ຄໍາວ່າ ປຸກລະດົມ ມີຄວາມໝາຍໃນພາສາລາວແນວໃດ?

SA Game

DooDiDo

ອະ​ທິ​ບາຍຄໍາວ່າ ​ປຸກລະດົມ ມີ​ຄວາມ​ໝາຍ​​ແນວ​ໃດ?

​ການ​ທີ່​ເຮົາ​ຈະ​ຂົນ​ຂວາຍ​ຊັກ​ຊວນ​ໃຫ້​ປະ​ຊາ​ຊົນ ຫລື ໝູ່​ເພືອນ ຫລື ບຸກ​ຄົນ​ຕ່າງໆ ເພື່ອ​ໃຫ້​ເຂົ້າ​ຮ່ວມ​ໃນ​ງານ​ ຫລື ພິ​ທີ​ໃດ​ໜຶ່ງ​ໃນພາ​ສາ​ລາວ​ຈະ​ໃຊ້​ຄຳ​ໃດ​ຈິ່ງ​ຈະ​ເໝາະ​ສົມ ແລະ ຈະ​ສະ​ກົດ​ຄຳ​ແບບ​ໃດ​ໃຫ້​ຖືກ​ຕ້ອງ​ຕາມ​ຫລັກ​ໄວ​ຍາ​ກອນ​ຂອງ​ພາ​ສາ​ລາວ​ນັ້ນ​ເຮົາ​ຈະ​ມາ​ຮູ້​ຈັກ​ຄຳ​ນີ້​ນຳ​ກັນ ແລະ ເວົ້າ​ລ​າຍ​ລະ​ອຽດ​ພ້ອມ​ຍົກ​ຕົວ​ຢ່າງ​ໃຫ້​ເຫັນ​ໄປ​ນຳ​ກັນ​ເລີຍ.

ໃນພາສາລາວສ່ວນຫຼາຍການ​ທີ່​ຈະ​ໃຊ້​ຄຳ​ທີ​ມີ​ຄວາມ​ໝາຍ​ໃນ​ການ​ຂົນ​ຂວາຍ​ຊັກ​ຊວນ​ນີ້​ຖ້າ​ຈະ​ໃຫ້​ຖືກ​ຕາມ​ຄວາມ​ໝາຍ​ນັ້ນແມ່ນຈະມີຄໍາທີ່​ວ່າ ປຸກ​ລະ​ດົມ ແລະ ເພື່ອທໍາຄວາມເຂົ້າໃຈຢ່າງເລິກເຊິ່ງກ່ຽວກັບຄໍານີ້ ເຮົາຂໍນໍາເອົາຂໍ້ມູນບາງສ່ວນຈາກວັດຈະນານຸກົມພາສາລາວ ສະບັບຄົ້ນຄວ້າ ແລະ ຮຽບຮຽງໄວ້​ຈ່ຳ​ນວນ​ໜຶ່ງ, ເພື່ອມາອະທິບາຍຄວາມໝາຍຄໍາສັບດັ່ງກ່າວ ດັ່ງນີ້:

SA Game
DooDiDo
 ປຸກລະດົມ

ເປັນຄຳ​ກຳ​ມະ ແປ​ວ່າ ປຸກ​ໃຈ​ໃຫ້​ຮູ້, ຊັກ​ຊວນ ໂດຍ​ມີ​ຈຸດ­ປະ­ສົງ​ເພື່ອ​ແຈ້ງ, ບອກ​ໃຫ້​ຮູ້, ເຂົ້າ­ໃຈ, ມີ​ສະ­ຕິ ເພື່ອ​ໃຫ້​ຮູ້​ຫຼື​ຕັດ­ສິນ​ໃຈ ເຂົ້າ​ຮ່ວມ… ແລະ ມີ​ຄວາມ​ໝາຍ​ໃກ້​ຄຽງ​ກັບ ຂົນ­ຂວາຍ ທີ່​ເປັນ​ຄຳ​ວິ­ຊາ​ການ ໂດຍ​ສະ­ເພາະ ໃນ​ຂົງ­ເຂດ​ກົດ­ໝາຍ, ການ​ປົກ­ຄອງ… ຈຶ່ງ​ພົບ​ເຫັນ​ມີ​ການ​ບັນ­ຍັດ​ໄວ້​ໃນ​ວັດ­ຈະ­ນາ­ນຸ­ກົມ​ແລ້ວ ຈຶ່ງ​ໄດ້​ໃຊ້​ເປັນ​ທາງ​ການ.

ຕົວ­ຢ່າງ:

  • ພັກ​ໄດ້​ປຸກ­ລະ­ດົມ​ປະ­ຊາ­ຊົນ​ທຸກ​ຊົນ­ເຜົ່າ ເຂົ້າ​ຮ່ວມ​ການ​ປະ­ຕິ­ວັດ.
  • ປຸກ­ລະ­ດົມ​ຊາວ​ໜຸ່ມ ເຂົ້າ​ຮ່ວມ​ການ​ພັດ­ທະ­ນາ​ສ້າງ­ສາ.
  • ລັດ­ຖະ­ບານ​ໄດ້​ປຸກ­ລະ­ດົມ​ມວນ​ຊົນ​ລາວ ໃຫ້​ສາ­ມັກ­ຄີ​ກັນ.
  • ທຸກ​ຄົນ​ຕ້ອງ​ມີ​ສະ­ຕິ ຕ້ານ​ການ​ປຸກ­ລະ­ດົມ​ຊວນ​ເຊື່ອ​ຂອງ​ສັດ­ຕູ.
  • ຕ້ອງ​ປຸກ­ລະ­ດົມ​ປະ­ຊາ­ຊົນ ເຮັດ​ການ​ຜະ­ລິດ​ກະ­ສິ­ກຳ​ລ້ຽງ­ສັດ​ໃຫ້​ຫຼາຍ.
  • ປຸກ­ລະ­ດົມ​ທຸກ​ຄົນ​ໃຫ້​ມີ​ສະ­ຕິ­ຊາດ​ສູງ ເພື່ອ​ຕ້ານ​ກັບ​ພະ­ຍາດ​ລະ­ບາດ.
ສະຫຼຸບ.

ຄໍາວ່າ: ປຸກ​ລະ​ດົມ​ໝາຍ​ເຖິງ ​ປຸກ​ໃຈ​ໃຫ້​ຮູ້, ຊັກ​ຊວນ ໂດຍ​ມີ​ຈຸດ­ປະ­ສົງ​ເພື່ອ​ແຈ້ງ, ບອກ​ໃຫ້​ຮູ້, ເຂົ້າ­ໃຈ, ມີ​ສະ­ຕິ ເພື່ອ​ໃຫ້​ຮູ້​ຫຼື​ຕັດ­ສິນ​ໃຈ ເຂົ້າ​ຮ່ວມ…

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo