ່ງນັ້ນພວກເຂົາອາດໃຊ້ໂທລະສັບໄປໃນທາງທີ່ຜິດ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: vientianetimeslao.la