ການບໍລິການຂອງທາງລົດໄຟລາວ-ຈີນ ໃນໄລຍະ 6ເດືອນຜ່ານມາ

SA Game

ຂປລ

ຂໍ້ມູນການບໍລິການໃນ 6 ເດືອນ ລົດໄຟລາວ-ຈີນ ຂົນສົ່ງຜູ້ໂດຍສານໄດ້ກວ່າ 400.000 ຄົນ ແລະ ສິນຄ້າ 640.000 ໂຕນ

 ອີງຕາມແຫລ່ງຂໍ້ມູນ ຈາກບໍລິສັດທາງລົດໄຟ ລາວ-ຈີນ ໃຫ້ຮູ້ວ່າ: ລົດໄຟລາວ-ຈີນໄດ້ເປີດດຳເນີນການມາຄົບຮອບເຄິ່ງປີແລ້ວ, ມາຮອດວັນທີ 2 ມິຖຸນາ 2022 ນີ້, ການຂົນສົ່ງຜູ້ໂດຍສານ ແລະ ສິນຄ້າຂອງທາງລົດໄຟລາວ-ຈີນໄດ້ມີທ່າອ່ຽງເພີ່ມຂຶ້ນທັງດ້ານປະລິມານ ແລະ ຄຸນນະພາບ ເຊິ່ງສາມາດຂົນສົ່ງຜູ້ໂດຍສານ ໄດ້ທັງໝົດ 410.000 ຄົນ ແລະ ຂົນສົ່ງສິນຄ້າຂ້າມແດນ ໄດ້ປະມານ 640.000 ໂຕນ.

ເພື່ອຕອບສະໜອງຄວາມຕ້ອງການໃນການເດີນທາງ, ທາງລົດໄຟລາວ-ຈີນໄດ້ເປີດນຳໃຊ້ສະຖານີຜູ້ໂດຍສານ 4 ສະຖານີ ຕາມລຳດັບຄື: ສະຖານີນາເຕີຍ, ສະຖານີກາສີ, ສະຖານີເມືອງງາ ແລະ ສະຖານາໝໍ້, ມາຮອດປັດຈຸບັນ ສະຖານີຂົນສົ່ງຜູ້ໂດຍສານທັງໝົດລວມມີ 10 ສະຖານີ

ນອກຈາກນີ້, ຍັງໄດ້ຈັດຊື້ລົດໄຟ EMU ຂະບວນ “ລ້ານຊ້າງ” ເພີ່ມອີກ 1 ຂະບວນ ແລະ ລົດໄຟທຳມະດາ 1 ຂະບວນ ເປີດໃຊ້ບໍລິການໄປພ້ອມໆກັນ ໂດຍສະເລ່ຍການແລ່ນລົດໄຟ ແມ່ນ 6 ຖ້ຽວຕໍ່ມື້, ສູງສຸດແມ່ນ 8 ຖ້ຽວຕໍ່ມື້, ຂົນສູງຜູ້ໂດຍສານສູງສຸດ 5.000 ຄົນຕໍ່ມື້.

SA Game
ຂປລ

ພ້ອມດຽວກັນນັ້ນ, ດ້ານການບໍລິການກໍໄດ້ຂະຫຍາຍເວລາຊື້ປີ້ລ່ວງໜ້າ ແລະ ໄດ້ມີການເປີດຈຸດຂາຍປີ້ຢູ່ບັນດາຕົວເມືອງໃຫຍ່ໃນລາວ ເພື່ອອຳນວຍຄວາມສະດວກໃຫ້ແກ່ການເດີນທາງຫລາຍຂຶ້ນ.

ພ້ອມດຽວກັນນັ້ນ, ທາງລົດໄຟລາວ-ຈີນ ຍັງໄດ້ສ້າງຊ່ອງທາງການຂົນສົ່ງສາກົນລະຫວ່າງຈີນກັບອາຊຽນ ທີ່ສະດວກສະບາຍ, ຫລຸດຜ່ອນເວລາ ແລະ ຄ່າຂົນສົ່ງໃນການຂົນສົ່ງເປັນຈຳນວນຫລາຍ, ຕາມສັນຍາການເປັນຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ທີ່ມີຜົນບັງຄັບໃຊ້ຢ່າງເປັນທາງການ ໃນເດືອນມັງກອນ ຜ່ານມາ

ຄວາມຮຽກຮ້ອງຕ້ອງການດ້ານການຂົນສົ່ງສິນຄ້າສາກົນ ລະຫວ່າງ ສປ ຈີນ ກັບ ສປປ ລາວ ກໍນັບມື້ນັບເພີ່ມຂຶ້ນ ເຊິ່ງເຮັດໃຫ້ສະຖານີຕ່າງໆເຊັ່ນ: ສະຖານີວຽງຈັນໃຕ້, ສະຖານີນາເຕີຍ, ສະຖານີວັງວຽງ, ສະຖານີຫລວງພະບາງ ແລະ ສະຖານີໂພນໂຮງ ໄດ້ເປີດທຸລະກຳຂົນສົ່ງສິນຄ້າເພີ່ມຂຶ້ນ.

ໃນໄລຍະຕໍ່ໄປ, ທາງລົດໄຟລາວ-ຈີນ ຈະຕັ້ງໜ້າຊຸກຍູ້ຄົ້ນຄວ້າ, ພັດທະນາລະ ບົບຊື້ປີ້ອອນລາຍ, ສ້າງຂໍ້ມູນຂ່າວສານການຂົນສົ່ງ ແລະ ການຜະລິດ, ຊຸກຍູ້ການກໍ່ສ້າງສະຖານີຂົນສົ່ງສິນຄ້າວຽງຈັນໃຕ້ ແລະ ຈະພັດທະນາຄຸນນະພາບການຂົນສົ່ງຜູ້ໂດຍສານ, ຂົນສົ່ງສິນຄ້າຂອງທາງລົດໄຟລາວ-ຈີນ ຢ່າງບໍ່ຢຸດຢັ້ງ, ປະກອບສ່ວນຢ່າງຕັ້ງໜ້າເຂົ້າໃນການສ້າງຄວາມສຸກໃຫ້ແກ່ປະຊາຊົນສອງຊາດ ລາວ ແລະ ຈີນ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈແຫຼ່ງຂໍ້ມູນຈາກ:ຂປລ