ງົດ​ງາມ! ມາ​ເບິ່ງ​ຄວາມ​ງາມ​ຂອງ​ຖ້ຳ​ໃໝ່​ເມືອງ​ເຟືອງ​ສວຍ​ງາມ​ເກີນ​ບັນ​ຍາຍ

SA Game

ພາບໂດຍເພສບຸກອ້າຍ: Boun Panyavong

ມາ​ເບ​ິ່ງຄວາມງົດງາມ​ຂ​ອງຖໍ້າໃໝ່ເມືອງເຟືອງ ດິນແດນຜາທໍ່ໜໍ່ຄຳ ທີ່​ລ້ຳ​ລື​ກັນ

ໃນ​ຊ່ວງ​ນີ້​ຄົງ​ບໍ່​ມີ​ໃຜ​ທີ່​ບໍ່​ຮູ້​ຈັກ​ເມືອງ​ເຟືອງ​ອີກ​ແລ້ວ​ເພາະ​ຊວງ​ນີ້​ບໍ່​ວ່າ​ແຕ່​ກະ​ແສ​ໃນ​ການ​ທ່ອງ​ທ່ຽວ​ທາງ​ເຟ​ສ​ບຸກ ຫລື ສື​່​ຈາກ​ຫລາຍໆ​ຊ່ອງ​ທາງ​ກໍ​ລ້ວນ​ແລ້ວ​ແຕ່​ມີ​ພາບ​ແຫລ່ງ​ທ່ອງ​ທ່ຽວ​ອັນ​ສວຍ​ງາມ​ຂອງ​ເມືອງ​ເຟືອງ​ເນືອງ​ຈາກ​ເມືອງ​ເຟືອງ​ມີ​ທຳ​ມະ​ຊາດ​ພູ​ຜາ​ປ່າ​ໄມ້​ແມ່​ນ້ຳ​ລຳ​ເຊ​ທີ່​ສວຍ​ງາມ​ຫລາຍ​ຈົນ​ເຮັດ​ໃຫ້​ຫລາຍໆ​ທ່ານ​ຢາກ​ໄປ​ທ່ຽວ​ກັນ​ຢ່າງ​ເນືອງ​ນິດ​ລຽນ​ຕິດ​ດັ່ງ​ຄຳ​ທີ່​ວ່າ ເມືອງເຟືອງແຂວງວຽງຈັນ ດິນແດງຜາທໍ່ໜໍ່ຄຳ.

ເມືອງ​ເຟືອງ​ຖື​ວ່າເປັນອີກເມືອງທີ່ມີປະຫວັດຄວາມເປັນມາທີ່ໜ້າຄົ້ນຫາ ແລະ ມີທຳມະຊາດທີ່ສວຍງາມແຫ່ງໜຶ່ງ ໂດຍມີສາຍນໍ້າລີກ ປະສານກົມກືນກັບພູຜາ ທີ່ມີຊື່ເອີ້ນຕາມຕຳໜານອັນຫຼາກຫຼາຍ.ເຮັດໃຫ້ສອງສາມປີຜ່ານມາ ເມືອງແຫ່ງນີ້ເປັນທີ່ສົນໃຈຂອງນັກທ່ອງທ່ຽວຫຼາຍຂຶ້ນ ເນື່ອງຈາກທຳມະຊາດອັນງົດງາມ ແລະ ບໍ່ໄກຈາກນະຄອນຫຼວງວຽງພໍປານໃດ.

SA Game
ພາບໂດຍເພສບຸກອ້າຍ: Boun Panyavong

ຫຼ້າສຸດ ທີມສຳຫຼວດສະຖານທີ່ທ່ອງທ່ຽວຈາກບໍລິສັດກຣິນດິສໂຄເວີຣີລາວ ນຳໂດຍ ທ່ານອິນທີ ເດືອນສະຫວັນ ໄດ້ລົງສຳຫລວດຖໍ້າແຫ່ງໜຶ່ງຢູ່ເມືອງເຟືອງ ເຊິ່ງງົດງາມຫຼ້າອັດສະຈັນອີກແຫ່ງຂອງເມືອງລາວ.

