ຄຳວ່າ ເດີ ແລະ ເນີ ມີຄວາມໝາຍ ແລະ ການນຳໃຊ້ແນວໃດ?.
DooDiDo
ຄວາມໝາຍຂອງຄຳວ່າ ເດີ ແລະ ເນີ ຄືກັນ ຫລື ແຕກຕ່າງກັນແນວໃດ?
ໃນພາສາລາວຄຳຫ້ອຍທ້າຍຫລາຍໆຄຳມີຄວາມໝາຍຄ້າຍຄືກັນ ສາຍເຫດກໍຍ້ອນ ສປປ ລາວ ມີຫລາຍແຂວງ ຫລາຍເຂດ ແລະ ຫລາຍຊົນເຜົ່າ, ສະນັ້ນຄຳເວົ້າຂອງແຕ່ລະເຂດກໍຈະມີສຳນຽງສຽງເວົ້າທີ່ແຕກຕ່າງກັນໄປເລັກນ້ອຍຫາຫລາຍແຕ່ຄວາມໝາຍຂອງຄຳນັ້ນໆມີຄວາມໝາຍເປັນອັນດຽວກັນເຊິງສາຍເຫດນີ້ກໍເລີຍເຮັດໃຫ້ຫລາຍໆຄົນຍັງມີຄວາມສົງໃສໃນແຕ່ລະຄຳຢູ່ວ່າມີການນຳໃຊ້ຄຳຈ່ຳພວກນັ້ນໃນທິດທາງແບບດຽວກັນແຕ່ໃຊ້ຄຳແຕກຕ່າງກັນໃນແຕ່ລະຄົນ.
ຫລາຍໆຄຳໃນພາສາລາວຄຳທີ່ມີຄວາມໝາຍອັນດຽວກັນແຕ່ການເວົ້າອາດຈະຕ່າງກັນ ແລະ ສ່ວນຫລາຍຄຳເຫລົ່ານີ້ຈະເກີດຂື້ນກັບຄຳທີ່ລົງທ້າຍຂອງຄຳເປັນຄຳເນັ້ນຄຳຄຳນັ້ນໃຫ້ມີນ້ຳໜັກເພີ່ມຂື້ນ ຫລື ເນັ້ນໃຫ້ເອົາໃຈໃສ່ຫລາຍກວ່າເກົ່າ, ໃນບົດນີ້ຈະຍົກເອົາຄຳທີ່ລົງທ້າຍດ້ວຍຄໍາວ່າ: ເດີ ແລະ ເນີ ມາອະທິບາຍ ເປັນຕົວຢ່າງ ເຊິງສອງຄຳນີ້ມີຄວາມໝາຍແບບດຽວກັນ ແຕ່ການສະກົດ ແລະ ການອອກສຽງແຕກຕ່າງກັນ ແລະ ຈະຂໍນຳລາຍລະອຽດເລັກນ້ອຍມາໃຫ້ຮູ້ນຳກັນດັ່ງນີ້.
ຄຳວ່າ ເດີ ແລະ ເນີ.
ເປັນຄຳລົງທ້າຍລັກສະນະບົ່ງບອກ, ຊັກຊວນ ຫຼື ການຢໍ້າ, ຫາກລົງທ້າຍກັບຄຳ ຫລື ປະໂຫຍກໃດກໍຕາມ, ສອງຄຳນີ້ຈະເປັນການເນັ້ນຄຳຂອງຄຳນັ້ນໃຫ້ເອົາໃຈໃສ່ ຫລື ໃຫ້ມີນ້ຳຫນັກຄວາມສຳຄັນຫລາຍຂື້ນ ແລະ ໃຫ້ມີການເອົາໃຈໃສ່ເພີ່ມຂື້ນຫລາຍກວ່າເກົ່າ.
ແລະ ສອງຄຳຂ້າງເທິງນີ້ ໃນວັດຈະນານຸກົມ ແລະ ການນຳໃຊ້ຈັດໃຫ້ເປັນຄຳທີ່ມີຄວາມໝາຍດຽວກັນ ໃຊ້ຄືກັນ ແຕ່ຕ່າງຕົວແກນ.
ຕົວຢ່າງ:
ມື້ອື່ນແມ່ນງານບູນພະເວດບ້ານຂ້ອຍ, ມາຢາມເຮືອນຂອ້ຍເດີ.
ລູກໄປໂຮງຮຽນຕັ້ງໃຈຮຽນໃຫ້ເກັ່ງໆເນີ
ສະຫຼຸບ.
ຄຳວ່າ ເດີ ແລະ ເນີ ໃນວັດຈະນານຸກົມ ແລະ ການນຳໃຊ້ຈັດໃຫ້ເປັນຄຳທີ່ມີຄວາມໝາຍດຽວກັນ ໃຊ້ຄືກັນ ແຕ່ຕ່າງຕົວແກນ, ເຊິງເປັນຄຳລົງທ້າຍ ລັກສະນະບົ່ງບອກ, ຊັກຊວນ ຫຼື ການຢໍ້າ, ຫາກລົງທ້າຍກັບຄຳ ຫລື ປະໂຫຍກໃດກໍຕາມ, ສອງຄຳນີ້ຈະເປັນການເນັ້ນຄຳຂອງຄຳນັ້ນໃຫ້ເອົາໃຈໃສ່ ຫລື ໃຫ້ມີນ້ຳຫນັກຄວາມສຳຄັນຫລາຍຂື້ນ ແລະ ໃຫ້ມີການເອົາໃຈໃສ່ເພີ່ມຂື້ນຫລາຍກວ່າເກົ່າ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