SA Game
ພາບໂດຍເພສບຸກອ້າຍ: Boun Panyavong

ອ້າຍບຸນ ປັນຍາວົງ Boun Panyavong ໜຶ່ງໃນຜູ້ທີ່ເດີນທາງລົງສຳຫຼວດຖໍ້າແຫ່ງດັ່ງກ່າວ ໄດ້ໂພສຂໍ້ຄວາມລົງເພສບຸກ ໃນຕອນເຊົ້າວັນທີ22ມັງກອນ2022ວ່າ:ເມືອງເຟືອງ ແຂວງວຽງຈັນ ອາດເປັນເສັ້ນທາງການທ່ອງທ່ຽວທີ່ສຳຄັນແຫ່ງໃໝ່ຂອງລາວ ສິ່ງສຳຄັນທີ່ສຸດ ຄືມາໃຫ້ຖືກທີ່ ແລະ ຖືກເວລາ, ສ່ວນທີ່ເຫຼືອຄືທຳມະຊາດລ້ວນໆ.

SA Game
ພາບໂດຍເພສບຸກອ້າຍ: Boun Panyavong

ຂໍຂອບໃຈເຈົ້າຖິ່ນແລະເຈົ້າແນວຄວາມຄິດທີ່ໄດ້ຊັກຊວນໃຫ້ຂ້ອຍໄດ້ມາຮ່ວມເດີນທາງໃນຄັ້ງນີ້ແລະມີຄວາມພາກພູມໃຈສຸດໆໆໆທີ່ໄດ້ເອົາພາບອັນມະຫັດສະຈັນໃນຖ້ຳແຫ່ງນີ້ອອກມາເຜີຍແຜ່ຕໍ່ສັງຄົມກໍ່ຄືຄວາມອຸດົມສົມບູນແລະຮັ່ງມີຂອງ ສປປລາວ ຂອງພວກເຮົາ.

ຂໍສະຫງວນຊື່ແລະສະຖານທີ່ນີ້ໄວ້ກ່ອນເພາະຍັງມີຫລາຍຢ່າງຍັງມີຄວາມຫຍຸ້ງຍາກໃນການເຂົ້າເຖິງແລະຄວາມບໍ່ສະດວກຕ່າງໆ. ຖ້ຳແຫ່ງນີ້ມີຄວາມອຸດົມສົມບູນຫລາຍເພາະເປັນຖ້ຳໃໝ່ ມີຫີນຍ້ອຍຄ້າຍໆກັບນໍ້າກ້ອນ ແຕ່ທາງໃດຖໍ້າບໍ່ໄດ້ໜາວຄືຫຼາຍຄົນຄິດ ອາກາດປົກກະຕິືຖໍ້າທົ່ວໄປ.

SA Game
ພາບໂດຍເພສບຸກອ້າຍ: Boun Panyavong

ຖ້າບໍ່ມີການວາງແຜນແລະຈັດສັນສະຖານທີ່ໃຫ້ມີຄວາມເໝາະສົມແລະປອດໄພຕໍ່ຄົນ, ທຳມະຊາດຄວາມມະຫັດສະຈັນດັ່ງກ່າວອາດສູນຫາຍໄປໃນພິບຕາ

ຂ້າພະເຈົ້າໃນນາມສ່ວນຕົວຢາກຊັກຊວນໃຫ້ນັກເດີນທາງທຸກຄົນ ແລະ ບໍ່ວ່າສະຖານທີ່ແຫ່ງໃດຂໍໃຫ້ມີສ່ວນຮ່ວມ,ມີຄວາມຮັບຜິດຕໍ່ທຳມະຊາດແລະສັງຄົມໂດຍສະເພາະແມ່ນການຮັກສາສິ່ງແວດລ້ອມນຳກັນເພື່ອຄວາມສະອາດຈົບງາມແລະຍືນຍົງໄປພ້ອມໆກັນ.

ຄວາມໝາຍສັ້ນໆຂອງການ ທ່ອງທ່ຽວ Eco tour ຫລື ທ່ອງທ່ຽວ ແບບອະນຸລັກສິ່ງແວດລ້ອມນັ້ນຄືທຸກຢ່າງທີ່ເຮົານຳເຂົ້າໄປໃນປ່າໃຫ້ນຳເອົາອອກມາໃຫ້ໝົດ ຈົ່ງໄວ້ເບື້ອງຫລັງຂອງເຮົານັ້ນຄືຮອຍເກີບຫລືສັບບ້ານໆຄືຮອຍຕີນຂອງພວກເຮົານັ້ນເອງ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: laoedaily.com